ਆਯੁਸ਼ਮਾਨ ਯੋਜਨਾ ਤਹਿਤ ਸਰਕਾਰ ਹਰਿਆਣਾ ਵਿੱਚ ਸਿਹਤ ਸੇਵਾਵਾਂ ਨੂੰ ਕਰ ਰਹੀ ਹੈ ਮਜਬੂਤ-ਆਰਤੀ ਸਿੰਘ ਰਾਓ

ਯੋਜਨਾ ਤਹਿਤ 2694 ਉਪਚਾਰ ਪੈਕੇਜ ਉਪਲਬਧ

5 Dariya News

ਚੰਡੀਗੜ੍ਹ 26-Feb-2026

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਕਿਹਾ ਕਿ ਆਯੁਸ਼ਮਾਨ ਭਾਰਤ ਪ੍ਰਧਾਨ ਮੰਤਰੀ ਜਨ ਆਰੋਗਯਾ ਯੋਜਨਾ ਤਹਿਤ ਸਰਕਾਰ ਸੂਬੇ ਵਿੱਚ ਸਿਹਤ ਸੇਵਾਵਾਂ ਨੂੰ ਮਜਬੂਤ ਕਰ ਰਹੀ ਹੈ। ਇਸ ਯੋਜਨਾ ਤਹਿਤ ਸਰਜਰੀ , ਡੇਅ ਕੇਅਰ ਉਪਚਾਰ, ਦਵਾਇਆਂ ਅਤੇ ਜਾਂਚ ਦੀ ਲਾਗਤ ਸਮੇਤ ਲਗਭਗ 2694 ਉਪਚਾਰ ਪੈਕੇਜ ਉਪਲਬਧ ਹਨ।

ਸਿਹਤ ਮੰਤਰੀ ਵੀਰਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ। ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ 20 ਫਰਵਰੀ 2026 ਤੱਕ ਸੂਬੇ ਵਿੱਚ ਕੁੱਲ੍ਹ ਸਰਗਰਮ ਕਾਰਡਾਂ ਦੀ ਗਿਣਤੀ 1,38,47,905 ਹੈ। 

ਉਨ੍ਹਾਂ ਨੇ ਦੱਸਿਆ ਕਿ ਆਯੁਸ਼ਮਾਨ ਭਾਰਤ-ਚਿਰਾਯੁ ਹਰਿਆਣਾ ਯੋਜਨਾ ਤਹਿਤ ਜਨਵਰੀ 2024, ਅਕਤੂਬਰ 2024 ਅਤੇ ਜਨਵਰੀ 2026 ਦੌਰਾਨ ਕੁੱਲ੍ਹ 2694 ਉਪਚਾਰ-ਪੈਕੇਜ ਉਪਲਬਧ ਹਨ। ਇਸ ਦੇ ਇਲਾਵਾ ਉਪਰ ਦਿੱਤੇ ਉਪਚਾਰ ਪੈਕੇਜਾਂ ਵਿੱਚ ਸ਼ਾਮਲ ਨਾ ਹੋਣ ਵਾਲੇ ਉਪਚਾਰ-ਪੈਕੇਜਾਂ ਨੂੰ ਲੜੀਬੱਧ ਹੱਸਪਤਾਲਾਂ ਵੱਲੋਂ ਅਨਨਿਰਧਾਰਿਤ ਸ਼੍ਰੇਣੀ ਤਹਿਤ ਬੁਕ ਕੀਤਾ ਜਾਂਦਾ ਹੈ ਅਤੇ ਉਸੇ ਅਨੁਸਾਰ ਕਾਰਵਾਈ ਅਮਲ ਵਿੱਚ ਲਿਆਈ ਜਾਂਦੀ ਹੈ।

ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਨਵੰਬਰ 2022 ਤੋਂ 17 ਫਰਵਰੀ 2026 ਤੱਕ ਰਾਜ ਵਿੱਚ ਆਯੁਸ਼ਮਾਨ ਯੋਜਨਾ ਸਮੇਤ ਕੁੱਲ੍ਹ ਉਪਚਾਰਾਂ ਦੀ ਗਿਣਤੀ ( ਭੁਗਤਾਨ ਕੀਤੇ ਗਏ ਦਾਵੇ ਅਨੁਸਾਰ) 14,28,872 ਸੀ ਜਿਨ੍ਹਾਂ ਦੀ ਏਵਜ ਵਿੱਚ ਹੱਸਪਤਾਲਾਂ ਨੂੰ 2010 ਕਰੋੜ 33 ਲੱਖ 66 ਹਜ਼ਾਰ 180 ਰੁਪਏ ਦੀ ਰਕਮ ਵੰਡ ਗਈ।