ਕੁਰੂਕਸ਼ੇਤਰ–ਢਾਂਡ ਸੜਕ ਮਜ਼ਬੂਤੀਕਰਨ ਕੰਮ 60% ਪੂਰਾ, ਫੋਰਲੇਨ ਯੋਜਨਾ ਪ੍ਰਕਿਰਿਆ ਵਿੱਚ

5 Dariya News

ਚੰਡੀਗੜ੍ਹ 05-Mar-2026

ਹਰਿਆਣਾ ਦੇ ਲੋਕ ਨਿਰਮਾਣ (ਭਵਨ ਅਤੇ ਸੜਕਾਂ) ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਕੁਰੂਕਸ਼ੇਤਰ ਤੋਂ ਢਾਂਡ ਅਤੇ ਅੱਗੇ ਕੈਥਲ ਜਾਣ ਵਾਲੀ ਸੜਕ ਐਮਡੀਆਰ-119 ਵਜੋ ਚੋਣ ਕੀਤਾ ਹੈ। ਕੁਰੂਕਸ਼ੇਤਰ ਤੋਂ ਢਾਂਡ ਤੱਕ ਇਸ ਸੜਕ ਦੀ ਲੰਬਾਈ ਲਗਭਗ 15 ਕਿਲੋਮੀਟਰ ਹੈ ਅਤੇ ਇਸ ਦਾ ਆਰਓਡਬਲਿਯੂ 18.30 ਮੀਟਰ ਤੋਂ 26.80 ਮੀਟਰ ਤੱਕ ਹੈ। ਸਾਲ 2021 ਵਿੰਚ ਇਸ ਸੜਕ  ਨੂੰ 7 ਮੀਟਰ ਤੋਂ ਵਧਾ ਕੇ 10 ਮੀਟਰ ਤੱਕ ਚੌੜਾ ਕੀਤਾ ਗਿਆ ਸੀ।

ਉਨ੍ਹਾਂ ਨੇ ਦੱਸਿਆ ਕਿ ਇਸ ਸੜਕ ਦੇ ਮਜਬੂਤੀਕਰਣ ਦਾ ਕੰਮ ਹਾਲ ਹੀ ਵਿੱਚ ਐਮਡੀਆਰ ਵਰਕ ਪ੍ਰੋਗਰਾਮ 2025-26 ਤਹਿਤ ਮੰਜੂਰ ਕੀਤਾ ਗਿਆ ਹੈ। ਮੌਜੂਦਾ ਵਿੱਚ 10 ਮੀਟਰ ਚੌੜਾਈ 'ਤੇ ਸੜਕ ਦੇ ਮਜਬੂਤੀਕਰਣ ਦਾ ਕੰਮ ਠੇਕਾ ਏਜੰਸੀ ਨੂੰ ਸੌਂਪਿਆ ਗਿਆ ਹੈ, ਜਿਸ ਦੇ ਪੂਰਾ ਹੋਣ ਦੀ ਨਿਰਧਾਰਿਤ ਮਿੱਤੀ 6 ਅਪ੍ਰੈਲ, 2026 ਹੈ। 

ਇਸ ਪਰਿਯੋਜਨਾ 'ਤੇ ਕੰਮ ਪ੍ਰਗਤੀ 'ਤੇ ਹੈ ਅਤੇ ਹੁਣ ਤੱਕ ਲਗਭਗ 60 ਫੀਸਦੀ ਕੰਮ ਪੂਰਾ ਕੀਤਾ ਜਾ ਚੁੱਕਾ ਹੈ। ਲੋਕ ਨਿਰਮਾਣ ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਚੱਲ ਰਹੇ ਬਜਟ ਸੈਸ਼ਨ ਦੌਰਾਨ ਵਿਧਾਇਕ ਸ੍ਰੀ ਅਸ਼ੋਕ ਕੁਮਾਰ ਅਰੋੜਾ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਉਨ੍ਹਾਂ ਨੇ ਕਿਹਾ ਕਿ ਕੁਰੂਕਸ਼ੇਤਰ ਤੋਂ ਢਾਂਡ ਤੱਕ ਸੜਕ ਨੂੰ ਫੋਰਲੇਣ ਬਨਾਉਣ ਦਾ ਪਹਿਲਾਂ ਕੋਈ ਪ੍ਰਸਤਾਵ ਨਹੀਂ ਸੀ। ਹਾਲਾਂਕਿ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਹਾਲ ਹੀ ਵਿੱਚ ਕੈਥਲ, ਢਾਂਡ, ਕੁਰੂਕਸ਼ੇਤਰ, ਲਾਡਵਾ, ਰਾਦੌਰ ਅਤੇ ਯਮੁਨਾਨਗਰ ਮਾਰਗ ਨੂੰ ਫੋਰਲੇਨ ਬਨਾਉਣ ਦਾ ਐਲਾਨ ਕੀਤਾ ਹੈ। 

ਇਸ ਦੇ ਲਈ ਜਰੂਰੀ ਭੁਮੀ ਉਪਲਬਧ ਕਰਾਉਣ ਦੇ ਸਬੰਧ ਵਿੱਚ ਜੰਗਲਾਤ ਵਿਭਾਗ ਦੇ ਨਾਲ ਗਲਬਾਤ ਕੀਤੀ ਗਈ ਹੈ ਅਤੇ ਜਰੂਰੀ ਪ੍ਰਕ੍ਰਿਆਵਾਂ ਜਾਰੀ ਹਨ। ਪ੍ਰਕ੍ਰਿਆ ਪੂਰੀ ਹੋਣ ਦੇ ਬਾਅਦ ਫੋਰਲੇਣ ਨਿਰਮਾਣ ਕੰਮ ਸ਼ੁਰੂ ਕੀਤਾ ਜਾਵੇਗਾ। ਸ੍ਰੀ ਗੰਗਵਾ ਨੇ ਸਦਨ ਨੂੰ ਇਹ ਵੀ ਜਾਣੂ ਕਰਾਇਆ ਕਿ ਪਿਛਲੇ ਬਜਟ ਭਾਸ਼ਨ ਵਿੱਚ ਮੁੱਖ ਮੰਤਰੀ ਨੇ ਸੂਬੇ ਦੀ ਸੜਕਾਂ ਨੂੰ ਗੱਡਾ-ਮੁਕਤ ਬਨਾਉਣ ਦਾ ਐਲਾਨ ਕੀਤਾ ਸੀ। 

ਇਸ ਲੜੀ ਵਿੱਚ ਮੁੱਖ ਮੰਤਰੀ ਨੇ ਪਿਛਲੀ ਸਤੰਬਰ ਮਹੀਨੇ ਵਿੱਚ ਹਿਸਾਰ ਤੋਂ ਸੂਬੇ ਵਿੱਚ ਲਗਭਗ 6 ਹਜਾਰ ਕਿਲੋਮੀਟਰ ਲੰਬਾਈ ਦੀ ਸੜਕਾਂ ਦੀ ਨਵੀਂ ਕਾਰਪੇਟਿੰਗ ਯੋਜਨਾ ਦੀ ਸ਼ੁਰੂਆਤ ਕੀਤੀ ਸੀ, ਜਿਸ ਦੇ ਤਹਿਤ ਸੜਕਾਂ ਦੇ ਸੁਧਾਰੀਕਰਣ ਦਾ ਕੰਮ ਕੀਤਾ ਜਾ ਰਿਹਾ ਹੈ।