ਜ਼ਿਲ੍ਹੇ 'ਚ ਹੁਣ ਤੱਕ 90 ਕਰੋੜ 13 ਲੱਖ ਰੁਪਏ ਕਣਕ ਦੀ ਅਦਾਇਗੀ ਆਨ ਲਾਇਨ ਰਾਹੀਂ ਕੀਤੀ : ਸਿੱਧੂ

ਮੰਡੀਆਂ ਵਿੱਚ ਹੁਣ ਤੱਕ 82028 ਮੀਟਰਿਕ ਟਨ ਕਣਕ ਦੀ ਕੀਤੀ ਖਰੀਦ

5 Dariya News

ਐਸ.ਏ.ਐਸ ਨਗਰ 07-May-2015

ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਜਿਲ੍ਹੇ ਦੀਆਂ ਮੰਡੀਆਂ ਵਿਚ ਹੁਣ ਤੱਕ 82 ਹਜ਼ਾਰ 353 ਮੀਟਰਿਕ ਟਨ ਕਣਕ ਪੁੱਜੀ ਹੈ ਜਿਸ ਵਿਚੋਂ 82 ਹਜਾਰ 028 ਮੀਟਰਕ ਟਨ ਕਣਕ ਦੀ ਖਰੀਦ ਕੀਤੀ ਜਾ ਚੁੱਕੀ ਹੈ ਅਤੇ ਕਣਕ ਦੀ ਅਦਾਇਗੀ ਹੁਣ ਤੱਕ 90 ਕਰੋੜ 13 ਲੱਖ ਰੁਪਏ ਆਨ ਲਾਇਨ ਰਾਹੀਂ ਕੀਤੀ ਜਾ ਚੁੱਕੀ ਹੈ। ਇਸ ਗੱਲ ਦੀ ਜਾਣਕਾਰੀ ਡਿਪਟੀ ਕਮਿਸ਼ਨਰ ਸ੍ਰੀ ਤੇਜਿੰਦਰ ਪਾਲ ਸਿੰਘ ਸਿੱਧੂ ਨੇ ਦਿੰਦਿਆਂ ਦੱਸਿਆ ਕਿ ਇਸ ਸੀਜ਼ਨ ਦੌਰਾਨ ਜਿਲ੍ਹੇ ਦੀਆਂ ਮੰਡੀਆਂ ਵਿਚ 1 ਲੱਖ 4 ਹਜ਼ਾਰ 15 ਮੀਟਰਕ ਟਨ ਕਣਕ ਪੁੱਜਣ ਦੀ ਆਸ ਹੈ ਅਤੇ ਮੰਡੀਆਂ ਵਿਚ ਪੁੱਜੀ ਕਣਕ ਦਾ ਦਾਣਾ-ਦਾਣਾ ਖਰੀਦਿਆ ਜਾਵੇਗਾ। ਸਿੱਧੂ ਨੇ ਦੱਸਿਆ ਕਿ ਮੰਡੀਆਂ ਵਿਚੋਂ 62 ਹਜ਼ਾਰ 541 ਮੀਟਰਿਕ ਟਨ ਕਣਕ ਦੀ ਲਿਫਟਿੰਗ ਹੋ ਚੁੱਕੀ ਹੈ ਅਤੇ ਬਾਕੀ ਰਹਿੰਦੀ 19 ਹਜ਼ਾਰ 487 ਮੀਟਰਿਕ ਟਨ ਦੀ ਲਿਫਟਿੰਗ ਵਿਚ ਤੇਜੀ ਲਿਆਉਣ ਦੀਆਂ ਹਦਾਇਤਾਂ ਦਿੱਤੀਆਂ ਗਈਆਂ ਹਨ। ਸ੍ਰੀ ਸਿੱਧੂ ਨੇ ਦੱਸਿਆ ਕਿ ਜਿਲ੍ਹੇ ਦੀਆਂ ਮੰਡੀਆਂ ਵਿਚੋਂ ਪਨਗਰੇਨ ਨੇ ਹੁਣ ਤੱਕ 18251 ਮੀਟਰਿਕ ਟਨ, ਮਾਰਕਫੈਡ ਨੇ 10544 ਮੀਟਰਿਕ ਟਨ, ਪਨਸਪ ਨੇ 12189 ਮੀਟਰਕ ਟਨ, ਪੰਜਾਬ ਸਟੇਟ ਵੇਅਰ ਕਾਰਪੋਰੇਸ਼ਨ 13457 ਮੀਟਰਕ ਟਨ, ਪੰਜਾਬ ਐਗਰੋ 12793 ਮੀਟਰਕ ਟਨ, ਐਫ.ਸੀ.ਆਈ ਨੇ 12214 ਮੀਟਰਕ ਟਨ ਕਣਕ ਦੀ ਖਰੀਦ ਕੀਤੀ ਜਦਕਿ ਵਪਾਰੀਆਂ ਵੱਲੋਂ 2580 ਮੀਟਰਕ ਟਨ ਕਣਕ ਦੀ ਖਰੀਦ ਕੀਤੀ ਗਈ। ਸ੍ਰੀ ਸਿੱਧੂ  ਨੇ ਦੱਸਿਆ ਕਿ ਕਣਕ ਦੀ 23 ਕਰੋੜ 62 ਲੱਖ ਰੁਪਏ ਦੀ ਬਕਾਇਆ ਅਦਾਇਗੀ ਕਰਨ ਦੀਆਂ ਵੀ ਸਖ਼ਤ ਹਦਾਇਤਾਂ ਦਿੱਤੀਆਂ ਗਈਆਂ ਹਨ।