ਰੇਵਾੜੀ ਵਿੱਚ ਖੇਤੀਬਾੜੀ ਭਵਨ ਦਾ ਨਿਰਮਾਣ ਜਲਦ ਸ਼ੁਰੂ ਹੋਵੇਗਾ

5 Dariya News

ਚੰਡੀਗੜ੍ਹ 18-Mar-2026

ਹਰਿਆਣਾ ਦੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ ਸ੍ਰੀ ਸ਼ਿਆਮ ਸਿੰਘ ਰਾਣਾ ਨੇ ਦੱਸਿਆ ਕਿ ਰੇਵਾੜੀ ਵਿੱਚ ਖੇਤੀਬਾੜੀ ਭਵਨ ਦਾ ਨਿਰਮਾਣ ਜਲਦ ਹੀ ਕੀਤਾ ਜਾਵੇਗਾ। ਸ੍ਰੀ ਰਾਣਾ ਅੱਜ ਹਰਿਆਣਾ ਵਿਧਾਨਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਸ੍ਰੀ ਸ਼ਿਆਮ ਸਿੰਘ ਰਾਣਾ ਨੇ ਦੱਸਿਆ ਕਿ ਮੁੱਖ ਮੰਤਰੀ ਨੇ ਬੀਤੇ 15 ਜੂਨ 2025 ਨੂੰ ਰੇਵਾੜੀ ਵਿੱਚ ਖੇਤੀਬਾੜੀ ਭਵਨ ਬਨਾਉਣ ਦਾ ਐਲਾਨ ਕੀਤਾ ਸੀ। ਪਹਿਲਾਂ ਇਸ ਦੇ ਲਈ ਜਿਸ ਭੂਮੀ 'ਤੇ ਖੇਤੀਬਾੜੀ ਭਵਨ ਦਾ ਨਿਰਮਾਣ ਪ੍ਰਸਤਾਵਿਤ ਸੀ, ਉਸ ਦਾ ਮਾਲਿਕਾਨਾ ਹੱਕ ਪੁਨਰਵਾਸ  ਵਿਭਾਗ ਦੇ ਨਾਮ 'ਤੇ ਸੀ। 

ਹੁਣ ਇਸ ਭੂਮੀ ਦਾ ਮਾਲਿਕਾਨਾ ਹੱਕ ਪੁਨਰਵਾਸ ਵਿਭਾਗ ਤੋਂ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਨੂੰ ਟ੍ਰਾਂਸਫਰ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਵਾਸਤੁਕਲਾ ਵਿਭਾਗ ਨਾਲ ਉਕਤ ਭਵਨ ਦੇ ਡ੍ਰਾਇੰਗ ਅਤੇ ਡਿਜਾਇਨ ਬਨਾਉਣ ਲਈ ਅਪੀਲ ਕੀਤੀ ਗਈ ਹੈ, ਇਨ੍ਹਾਂ ਦੇ ਤਿਆਰ ਹੁੰਦੇ ਹੀ ਜਲਦ ਤੋਂ ਜਲਦ ਟੇਂਟਰ ਲਗਾ ਕੇ ਭਵਨ ਨਿਰਮਾਣ ਦੀ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ।