ਸੂਬਾ ਸਰਕਾਰ ਦਾ ਸੁਰੱਖਿਅਤ ਅਤੇ ਸਿਖਿਅਤ ਸਮਾਜ ਦਾ ਨਿਰਮਾਣ ਦਾ ਹੈ ਟੀਚਾ - ਕ੍ਰਿਸ਼ਣ ਕੁਮਾਰ ਬੇਦੀ

5 Dariya News

ਨਰਵਾਨਾ 07-Mar-2026

ਹਰਿਆਣਾ ਦੇ ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਮੰਤਰੀ ਕ੍ਰਿਸ਼ਣ ਕੁਮਾਰ ਬੇਦੀ ਨੇ ਕਿਹਾ ਕਿ ਸੂਬਾ ਸਰਕਾਰ ਦਾ ਟੀਚਾ ਸੁਰੱਖਿਅਤ ਅਤੇ ਸਿਖਿਅਤ ਸਮਾਜ ਦਾ ਨਿਰਮਾਣ ਕਰਨਾ ਹੈ। ਇਹ ਸਿਰਫ ਸਰਕਾਰ ਦਾ ਸਪਨਾ ਹੀ ਨਹੀਂ ਸਗੋ ਸੰਕਲਪ ਵੀ ਹੈ, ਜਿਸ ਨੂੰ ਸਾਕਾਰ ਕਰਨ ਲਈ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ। ਕੈਬਨਿਟ ਮੰਤਰੀ ਅੱਜ ਨਰਵਾਨਾ ਦੇ ਇੱਕ ਨਿਜੀ ਸਕੂਲ ਵਿੱਚ ਆਯੋਜਿਤ ਪ੍ਰੋਗਰਾਮ ਵਿੱਚ ਸੰਬੋਧਿਤ ਕਰ ਰਹੇ ਸਨ।

ਮੰਤਰੀ ਨੇ ਕਿਹਾ ਕਿ ਸੂਬਾ ਸਰਕਾਰ ਵੱਲੋਂ ਪੇਸ਼ ਕੀਤੇ ਗਏ ਆਮ ਬਜਟ ਵਿੱਚ ਨਰਵਾਨਾ ਵਿਧਾਨਸਭਾ ਖੇਤਰ ਨੂੰ ਮਹਿਲਾ ਥਾਨਾ ਦੀ ਸੌਗਾਤ ਦਿੱਤੀ ਗਈ ਹੈ। ਇਸ ਤੋਂ ਖੇਤਰ ਵਿੱਚ ਮਹਿਲਾ ਸੁਰੱਖਿਆ ਨੂੰ ਹੋਰ ਮਜਬੂਤੀ ਮਿਲੇਗੀ ਅਤੇ ਮਹਿਲਾਵਾਂ ਲਈ ਇੱਕ ਨਵਾਂ ਅਧਿਆਏ ਸ਼ੁਰੂ ਹੋਵੇਗਾ।

ਉਨ੍ਹਾਂ ਨੇ ਕਿਹਾ ਕਿ ਨਰਵਾਨਾ ਦੇ ਸਿਵਲ ਹਸਪਤਾਲ ਵਿੱਚ ਸਿਹਤ ਸੇਵਾਵਾਂ ਅਤੇ ਸਹੂਲਤਾਂ ਦਾ ਵਿਸਤਾਰ ਕੀਤਾ ਗਿਆ। ਹਸਪਤਾਲ ਨੂੰ 50 ਬੈਡ ਤੋਂ ਵਧਾ ਕੇ 100 ਬੈਡ ਤੱਕ ਕਰਨ ਦੀ ਯੋਜਨਾ ਹੈ, ਜਿਸ ਨਾਲ ਖੇਤਰ ਦੇ ਲੋਕਾਂ ਨੂੰ ਬਿਹਤਰ ਇਲਾਜ ਅਤੇ ਸਿਹਤ ਸਹੂਲਤਾਂ ਮਿਲ ਸਕਣਗੀਆਂ।

ਉਨ੍ਹਾਂ ਨੇ ਕਿਹਾ ਕਿ ਸੂਬਾ ਸਰਕਾਰ ਦਾ ਆਮ ਬਜਟ ਹਰਿਆਣਾਂ ਦੇ ਚੌਤਰਫਾ ਵਿਕਾਸ ਦਾ ਦਰਪਣ ਹੈ। ਇਸ ਵਿੱਚ ਮਹਿਲਾ, ਨੌਜੁਆਨਾ, ਕਿਸਾਨ, ਕਰਮਚਾਰੀ, ਵਪਾਰੀ ਅਤੇ ਉਦਮੀਆਂ ਸਮੇਤ ਸਾਰੇ ਵਰਗਾਂ ਦਾ ਧਿਆਨ ਰੱਖਿਆ ਗਿਆ ਹੈ। ਇਹ ਇੱਕ ਭਲਾਈਕਾਰੀ ਬਜਟ ਹੈ ੧ੋ ਸੂਬੇ ਦੀ ਉਨੱਤੀ ਦੇ ਵੱਲ ਲੈ ਜਾਣ ਵਾਲਾ ਹੈ।

ਇਸ ਮੌਕੇ 'ਤੇ ਮੰਤਰੀ ਨੇ ਨਰਵਾਨਾ ਦੀ ਬੇਟੀ ਸਵਾਤੀ ਆਰਿਆ ਸਪੁੱਤਰੀ ਦਿਲਬਾਗ ਸ਼ਾਸਤਰੀ ਨੁੰ ਯੂਪੀਐਸਸੀ ਵਿੱਚ ਆਲ ਇੰਡੀਆ ਰੈਂਕ 366 ਹਾਸਲ ਕਰ ਖੇਤਰ ਅਤੇ ਹਰਿਆਣਾ ਦਾ ਨਾਮ ਰੋਸ਼ਨ ਕਰਨ 'ਤੇ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਹ ਮਹਿਲਾ ਸਸ਼ਕਤੀਕਰਣ ਦਾ ਪ੍ਰਤੀਕ ਹੈ।