ਖੇਤਰੀ ਕੌਸ਼ਲ ਮੁਕਾਬਲੇ ਵਿੱਚ ਹਰਿਆਣਾ ਦੇ ਨੌਜੁਆਨਾ ਦਾ ਸ਼ਾਨਦਾਰ ਪ੍ਰਦਰਸ਼ਨ, 33 ਮੈਡਲ ਜਿੱਤ ਕੇ ਵਧਾਇਆ ਸੂਬੇ ਦਾ ਮਾਨ
ਆਗਰਾ ਵਿੱਚ ਆਯੋਜਿਤ ਮੁਕਾਬਲੇ ਵਿੱਚ 8 ਗੋਲਡ, 13 ਸਿਲਵਰ ਅਤੇ 12 ਬ੍ਰਾਂਜ ਮੈਡਲ ਹਾਸਲ
5 Dariya News
ਚੰਡੀਗੜ੍ਹ 15-Mar-2026
ਹਰਿਆਣਾ ਦੇ ਪ੍ਰਤਿਭਾਸ਼ਾਲੀ ਨੌਜੁਆਨਾਂ ਨੈ ਇੱਕ ਵਾਰ ਫਿਰ ਆਪਣੀ ਕੁਸ਼ਲਤਾ ਅਤੇ ਕੌਸ਼ਲ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਆਗਰਾ ਦੇ ਬੀਐਲਐਨਐਲ ਗਰਾਉਂਡ ਵਿੱਚ ਪਿਛਲੇ ਦਿਨ ਆਯੋਜਿਤ ਖੇਤਰੀ ਕੌਸ਼ਲ ਮੁਕਾਬਲੇ ਵਿੱਚ 33 ਮੈਡਲ ਜਿੱਤ ਕੇ ਸ਼ਾਦਨਦਾਰ ਪ੍ਰਦਰਸ਼ਨ ਕੀਤਾ, ਜਿਸ ਵਿੱਚ 8 ਗੋਲਡ, 13 ਸਿਲਵਰ ਅਤੇ 12 ਬ੍ਰਾਂਜ ਮੈਡਲ ਸ਼ਾਮਿਲ ਹਨ। ਸਮਾਪਨ ਸਮਾਰੋਹ ਮੌਕੇ 'ਤੇ ਕੇਂਦਰੀ ਕੌਸ਼ਲ ਵਿਕਾਸ ਅਤੇ ਉਦਮਤਾ ਮੰਤਰੀ (ਸੁਤੰਤਰ ਕਾਰਜਭਾਰ) ਸ੍ਰੀ ਜਯੰਤ ਚੌਧਰੀ ਨੇ ਹਰਿਆਣਾ ਦੇ ਪ੍ਰਤੀਭਾਗੀਆਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ ਸਾਰੇ ਜੇਤੂਆਂ ਨੂੰ ਵਧਾਈ ਦਿੱਤੀ।
ਉਨ੍ਹਾਂ ਨੇ ਮੁਕਾਬਲਿਆਂ ਨੂੰ ਭਵਿੱਖ ਦੇ ਮੁਕਾਬਲਿਆਂ ਵਿੱਚ ਵੀ ਇਸੀ ਤਰ੍ਹਾ ਵਧੀਆ ਪ੍ਰਦਰਸ਼ਨ ਜਾਰੀ ਰੱਖਣ ਲਈ ਪ੍ਰੇਰਿਤ ਕੀਤਾ। ਨੌਜੁਆਨਾਂ ਵੱਲੋਂ ਬਿਹਤਰੀਨ ਪ੍ਰਦਰਸ਼ਨ ਕਰਨ 'ਤੇ ਹਰਿਆਣਾ ਦੇ ਨੌਜੁਆਨ ਸਸ਼ਕਤੀਕਰਣ ਅਤੇ ਉਦਮਤਾ ਮੰਤਰੀ ਸ੍ਰੀ ਗੌਰਵ ਗੌਤਮ ਨੇ ਸਾਰੇ ਜੇਤੂਆਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਹਰਿਆਣਾ ਦੇ ਨੌਜੁਆਨਾਂ ਨੈ ਆਪਣੈ ਵਧੀਆ ਪ੍ਰਦਰਸ਼ਨ ਨਾਲ ਸੂਬੇ ਦਾ ਮਾਣ ਵਧਾਇਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਨੌਜੁਆਨਾਂ ਨੂੰ ਮਜਬੂਤ ਅਤੇ ਆਤਮਨਿਰਭਰ ਬਨਾਉਣ ਲਈ ਕੇਂਦਰ ਸਰਕਾਰ ਲਗਾਤਾਰ ਠੋਸ ਕਦਮ ਚੁੱਕ ਰਹੀ ਹੈ। ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਮਾਰਗਦਰਸ਼ਨ ਵਿੱਚ ਪੂਰੇ ਦੇਸ਼ ਵਿੱਚ ਕੌਸ਼ਲ ਵਿਕਾਸ ਨੂੰ ਪ੍ਰੋਤਸਾਹਨ ਦੇਣ ਦੇ ਨਾਲ-ਨਾਲ ਨੌਜੁਆਨਾ ਨੂੰ ਨਵੀਂ ਤਕਨੀਕਾਂ ਨਾਲ ਜੋੜਨ ਲਈ ਅਨੈਕ ਪਹਿਲਾਂ ਕੀਤੀਆਂ ਜਾ ਰਹੀਆਂ ਹਨ।
ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਦੀ ਅਗਵਾਈ ਹੇਠ ਰਾਜ ਸਰਕਾਰ ਵੀ ਨੌਜੁਆਨਾਂ ਨੂੰ ਤਕਨੀਕੀ ਰੂਪ ਨਾਲ ਸਮਰੱਥ ਬਨਾਉਣ ਲਈ ਪ੍ਰਤੀਬੱਧ ਹੈ। ਇਸੀ ਦਿਸ਼ਾ ਵਿੱਚ ਸੂਬੇ ਵਿੱਚ ਕੌਸ਼ਲ ਯੂਨੀਵਰਸਿਟੀ ਦੀ ਸਥਾਪਨਾ ਅਤੇ ਵੱਖ-ਵੱਖ ਤਕਨੀਕੀ ਅਦਾਰਿਆਂ ਵਿੱਚ ਨੌਜੁਆਨਾਂ ਲਈ ਆਧੁਨਿਕ ਤੇ ਰੁਜਗਾਰਪਰਕ ਤਕਨੀਕੀ ਕੋਰਸ ਸੰਚਾਲਿਤ ਕੀਤੇ ਜਾ ਰਹੇ ਹਨ ਤਾਂ ਜੋ ਉਹ ਬਦਲਦੇ ਸਮੇਂ ਦੀ ਜਰੂਰਤਾਂ ਅਨੁਰੂਪ ਆਪਣੈ ਕੌਸ਼ਲ ਨੂੰ ਨਿਖਾਰ ਕੇ ਬਿਹਤਰ ਰੁਜ਼ਗਾਰ ਦੇ ਮੌਕੇ ਪ੍ਰਾਪਤ ਕਰ ਸਕਣ।
ਉਨ੍ਹਾਂ ਨੇ ਪ੍ਰਤੀਭਾਗੀਆਂ ਨੂੰ ਅਗਾਮੀ ਕੌਮੀ ਅਤੇ ਕੌਮਾਂਤਰੀ ਮੁਕਾਬਲਿਆਂ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ। ਇਸ ਮਕਾਬਲੇ ਵਿੱਚ ਸੂਬੇ ਦੇ ਨੌਜੁਆਨਾਂ ਨੇ ਕੁੱਲ 63 ਕੌਸ਼ਲਾਂ ਵਿੱਚੋਂ 49 ਕੌਸ਼ਲਾਂ ਵਿੱਚ ਭਾਗੀਦਾਰੀ ਕੀਤੀ ਅਤੇ 33 ਕੌਸ਼ਲਾਂ ਵਿੱਚ ਮੈਡਲ ਜਿੱਤ ਕੇ ਆਪਣੀ ਤਕਨੀਕੀ ਕੁਸ਼ਲਤਾ, ਸਮਰਪਣ ਅਤੇ ਮਿਹਨਤ ਦਾ ਵਧੀਆ ਮਿਸਾਲ ਪੇਸ਼ ਕੀਤੀ। ਇਸ ਉਪਲਬਧੀ ਨੇ ਇਹ ਸਾਬਤ ਕੀਤਾ ਹੈ ਕਿ ਹਰਿਆਣਾ ਦੇ ਨੌਜੁਆਨ ਆਧੁਨਿਕ ਅਤੇ ਉਭਰਦੇ ਕੌਸ਼ਲ ਖੇਤਰਾਂ ਵਿੱਚ ਵੀ ਤੇਜੀ ਨਾਲ ਆਪਣੀ ਪਹਿਚਾਣ ਬਣਾ ਰਹੇ ਹਨ।
ਉਨ੍ਹਾਂ ਨੇ ਕਿਹਾ ਕਿ ਇਸ ਮੁਕਾਬਲੇ ਵਿੱਚ ਖੇਤਰ ਦੇ ਵੱਖ-ਵੱਖ ਸੂਬਿਆਂ ਦੇ ਪ੍ਰਤੀਭਾਗੀਆਂ ਨੇ ਵੱਖ-ਵੱਖ ਟ੍ਰੇਡਾਂ ਅਤੇ ਉਭਰਦੇ ਸਕਿਲ ਖੇਤਰਾਂ ਵਿੱਚ ਆਪਣੀ ਮਾਹਰਤਾ ਦਾ ਪ੍ਰਦਰਸ਼ਨ ਕੀਤਾ। ਹਰਿਆਣਾ ਦੇ ਪ੍ਰਤੀਭਾਗੀਆਂ ਦਾ ਇਹ ਵਧੀਆ ਪ੍ਰਦਰਸ਼ਨ ਸੂਬੇ ਦੇ ਮਜਬੂਤ ਸਕਿਲ ਵਿਕਾਸ ਸਿਸਟਮ ਅਤੇ ਨੌਜੁਆਨਾਂ ਨੂੰ ਭਰੋਸੇਯੋਗ ਸਿਖਲਾਈ ਉਪਲਬਧ ਕਰਾਉਣ ਲਈ ਕੀਤੇ ਜਾ ਰਹੇ ਲਗਾਤਾਰ ਯਤਨਾਂ ਨੂੰ ਦਰਸ਼ਾਉਂਦਾ ਹੈ।
ਉਨ੍ਹਾਂ ਨੇ ਦਸਿਆ ਕਿ ਖੇਤਰ ਸਕਿਲ ਮੁਕਾਬਲੇ ਦੇ ਜੇਤੂ ਹੁਣ ਪ੍ਰਤਿਸ਼ਠਤ ਇੰਡੀਆ ਸਕਿਲਸ ਮੁਕਾਬਲੇ ਵਿੱਚ ਹਿੱਸਾ ਲੈਣਗੇ, ਜਿੱਥੈ ਪੂਰੇ ਦੇਸ਼ ਦੇ ਵਧੀਆ ਪ੍ਰਤੀਭਾਗੀ ਆਪਣੇ-ਆਪਣੇ ਸਕਿਲ ਦਾ ਪ੍ਰਦਰਸ਼ਨ ਕਰਣਗੇ। ਕੌਮੀ ਪੱਧਰ 'ਤੇ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਪ੍ਰਤੀਭਾਗੀ ਅੱਗੇ ਚੱਲ ਕੇ ਕੌਮਾਂਤਰੀ ਮੰਚ 'ਤੇ ਆਯੋਜਿਤ ਵਲਡ ਸਕਿਲਸ ਮੁਕਾਬਲੇ ਵਿੱਚ ਭਾਰਤ ਦੀ ਨੁਮਾਇਦਗੀ ਕਰਣਗੇ, ਜਿਸ ਨਾਲ ਉਹ ਵਿਸ਼ਵ ਪੱਧਰ 'ਤੇ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰ ਸਕਣਗੇ।
ਉਨ੍ਹਾਂ ਨੇ ਕਿਹਾ ਕਿ ਨੌਜੁਆਨਾ ਨੂੰ ਪ੍ਰੋਤਸਾਹਿਤ ਕਰਨ ਦੇ ਉਦੇਸ਼ ਨਾਲ ਹਰਿਆਣਾ ਸਰਕਾਰ ਨੇ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਪ੍ਰਤੀਭਾਗੀਆਂ ਲਈ ਪ੍ਰੋਤਸਾਹਨ ਰਕਮ ਵੀ ਐਲਾਨ ਕੀਤੀ ਹੈ। ਇਸ ਦੇ ਤਹਿਤ ਕੌਮੀ ਪੱਧਰ 'ਤੇ ਮੈਡਲ ਜਿੱਤਣ ਵਾਲੇ ਪ੍ਰਤੀਭਾਗੀਆਂ ਨੂੰ 5 ਲੱਖ ਰੁਪਏ ਅਤੇ ਕੌਮਾਂਤਰੀ ਪੱਧਰ 'ਤੇ ਮੈਡਲ ਜਿੱਤਣ ਵਾਲੇ ਪ੍ਰਤੀਭਾਗੀਆਂ ਨੂੰ 10 ਲੱਖ ਰੁਪਏ ਦਾ ਨਗਦ ਪੁਰਸਕਾਰ ਦਿੱਤਾ ਜਾਵੇਗਾ।
ਇਸ ਨਾਲ ਕੌਸ਼ਲ ਮੁਕਾਬਲਿਆਂ ਵਿੱਚ ਨੌਜੁਆਨਾਂ ਦੀ ਭਾਗੀਦਾਰੀ ਨੂੰ ਹੋਰ ਪ੍ਰੋਤਸਾਹਨ ਮਿਲੇਗਾ।