ਹਲਕੇ ਦੇ ਵੋਟਰ ਜ਼ਮੀਰ ਦੀ ਅਵਾਜ਼ ਸੁਣ ਕੇ ਖਰੜ ਦੇ ਜੰਮਪਾਲ ਨੂੰ ਵੋਟ ਪਾਉਣ: ਨੀਲੂ ਸ਼ਰਮਾ

5 ਦਰਿਆ ਨਿਊਜ਼ (ਹਰਪ੍ਰੀਤ ਸਿੰਘ ਰਾਮਗੜੀਆ)

ਖਰੜ 24-Jan-2012

ਖਰੜ ਸ਼ਹਿਰ ਵਿਚ ਇਸਤਰੀਆਂ ਵਲੋਂ ਮੋਰਚੇ ਦੇ ਹੱਕ ਵਿਚ ਚੋਣ ਪ੍ਰਚਾਰ ਕਰਕੇ ਇੱਕ ਵੱਡੀ ਲਹਿਰ ਖੜ੍ਹੀ ਕਰ ਦਿੱਤੀ ਹੈ ਜਿਸ ਕਾਰਨ ਹੁਣ ਵਿਰੋਧੀ ਪਾਰਟੀਆਂ ਦੇ ਆਗੂਆਂ ਨੂੰ 30 ਜਨਵਰੀ ਨੂੰ ਖਰੜ ਤੋਂ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਜਾਵੇਗਾ। ਮੁਕਤੀ ਮੋਰਚਾ ਖਰੜ ਤੋਂ ਉਮੀਦਵਾਰ ਕਮਲ ਕਿਸੋਰ ਸ਼ਰਮਾ ਦੀ ਪਤਨੀ ਨੀਲੂ ਸ਼ਰਮਾ  ਵਲੋਂ ਅੱਜ ਖਰੜ ਸ਼ਹਿਰ ਦੀਆਂ ਵੱਖ ਵੱਖ ਵਾਰਡਾਂ ਵਿਚ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਅਸੀ ਨਸ਼ਿਆਂ ਦੇ ਖਿਲਾਫ ਹਾਂ ਅਤੇ ਜੋ ਚੋਣਾਂ ਵਿਚ ਨਸ਼ੇ ਵੰਡ ਕੇ ਵੋਟਾਂ ਬਟੋਰਨਾਂ ਦੀਆਂ ਕੋਸ਼ਿਸ਼ਾਂ ਕਰ ਰਹੇ ਹਨ ਉਨ੍ਹਾਂ ਨੂੰ ਮੂੰਹ ਨਾ ਲਾਓ ਤੇ ਧੋਖੇ ਬਾਜ਼ਾਂ ਤੋਂ ਬਚੋ । ਉਨ੍ਹਾਂ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਜ਼ਮੀਰ ਦੀ ਆਵਜ਼ ਨੂੰ ਸਮਝਦੇ ਹੋਏ ਅੱਜ ਸਾਰੇ ਸ਼ਹਿਰ ਵਾਸੀਆਂ ਨੂੰ ਖਰੜ ਦੇ ਹੀ ਜਮਪਾਲ ਨੂੰ ਵੋਟਾਂ ਪਾ ਕੇ ਜਿਤਾਓ। ਇਸ ਮੌਕੇ ਉਨ੍ਹਾਂ ਪਰਵੀਨ, ਤ੍ਰਿਪਤਾ, ਸੰਤੋਸ਼ ਰਾਣੀ, ਕੈਲਾਸ਼ ਰਾਣੀ, ਸਵਰਨ ਕੌਰ  , ਦਰਸ਼ਨ ਦੇਵੀ, ਕੌਸਲਰ ਸਰਬਜੀਤ ਕੌਰ ਡਿੰਪਲ, ਪ੍ਰੋਮਿਲਾ, ਨੇਹਾ ਸ਼ਰਮਾ, ਈਸ਼ਾ ਸ਼ਰਮਾ, ਰਕਸ਼ਾ, ਸੀਮਾ ਸ਼ਰਮਾ  ਆਦਿ ਵੀ ਨਾਲ ਸਨ।