ਪੇਹੋਵਾ ਬੱਸ ਅੱਡੇ ਦੀ ਮਰੱਮਤ ‘ਤੇ 1.64 ਕਰੋੜ ਖਰਚ, ਯਾਤਰੀਆਂ ਨੂੰ ਮਿਲ ਰਹੀਆਂ ਬਿਹਤਰ ਸਹੂਲਤਾਂ

5 Dariya News

ਚੰਡੀਗੜ੍ਹ 25-Feb-2026

ਹਰਿਆਣਾ ਦੇ ਵਿਕਾਸ ਅਤੇ ਪੰਚਾਇਤ ਮੰਤਰੀ ਕ੍ਰਿਸ਼ਣ ਲਾਲ ਪੰਵਾਰ ਨੇ ਹਰਿਆਣਾ ਵਿਧਾਨਸਭਾ ਦੇ ਬਜਟ ਸੈਸ਼ਨ ਦੌਰਾਨ ਸੁਆਲ ਦੇ ਜਵਾਬ ਵਿੱਚ ਟ੍ਰਾਂਸਪੋਰਟ ਮੰਤਰੀ ਅਨਿਲ ਵਿਜ ਵੱਲੋਂ ਸਦਨ ਨੂੰ ਜਾਣਕਾਰੀ ਦਿੱਤੀ ਕਿ ਪੇਹੋਵਾ ਹਰਿਆਣਾ ਟ੍ਰਾਂਸਪੋਰਟ ਕੁਰੂਕਸ਼ੇਤਰ ਦਾ ਇੱਕ ਸਭ-ਡਿਪੋ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪੇਹਵਾ ਬੱਸ ਅੱਡੇ ਦੀ ਸਥਾਪਨਾ ਸਾਲ 1983 ਵਿੱਚ 2 ਏਕੜ 7 ਕਨਾਲ 2 ਮਰਾਲ ਭੁਮੀ 'ਤੇ ਕੀਤੀ ਗਈ ਸੀ, ਜਿੱਥੇ6 ਬੇਜ ਵਾਲਾ ਬੱਸ ਸਟੈਂਡ ਦਾ ਨਿਰਮਾਣ ਕੀਤਾ ਗਿਆ ਸੀ। 

ਇਹ ਬੱਸ ਅੱਡਾ  ਕੁਰੂਕਸ਼ੇਤਰ ਦੇ ਮੁੱਖ ਬੱਸ ਸਟੈਂਡ ਤੋਂ ਲਗਭਗ 30 ਕਿਲੋਮੀਟਰ ਦੀ ਦੂਰੀ 'ਤੇ ਸਥਿਤ ਹੈ ਅਤੇ ਖੇਤਰ ਦੇ ਯਾਤਰਿਆਂ ਨੂੰ ਟ੍ਰਾਂਸਪੋਰਟ ਸਹੂਲਤਾਂ ਉਪਲਬਧ ਕਰਾ ਰਿਹਾ ਹੈ। ਮੰਤਰੀ ਨੇ ਅੱਗੇ ਜਾਣਕਾਰੀ ਦਿੱਤੀ ਕਿ ਕੁੱਝ ਸਮੇ ਪਹਿਲਾਂ ਹਰਿਆਣਾ ਪੁਲਿਸ ਹਾਉਸਿੰਗ ਕਾਰਪੋਰੇਸ਼ਨ ਵੱਲੋਂ ਬੱਸ ਅੱਡੇ ਦੀ ਮਰੱਮਤ ਅਤੇ ਨਵੀਨੀਕਰਨ ਕੰਮ ਕਰਾਇਆ ਗਿਆ, ਜਿਸ 'ਤੇ 1 ਕਰੋੜ 64 ਲੱਖ 32 ਹਜਾਰ ਰੁਪਏ ਦੀ ਰਕਮ ਖਰਚ ਕੀਤੀ ਗਈ ਹੈ। 

ਇਸ ਨਵੀਨੀਕਰਨ ਨਾਲ ਯਾਤਰਿਆਂ ਨੂੰ ਬੇਹਤਰ ਸਹੂਲਤਾਂ ਉਪਲਬਧ ਹੋ ਰਹੀਆਂ ਹਨ ਅਤੇ ਬੱਸ ਅੱਡੇ ਦਾ ਬੁਨਿਆਦੀ ਢਾਂਚਾ ਮਜਬੂਤ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੂਬਾ ਸਰਕਾਰ ਸੂਬੇ ਵਿੱਚ ਟ੍ਰਾਂਸਪੋਰਟ ਢਾਂਚੇ ਨੂੰ ਮਜਬੂਤ ਕਰਨ ਲਈ ਲਗਾਤਾਰ ਕੰਮ ਕਰ ਰਹੀ ਹੈ ਤਾਂ ਜੋ ਆਮ ਜਨਤਾ ਨੂੰ ਸੁਰੱਖਿਅਤ ਅਤੇ ਸਹੂਲਤ ਜਨਕ ਯਾਤਰਾ ਉਪਲਬਧ ਕਰਵਾਈ ਜਾ ਸਕੇ।