ਜ਼ਿਲ੍ਹਾ ਪੁਲਿਸ ਵੱਲੋਂ ਲੁੱਟਾਂ ਖੋਹਾਂ ਕਰਨ ਵਾਲੇ ਚਾਰ ਦੋਸੀਆਂ ਨੂੰ ਗ੍ਰਿਫਤਾਰ ਕਰਕੇ ਲੁੱਟਿਆ ਹੋਇਆ ਸਮਾਨ ਕੀਤਾ ਬਰਾਮਦ
5 Dariya News
ਐਸ.ਏ.ਐਸ.ਨਗਰ 07-Apr-2015
ਜਿਲਾ ਪੁਲਿਸ ਮੁੱਖੀ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਦੱਸਿਆ ਕਿ ਥਾਣਾ ਸਿਟੀ ਖਰੜ ਦੀ ਪੁਲਿਸ ਵੱਲੋਂ ਲੁੱਟਾਂ-ਖੋਹਾਂ ਕਰਨ ਵਾਲੇ ਗਿਰੋਹ ਦੇ 04 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਉਹਨਾ ਪਾਸੋਂ 01 ਮੋਟਰਸਾਈਕਲ ਮਾਰਕਾ ਪਲਸਰ, 2 ਸੋਨੇ ਦੀਆਂ ਚੈਨੀਆਂ, 8000/ਰੁਪਏ ਕੈਸ਼, 07 ਮੋਬਾਇਲ ਫੋਨ ਬ੍ਰਾਮਦ ਕਰਵਾਉਣ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਥਾਣਾ ਸਿਟੀ ਖਰੜ ਵਿਖੇ ਖੁਫੀਆ ਇਤਲਾਹ ਦੇ ਆਧਾਰ ਤੇ ਮੁਕੱਦਮਾ ਨੰਬਰ 50 ਮਿਤੀ 05.04.2015 ਅ/ਧ 382 ਹਿੰ:ਦੰ: ਥਾਣਾ ਸਿਟੀ ਖਰੜ ਬਰਖਿਲਾਫ ਦੋਸ਼ੀ ਗੁਰਿੰਦਰ ਸਿੰਘ ਪੁੱਤਰ ਨਿਰਭੈ ਸਿੰਘ ਵਾਸੀ ਪਿੰਡ ਮੁੱਲਾਂਪੁਰ ਸਾਦਿਕ ਜਿਲਾ ਫਤਿਹਗੜ੍ਹ ਸਾਹਿਬ, ਦੋਸ਼ੀ ਚੰਨਪ੍ਰੀਤ ਸਿੰਘ ਪੁੱਤਰ ਬਲਜੀਤ ਸਿੰਘ ਵਾਸੀ ਪਿੰਡ ਖੇੜੀ ਬੀਰ ਸਿੰਘ ਜਿਲਾ ਫਤਿਹਗੜ੍ਹ ਸਾਹਿਬ, ਦੋਸ਼ੀ ਜਗਤਾਰ ਸਿੰਘ ਪੁੱਤਰ ਬੁੱਧ ਸਿੰਘ, ਦੋਸ਼ੀ ਮਨਜਿੰਦਰ ਸਿੰਘ ਪੁੱਤਰ ਜਗਦੀਸ਼ ਸਿੰਘ ਵਾਸੀ ਗੜਾਂਗਾਂ ਥਾਣਾ ਸਦਰ ਖਰੜ, ਦੋਸ਼ੀ ਮਨਦੀਪ ਸਿੰਘ ਉਰਫ ਮੰਨਾ ਪੁੱਤਰ ਕਰਮਜੀਤ ਸਿੰਘ ਵਾਸੀ ਪਿੰਡ ਨੰਦਪੁਰ, ਜਿਲਾ ਫਤਿਹਗੜ੍ਹ ਹਾਲ ਵਾਸੀ ਪਿੰਡ ਛੱਜੂ ਮਾਜਰਾ ਕਲੌਨੀ ਖਰੜ ਦੇ ਦਰਜ ਰਜਿਸਟਰ ਹੋਇਆ ਸੀ। ਉਕੱਤ ਮੁਕੱਦਮਾ ਦਰਜ ਕਰਕੇ ਮੁਕੱਦਮਾ ਦੀ ਤਫਤੀਸ਼ ਇੰਸਪੈਕਟਰ ਗੁਰਚਰਨ ਸਿੰਘ ਇੰਚਾਰਜ ਸੀ.ਆਈ.ਏ.ਸਟਾਫ ਮੋਹਾਲੀ ਦੀ ਨਿਗਰਾਨੀ ਹੇਠ ਸੀ.ਆਈ.ਏ.ਸਟਾਫ ਮੋਹਾਲੀ ਅਤੇ ਥਾਣਾ ਸਿਟੀ ਖਰੜ ਦੀ ਪੁਲਿਸ ਵਲੋਂ ਅਮਲ ਵਿੱਚ ਲਿਆਂਦੀ ਗਈ।
ਦੌਰਾਨੇ ਤਫਤੀਸ਼ ਮੁਕੱਦਮਾ ਦੇ ਹੇਠ ਲਿਖੇ ਅਨੁਸਾਰ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ :-
1. ਦੋਸ਼ੀ ਗੁਰਿੰਦਰ ਸਿੰਘ ਉਮਰ 26 ਪੁੱਤਰ ਨਿਰਭੈ ਸਿੰਘ ਕੌਮ ਜੁਲਾਹਾ ਵਾਸੀ ਪਿੰਡ ਮੁੱਲਾਂਪੁਰ ਸਾਦਿਕ ਜਿਲਾ ਫਤਿਹਗੜ੍ਹ ਸਾਹਿਬ ਜੋ ਕਿ 8ਵੀ ਫੇਲ੍ਹ ਹੈ,
2. ਦੋਸ਼ੀ ਚੰਨਪ੍ਰੀਤ ਸਿੰਘ ਉਮਰ 24 ਸਾਲ ਪੁੱਤਰ ਬਲਜੀਤ ਸਿੰਘ ਕੌਮ ਰਮਦਾਸੀਆ ਵਾਸੀ ਪਿੰਡ ਖੇੜੀ ਬੀਰ ਸਿੰਘ ਜਿਲਾ ਫਤਿਹਗੜ੍ਹ ਸਾਹਿਬ ਜੋ ਕਿ 6 ਵੀ ਫੇਲ੍ਹ ਹੈ,
3. ਦੋਸ਼ੀ ਮਨਜਿੰਦਰ ਸਿੰਘ ਉਮਰ 20 ਸਾਲ ਪੁੱਤਰ ਜਗਦੀਸ਼ ਸਿੰਘ ਕੌਮ ਰਮਦਾਸੀਆ ਵਾਸੀ ਗੜਾਂਗਾਂ ਥਾਣਾ ਸਦਰ ਖਰੜ,ਜੋ ਕਿ 10ਵੀ ਫੇਲ੍ਹ ਹੈ,
4. ਦੋਸ਼ੀ ਮਨਦੀਪ ਸਿੰਘ ਉਰਫ ਮੰਨਾ ਉਮਰ 20 ਸਾਲ ਪੁੱਤਰ ਕਰਮਜੀਤ ਸਿੰਘ ਕੌਮ ਹਰੀਜਨ ਵਾਸੀ ਪਿੰਡ ਨੰਦਪੁਰ, ਜਿਲਾ ਫਤਿਹਗੜ੍ਹ ਜੋ ਕਿ 8ਵੀਂ ਫੇਲ੍ਹ ਹੈ, ਹਾਲ ਵਾਸੀ ਪਿੰਡ ਛੱਜੂ ਮਾਜਰਾ ਕਲੌਨੀ ਖਰੜ।
ਉਕੱਤ ਗ੍ਰਿਫਤਾਰ ਕੀਤੇ ਗਏ ਸਾਰੇ ਦੋਸ਼ੀ ਨਸ਼ਾ ਕਰਨ ਦੇ ਆਦਿ ਹਨ, ਇਹਨਾਂ ਦੋਸ਼ੀਆਂ ਦੀ ਮੁੱਢਲੀ ਪੁੱਛਗਿੱਛ ਤੋਂ ਥਾਣਾ ਮਟੌਰ ਅਤੇ ਥਾਣਾ ਫੇਸ-1 ਮੋਹਾਲੀ ਦੀਆਂ ਹੇਠ ਲਿਖੇ ਅਨੁਸਾਰ ਲੁੱਟ-ਖੋਹ ਅਤੇ ਸਨੈਚਿੰਗ ਦੀਆਂ 04 ਵਾਰਦਾਤਾਂ ਟਰੇਸ ਹੋਈਆਂ ਹਨ:-
ਮੁਕੱਦਮਾ ਨੰਬਰ 33 ਮਿਤੀ 2.03.15 ਅ/ਧ 356,382 ਹਿੰ:ਦੰ: ਥਾਣਾ ਮਟੌਰ,
ਇਹ ਮੁਕੱਦਮਾ ਬਰਬਿਆਨ ਵਿਸ਼ਾਲੀ ਪੁੱਤਰੀ ਵਿਨੋਦ ਜਿੰਬਾਦ ਵਾਸੀ ਮਕਾਨ ਨੰਬਰ 406 ਫੇਸ-3ਬੀ1 ਮੋਹਾਲੀ ਦੇ ਬਿਆਨ ਪਰ ਦਰਜ ਹੋਇਆ ਸੀ, ਦੋਸ਼ੀਆਂ ਨੇ ਉਕੱਤ ਲੜਕੀ ਤੋਂ ਜੋ ਕਿ ਏਅਰ ਟੈਲ ਕੰਪਨੀ ਵਿੱਚ ਨੌਕਰੀ ਕਰਦੀ ਸੀ, ਸ਼ਾਮ ਨੂੰ ਦਫਤਰ ਤੋਂ ਘਰ ਜਾਂਦੇ ਸਮੇਂ ਦੋਸ਼ੀਆਂ ਨੇ ਮੋਟਰਸਾਈਕਲ ਨੇੜੇ ਲਗਾ ਕਰ ਝਪਟ ਮਾਰ ਕੇ ਉਸ ਦਾ ਪਰਸ਼ ਖੋਹ ਲਿਆ ਸੀ, ਜਿਸ ਵਿੱਚ ਏ.ਟੀ.ਐਮ. ਕਾਰਡ ਅਤੇ ਨਕਦੀ ਸੀ, ਦੋਸ਼ੀ ਨੇ ਬਾਅਦ ਵਿੱਚ ਏ.ਟੀ.ਐਮ. ਰਾਹੀਂ ਮੁਦੱਈ ਦੇ ਖਾਤੇ ਵਿਚੋਂ 17000 ਰੁਪੈ ਕੱਢਵਾ ਲਏ ਸਨ, ਜਿਨ੍ਹਾਂ ਵਿਚੋਂ 8000ਰੁਪਏ ਦੋਸੀਆ ਪਾਸੋਂ ਰਿਕਵਰ ਹੋ ਚੁੱਕੇ ਹਨ।
ਮੁਕੱਦਮਾ ਨੰਬਰ 39 ਮਿਤੀ 15.3.15 ਅ/ਧ 356,382 ਹਿੰ:ਦੰ: ਥਾਣਾ ਮਟੌਰ,
ਇਹ ਮੁਕੱਦਮਾ ਬਰਬਿਆਨ ਮਾਲਨੀ ਪਤਨੀ ਅਭਿਜੀਤ ਮਕਾਨ ਨੰਬਰ 151ਏ, ਏਅਰ ਫੋਰਸ ਕੈਪਸ ਸੈਕਟਰ 47 ਏ ਚੰਡੀਗੜ੍ਹ ਦੇ ਬਿਆਨ ਪਰ ਦਰਜ ਹੋਇਆ ਸੀ, ਮੁਦੱਈ ਮੁਕੱਦਮਾ ਨੇ ਇਤਲਾਹ ਦਿੱਤੀ ਸੀ ਕਿ ਜਦੋਂ ਉਹ ਸੈਕਟਰ 71 ਮੋਹਾਲੀ ਵਿਖੇ ਆਪਣੇ ਨਿੱਜੀ ਕੰਮ ਗਈ ਸੀ ਤਾਂ ਦੋਸੀਆ ਨੇ ਝਪਟ ਮਾਰ ਕੇ ਉਸ ਦੇ ਮੋਬਾਇਲ ਫੋਨ ਖੋਹ ਲਏ ਸਨ। ਜੋ ਇਹਨਾਂ ਦੋਸੀਆਂ ਪਾਸੋਂ ਰਿਕਵਰ ਹੋ ਚੁੱਕੇ ਹਨ।
ਮੁਕੱਦਮਾ ਨੰਬਰ 47 ਮਿਤੀ 28.03.15 ਅ/ਧ 382 ਹਿੰ:ਦੰ: ਥਾਣਾ ਫੇਸ ਮਟੌਰ,
ਇਹ ਮੁਕੱਦਮਾ ਬਰਬਿਆਨ ਵੀਨਾ ਠਾਕੁਰ ਪਤਨੀ ਸੁਨੀਲ ਕੁਮਾਰ ਵਾਸੀ ਮਕਾਨ ਨੰਬਰ 1018 ਫੇਸ3ਬੀ2 ਮੋਹਾਲੀ ਦੇ ਬਿਆਨ ਪਰ ਦਰਜ ਹੋਇਆ ਸੀ, ਮੁਦੱਈ ਨੇ ਇਤਲਾਹ ਦਿੱਤੀ ਸੀ ਕਿ ਸ਼ਾਮ ਨੂੰ ਜਦੋਂ ਉਹ ਮਾਰਕਿਟ ਫੇਸ-7 ਤੋਂ ਆਪਣੇ ਘਰ ਨੂੰ ਪੈਦਲ ਜਾ ਰਹੀ ਸੀ ਤਾਂ ਦੋਸ਼ੀਆਂ ਨੇ ਮੋਟਰਸਾਈਕਲ ਪਰ ਸਵਾਰ ਹੋ ਕੇ ਉਸ ਦੇ ਗਲੇ ਵਿੱਚ ਪਾਈ ਸੋਨੇ ਦੀ ਚੈਨੀ ਝਪਟ ਮਾਰ ਕੇ ਤੋੜ ਕੇ ਲੈ ਗਏ ਸਨ। ਜੋ ਦੋਸੀਆਂ ਪਾਸੋਂ ਬ੍ਰਾਮਦ ਹੋ ਚੁੱਕੀ ਹੈ।
ਮੁਕੱਦਮਾ ਨੰਬਰ 53 ਮਿਤੀ 31.03.15 ਅ/ਧ 382 ਹਿੰ:ਦੰ: ਥਾਣਾ ਫੇਸ-1 ਮੋਹਾਲੀ,
ਇਹ ਮੁਕੱਦਮਾ ਬਰਬਿਆਨ ਰੂਪਮ ਭਸੀਨ ਪਤਨੀ ਗੌਰਵ ਭਸੀਨ ਵਾਸੀ ਮਕਾਨ ਨੰਬਰ ਐਚ.ਈ. 200 ਫੇਸ-5 ਮੋਹਾਲੀ ਦੇ ਦਰਜ ਹੋਇਆ ਸੀ, ਮੁਦੱਈ ਮੁਕੱਦਮਾ ਨੇ ਇਤਲਾਹ ਦਿੱਤੀ ਸੀ ਕਿ ਜਦੋਂ ਸ਼ਾਮ ਸਮੇਂ ਆਪਣੇ ਘਰ ਦੇ ਨੇੜੇ ਸੈਰ ਕਰ ਰਹੀ ਸੀ ਤਾਂ ਦੋਸੀਆਂ ਨੇ ਮੋਟਰਸਾਈਕਲ ਪਰ ਸਵਾਰ ਹੋ ਕੇ ਮੁਦੱਈ ਦੇ ਗਲੇ ਵਿੱਚ ਪਾਈ ਡੇਢ ਤੋਲੇ ਦੀ ਸੋਨੇ ਦੀ ਚੈਨੀ ਝਪਟ ਮਾਰ ਕੇ ਫਰਾਰ ਹੋ ਗਏ ਸਨ।ਜੋ ਦੋਸੀਆਂ ਪਾਸੋਂ ਬ੍ਰਾਮਦ ਹੋ ਚੁੱਕੀ ਹੈ। ਇਹ ਦੋਸ਼ੀ ਵਾਰਦਾਤਾਂ ਲਈ ਪਲਸਰ ਮੋਟਰਸਾਈਕਲ ਨੰਬਰ ਪੀਬੀ 23 ਐਲ-7929 ਵਰਤਦੇ ਸਨ, ਜਿਸ ਦੀ ਨੰਬਰ ਪਲੇਟ ਵਾਰਦਾਤ ਸਮੇਂ ਜਾਂ ਤਾਂ ਮੋੜ ਲੈਂਦੇ ਸਨ ਅਤੇ ਜਾਂ ਦੂਜੀ ਨੰਬਰ ਪਲੇਟ ਪੀਬੀ 65 -1042 ਲਗਾ ਲੈਂਦੇ ਸਨ, ਦੋਸੀਆਂ ਵੱਲੋਂ ਵਰਤਿਆ ਜਾ ਰਿਹਾ ਇਹ ਮੋਟਰਸਾਈਕਲ ਜਤਿੰਦਰ ਸਿੰਘ ਵਾਸੀ ਨੰਦ ਜਿਲਾ ਫਤਿਹਗੜ੍ਹ ਸਾਹਿਬ ਦੇ ਨਾਮ ਪਰ ਹੇ, ਜਿਸ ਸਬੰਧੀ ਪੁੱਛਗਿੱਛ ਚਲ ਰਹੀ ਹੈ, ਦੋਸੀਆਂ ਪਾਸੋਂ ਹੋਰ ਵੀ ਲੁੱਟ ਖੋਹ ਅਤੇ ਸਨੈਚਿੰਗ ਦੀਆਂ ਵਾਰਦਾਤਾ ਟਰੇਸ ਹੋਣ ਦੀ ਉਮੀਦ ਹੈ। ਇਹਨਾਂ ਦੋਸੀਆਂ ਦੇ ਨਾਲ ਦੇ ਫਰਾਰ ਹੋ ਦੋਸੀ ਦੀ ਭਾਲ ਕੀਤੀ ਜਾ ਰਹੀ ਹੈ। ਮੁਕੱਦਮਾ ਦੀ ਤਫਤੀਸ਼ ਜਾਰੀ ਹੈ।