ਮਹਿਮ ਵਿਧਾਨਸਭਾ ਦੇ ਕਿਸਾਨਾਂ ਨੂੰ ਮਿਲੇਗਾ 6.46 ਕਰੋੜ ਰੁਪਏ ਦਾ ਮੁਆਵਜਾ - ਵਿਪੁਲ ਗੋਇਲ

5 Dariya News

ਚੰਡੀਗੜ੍ਹ 26-Feb-2026

ਹਰਿਆਣਾ ਦੇ ਮਾਲਿਆ ਅਤੇ ਆਪਦਾ ਪ੍ਰਬੰਧਨ ਮੰਤਰੀ ਸ੍ਰੀ ਵਿਪੁਲ ਗੋਇਲ ਨੇ ਕਿਹਾ ਕਿ ਮਹਿਮ ਵਿਧਾਨਸਭਾ ਵਿੱਚ ਹੋਈ ਫਸਲ ਨੁਕਸਾਨ ਦੀ ਭਰਪਾਈ ਲਈ ਜਲਦੀ ਹੀ ਮੁਆਵਜਾ ਪ੍ਰਦਾਨ ਕੀਤਾ ਜਾਵੇਗਾ। ਇਸ ਦੇ ਲਈ 6.46 ਕਰੋੜ ਰੁਪਏ ਦੀ ਰਕਮ ਜਾਰੀ ਕਰ ਦਿੱਤੀ ਗਈ ਹੈ। ਮਾਲ ਅਤੇ ਆਪਦਾ ਮੰਤਰੀ ਵਿਧਾਨ ਸਭਾ ਵਿੱਚ ਬਜਟ ਸੈਸ਼ਨ ਦੌਰਾਨ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ। 

ਮਾਲਿਆ ਅਤੇ ਆਪਦਾ ਮੰਤਰੀ ਨੇ ਕਿਹਾ ਕਿ ਕਿਸਾਨਾਂ ਵੱਲੋਂ ਈ-ਸ਼ਤੀਪੂਰਤੀ ਪੋਰਟਲ 'ਤੇ 15 ਸਤੰਬਰ 2025 ਤੱਕ ਅਪਲੋਡ ਕੀਤੇ ਗਏ ਸਾਰੇ ਦਾਵਿਆਂ ਦਾ ਖੇਤਰ ਮਾਲਿਆ ਅਧਿਕਾਰੀਆਂ ਵੱਲੋਂ ਤਸਦੀਕ ਕੀਤਾ ਗਿਆ ਹੈ, ਇਸ ਤੋਂ ਇਲਾਵਾ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੇ ਪੀਐਨਐਫਬੀਵਾਈ ਡੇਟਾ ਅਤੇ ਖੁਰਾਕ, ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ, ਹਰਿਆਣਾ ਦੇ ਈ-ਖਰੀਦ ਪੋਰਟਲ ਦੇ ਡੇਟਾ ਦੇ ਨਾਲ ਮਿਲਾਨ ਕਰ ਲਿਆ ਗਿਆ ਹੈ।