ਅਵਿਨਾਸ਼ ਰਾਏ ਖੰਨਾ ਨੇ ਕੇਂਦਰੀ ਮੰਤਰੀ ਨੱਡਾ ਨੂੰ ਪੇਸ਼ ਕੀਤਾ ਐਂਟੀ ਡਰੱਗ ਫੋਲਡਰ

ਮਾਂ-ਬਾਪ ਅਤੇ ਸਮਾਜ ਦੇ ਸਾਂਝੇ ਯਤਨ ਹੀ ਖਤਮ ਕਰ ਸਕਦੇ ਹਨ ਨਸ਼ਾ: ਨੱਡਾ

5 Dariya News

ਚੰਡੀਗੜ੍ਹ 29-Jul-2015

ਭਾਰਤੀ ਜਨਤਾ ਪਾਰਟੀ ਦੇ ਕੌਮੀ ਮੀਤ ਪ੍ਰਧਾਨ ਤੇ ਮੈਂਬਰ ਪਾਰਲੀਮੈਂਟ ਅਵਿਨਾਸ਼ ਰਾਏ ਖੰਨਾ ਨੇ ਅੱਜ ਕੇਂਦਰੀ ਸਿਹਤ ਮੰਤਰੀ ਜੇ.ਪੀ. ਨੱਡਾ ਨੂੰ ਪੰਜਾਬ ਵਿਚ ਜੋਸ਼ੀ ਫਾਉਂਡੇਸ਼ਨ ਦੇ ਬੈਨਰ ਹੇਠ ਚਲਾਏ ਜਾ ਰਹੇ ਨਸ਼ਾ ਵਿਰੋਧੀ ਅਭਿਆਨ ਦੀ ਜਾਣਕਾਰੀ ਦਿੱਤੀ। ਖੰਨਾ ਨੇ ਨੱਡਾ ਨੂੰ ਦੱਸਿਆ ਕਿ ਉਹ ਇਹ ਅਭਿਆਨ ਕੇਂਦਰੀ ਮੰਤਰੀ ਵਿਜੈ ਸਾਂਪਲਾ ਅਤੇ ਪੰਜਾਬ ਦੇ ਸਹਾਇਕ ਮੀਡੀਆ ਸਲਾਹਕਾਰ ਅਤੇ ਜੋਸ਼ੀ ਫਾਉਂਡੇਸ਼ਨ ਦੇ ਚੇਅਰਮੈਨ ਵਿਨੀਤ ਜੋਸ਼ੀ ਦੇ ਨਾਲ ਮਿੱਲਕੇ ਚਲਾ ਰਹੇ ਹਨ। ਇਸ ਮੁਲਾਕਾਤ ਦੌਰਾਨ ਖੰਨਾ ਨੇ ਨੱਡਾ ਨੂੰ ਉਹ ਫੋਲਡਰ ਭੇਂਟ ਕੀਤਾ, ਜਿਸ ਵਿਚ ਜਾਗਰੂਕਤਾ ਅਭਿਆਨ ਅਤੇ ਨਸ਼ਾ ਖੋਰੀ ਦੇ ਲੱਛਣਾਂ ਦੇ ਬਾਰੇ ਜਾਣਕਾਰੀ ਮਿਲਦੀ ਹੈ। ਇਨ੍ਹਾਂ ਕੋਸ਼ਿਸ਼ਾਂ ਦੀ ਸ਼ਲਾਘਾਂ ਕਰਦਿਆਂ ਨੱਡਾ ਨੇ ਕਿਹਾ ਕਿ ਨਸ਼ਾ ਖੋਰੀ ਸਮਾਜ ਦੇ ਲਈ ਇਕ ਵੱਡੀ ਚੁਣੌਦੀ ਹੈ, ਜੋ ਕਿ ਪਰਿਵਾਰ, ਸਮਾਜ ਅਤੇ ਸਰਕਾਰ ਦੇ ਮਿੱਲੇ-ਜੁੱਲੇ ਉਪਰਾਲੇ ਤੋਂ ਮਿਟਾਈ ਜਾ ਸਕਦੀ ਹੈ ਅਤੇ ਇਸ ਵਿਚ ਮਾਪਿਆਂ ਦੀ ਸਬ ਤੋਂ ਅਹਿਮ ਭੂਮਿਕਾ ਹੈ। ਸ੍ਰੀ ਖੰਨਾ ਨੇ ਦੱਸਿਆ ਕਿ ਨਸ਼ਾ ਕਰਨ ਵਾਲੇ ਅਕਸਰ ਹੀ ਇਸਦੇ ਲੱਛਣਾਂ 'ਤੇ ਪਰਦਾ ਪਾਉਣ ਦਾ ਯਤਨ ਕਰਦੇ ਹਨ ਤੇ ਆਪਣੀ ਸਮੱਸਿਆ ਨੂੰ ਵੀ ਲੁਕਾਉਣ ਦਾ ਯਤਨ ਕਰਦੇ ਹਨ ਜਿਸ ਨਾਲ ਅਕਸਰ ਸਮੱਸਿਆ ਵੱਧ ਜਾਂਦੀ ਹੈ। ਉਹਨਾਂ ਕਿਹਾ ਕਿ ਇਹ ਰੁਝਾਨ ਇਸ ਪਹਿਲਕਦਮੀ ਨਾਲ ਹੱਲ ਕੀਤਾ ਜਾ ਸਕਦਾ ਹੈ।

ਇਸ ਫੋਲਡਰ ਵਿਚ ਵਿਅਕਤੀ ਦੇ ਵਤੀਰੇ, ਸੌਣ ਤਰਤੀਬ, ਅਚਨਚੇਤ ਪਾਰ ਘਟਣ ਜਾਂ ਵਧਣ, ਸਾਹ, ਸਰੀਰ ਜਾਂ ਕਪਡਿਆਂ ਵਿਚੋਂ ਗੈਰ ਸਾਧਾਰਣ ਬਦਬੂ ਆਉਣ, ਬੋਲਣ ਵਿਚ ਹਿਚਕਿਚਾਹਟ, ਨਿੱਜਤਾ ਦੀ ਵਧੇਰੇ ਮੰਗ ਆਦਿ ਕੁਝ ਅਜਿਹੇ ਅਹਿਮ ਸੰਕੇਤ ਹਨ ਜੋ ਨਸ਼ਿਆਂ ਨਾਲ ੍ਰਸਤ ਵਿਅਕਤੀ ਦੀ ਸ਼ਨਾਖ਼ਤ ਵਿਚ ਸਹਾਇਤਾ ਕਰਦੇ ਹਨ।ਫੋਲਡਰ ਦਾ ਉਦੇਸ਼ ਮਾਪਿਆਂ ਨੂੰ ਨਸ਼ਿਆਂ ਦੀ ਲੱਛ ਦੇ ਸੰਕੇਤਾਂ ਤੋਂ ਜਾਣੂ ਕਰਵਾਇਆ ਹੈ ਜਿਸ ਵਿਚ ਨਸ਼ਿਆਂ ਦੀ ਲੱਤ 'ਚ ਲੱਗੇ ਵਿਅਕਤੀ ਦੇ ਚੇਤਾਵਨੀ ਭਰੇ ਸਰੀਰਕ, ਵਿਵਹਾਰਕ, ਮਨੋਵਿਗਿਆਨਕ ਸੰਕੇਤਾਂ ਦਾ ਜ਼ਿਕਰ ਕੀਤਾ ਗਿਆ ਹੈ। ਖੰਨਾ ਨੇ ਕਿਹਾ ਕਿ ਇਹ ਫੋਲਡਰ ਨਸ਼ਿਆਂ ਦਾ ਟਾਕਰਾ ਕਰਨ ਲਈ ਅਜਿਹੇ ਵਿਅਕਤੀਆਂ ਦੀ ਸ਼ਨਾਖ਼ਤ ਤੇ ਸਭਿਅਕ ਸਮਾਜ ਦੇ ਮੈਂਬਰਾਂ ਦੀ ਦਖਲਅੰਦਾਜ਼ੀ ਯਕੀਨੀ ਬਣਾਉਣ ਵਾਸਤੇ ਮਾਪਿਆਂ ਨੂੰ ਵੰਡੇ ਜਾਣਗੇ। ਇਹ ਸਕੂਲਾਂ, ਵਿਦਿਅਕ ਸੰਸਥਾਵਾਂ, ਉਦਯੋਗਿਕ ਕੰਮਕਾਜੀ ਥਾਵਾਂ, ਬਜ਼ਾਰਾਂ ਤੇ ਬੱਸ ਸਟੈਂਡਾਂ ਆਦਿ ਵਿਚ ਵੰਡੇ ਜਾਣਗੇ। ਸ੍ਰੀ ਨੱਡਾ ਨੇ ਖੰਨਾ, ਜੋਸ਼ੀ ਫਾਉਂਡੇਸ਼ਨ ਦੇ ਚੇਅਰਮੈਨ ਤੇ ਪੰਜਾਬ ਦੇ ਸਹਾਇਕ ਮੀਡੀਆ ਸਲਾਹਕਾਰ ਵਿਨੀਤ ਜੋਸ਼ੀ ਅਤੇ ਕੇਂਦਰੀ ਰਾਜ ਮੰਤਰੀ ਵਿਜੈ ਸਾਂਪਲਾ ਵੱਲੋਂ ਨਸ਼ਿਆਂ ਦੇ ਖਿਲਾਫ ਚਲਾਈ ਇਸ ਮੁਹਿੰਮ ਦੀ ਸ਼ਲਾਘਾ ਕੀਤੀ।