ਸੱਗਾ ਤੇ ਸਮਾਨਾ ਬਾਹੂ ਪੀਐਚਸੀ ਨਿਰਮਾਣ ਜਲਦੀ ਮੁਕੰਮਲ ਹੋਵੇਗਾ, ਸੈਕਟਰ-56 ਹਸਪਤਾਲ ਮਾਮਲਾ ਸਮੀਖਿਆ ਹੇਠ: ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ

5 Dariya News

ਚੰਡੀਗੜ੍ਹ 27-Feb-2026

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਦਸਿਆ ਕਿ ਨੀਲੋਖੇੜੀ ਵਿਧਾਨਸਭਾ ਖੇਤਰ ਤਹਿਤ ਆਉਣ ਵਾਲੇ ਪਿੰਡ ਸੱਗਾ ਅਤੇ ਸਮਾਨਾ ਬਾਹੂ ਵਿੱਚ ਪ੍ਰਾਥਮਿਕ ਸਿਹਤ ਕੇਂਦਰ ਦਾ ਨਿਰਮਾਣ ਕੰਮ ਜਲਦੀ ਤੋਂ ਜਲਦੀ ਕਰਵਾਇਆ ਜਾਵੇਗਾ। ਸਿਹਤ ਮੰਤਰੀ ਅੱਜ ਹਰਿਆਣਾ ਵਿਧਾਨਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੀ ਸੀ।

ਆਰਤੀ ਸਿੰਘ ਰਾਓ ਨੇ ਦਸਿਆ ਕਿ ਪਿੰਡ ਸੱਗਾ ਵਿੱਚ ਪ੍ਰਾਥਮਿਕ ਸਿਹਤ ਕੇਂਦਰ ਦੇ ਭਵਨ ਦਾ ਨਿਰਮਾਣ ਕੰਮ ਲਗਭਗ 38 ਫੀਸਦੀ ਪੂਰਾ ਹੋਣ ਦੇ ਬਾਅਦ ਏਜੰਸੀ ਵੱਲੋਂ ਰੋਕ ਦਿੱਤਾ ਗਿਆ ਸੀ। ਲੋਕ ਨਿਰਮਾਣ ਵਿਭਾਗ ਵੱਲੋਂ ਉਕਤ ਏਜੰਸੀ ਦਾ ਠੇਕਾ 5 ਜੁਲਾਈ, 2023 ਨੂੰ ਖਤਮ ਕਰ ਦਿੱਤਾ ਗਿਆ ਸੀ। ਸੋਧ ਪ੍ਰਸਾਸ਼ਕੀ ਮੰਜੂਰੀ ਦੇ ਬਾਅਦ, ਟੈਂਡਰ ਪ੍ਰਕ੍ਰਿਆ ਤਿੰਨ ਮਹੀਨੇ ਦੇ ਅੰਦਰ ਪੂਰੀ ਹੋਣ ਦੀ ਉਮੀਦ ਹੈ ਅਤੇ ਪੀਐਚਸੀ ਭਵਨ ਦਾ ਬਾਕੀ ਨਿਰਮਾਣ ਕੰਮ ਛੇ ਮਹੀਨੇ ਦੇ ਅੰਦਰ ਮੁੜ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ।

ਸਿਹਤ ਮੰਤਰੀ ਨੇ ਅੱਗੇ ਪਿੰਡ ਸਮਾਨਾ ਬਾਹੂ ਵਿੱਚ ਪੀਐਚਸੀ ਦੇ ਰੁਕੇ ਹੋਏ ਨਿਰਮਾਣ ਕੰਮ ਨਾਲ ਸਬੰਧਿਤ ਸੁਆਲ ਦਾ ਜਵਾਬ ਦਿੰਦੇ ਹੋਏ ਦਸਿਆ ਕਿ ਠੇਕਾ ਏਜੰਸੀ ਨੇ 70 ਫੀਸਦੀ ਕੰਮ ਪੂਰਾ ਕਰਨ ਦੇ ਬਾਅਦ ਨਿਰਮਾਣ ਕੰਮ ਰੋਕ ਦਿੱਤਾ ਗਿਆ ਸੀ ਅਤੇ ਲੋਕ ਨਿਰਮਾਣ ਵਿਭਾਗ ਦੇ ਨਾਲ ਵਿਵਾਦ ਨੂੰ ਲੈ ਕੇ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕਰ ਦਿੱਤੀ ਸੀ। 

ਇਸ ਵਿਭਾਗ ਵੱਲੋਂ ਏਜੰਸੀ ਦਾ ਠੇਕਾ 20 ਜੂਨ, 2024 ਨੁੰ ਖਤਮ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਨੇ ਭਰੋਸਾ ਦਿੱਤਾ ਕਿ ਇਸ ਪੀਐਚਸੀ ਦੇ ਭਵਨ ਨਿਰਮਾਣ ਕੰਮ ਮੁੜ ਸ਼ੁਰੂ ਹੋਣ ਵਿੱਚ ਲਗਭਗ ਛੇ ਮਹੀਨੇ ਲੱਗਣਗੇ ਅਤੇ ਉਸ ਦੇ ਬਾਅਦ ਇਸ ਨੂੰ ਪੂਰਾ ਕਰਨ ਵਿੱਚ ਲਗਭਗ 12 ਮਹੀਨੇ ਦਾ ਸਮੇਂ ਲੱਗੇਗਾ।

ਉਨ੍ਹਾਂ ਨੇ ਇੱਕ ਹੋਰ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦੇ ਜਵਾਬ ਵਿੱਚ ਦਸਿਆ ਕਿ ਵੈਸੇ ਤਾਂ ਫਰੀਦਾਬਾਦ ਦੇ ਸੈਕਟਰ-56 ਵਿੱਚ 50 ਬੈਡ ਦੇ ਹਸਪਤਾਲ ਨੂੰ ਬਨਾਉਣ ਦਾ ਫਿਲਹਾਲ ਕੋਈ ਪ੍ਰਸਤਾਵ ਵਿਚਾਰਧੀਨ ਨਹੀਂ ਹੈ, ਫਿਰ ਵੀ ਇਸ ਮਾਮਲੇ ਵਿੱਚ ਮੁੜ ਜਾਂਚ ਕਰਵਾ ਲੈਣਗੇ, ਜਰੂਰਤ ਹੋਵੇਗੀ ਤਾਂ ਅੱਗੇ ਦੀ ਕਾਰਵਾਈ ਕੀਤੀ ਜਾਵੇਗੀ।