ਰਾਜ ਟ੍ਰਾਂਸਪੋਰਟ ਦੀ ਬੱਸਾਂ ਵਿੱਚ ਆਟੋਮੈਟਿਕ ਟਿਕਟਿੰਗ ਸਿਸਟਮ ਦੇ ਨਾਲ-ਨਾਲ ਬੱਸਾਂ ਦੀ ਜਾਣਕਾਰੀ ਲਈ ਟ੍ਰੈਕਿੰਗ ਸਿਸਟਮ ਅਤੇ ਐਪ ਨੂੰ ਕੀਤਾ ਜਾ ਰਿਹਾ ਹੈ ਵਿਕਸਿਤ - ਅਨਿਲ ਵਿਜ

ਫਤਿਹਾਬਾਦ-ਹਿਸਾਰ ਲੋਕਲ ਮਾਰਗ 'ਤੇ ਚੱਲਣ ਵਾਲੀ ਸਾਰੀ ਬੱਸਾਂ ਭੋਡਾ-ਹੋਸ਼ਨਾਕ ਅਤੇ ਖਾਰਾਖੇੜੀ ਪਿੰਡਾਂ ਦੇ ਬੱਸ ਸਟਾਪ 'ਤੇ ਰੁਕਣ ਦੇ ਨਾਲ-ਨਾਲ ਰੋਜਾਨਾ 66 ਫੇਰੇ ਲਗਾਉਂਦੀ ਹੈ - ਅਨਿਲ ਵਿਜ

5 Dariya News

ਚੰਡੀਗੜ੍ਹ 19-Dec-2025

ਹਰਿਆਣਾ ਦੇ ਟ੍ਰਾਂਸਪੋਰਟ ਮੰਤਰੀ ਸ੍ਰੀ ਅਨਿਲ ਵਿਜ ਨੇ ਕਿਹਾ ਕਿ ਰਾਜ ਟ੍ਰਾਂਸਪੋਰਟ ਦੀ ਬੱਸਾਂ ਵਿੱਚ ਆਟੋਮੈਟਿਕ ਟਿਕਟਿੰਗ ਸਿਸਟਮ ਦੇ ਨਾਨ-ਨਾਲ ਬੱਸਾਂ ਦੀ ਜਾਣਕਾਰੀ ਲਈ ਟੈ੍ਰਕਿੰਗ ਸਿਸਟਮ ਅਤੇ ਐਪ ਨੂੰ ਵੀ ਵਿਕਸਿਤ ਕੀਤਾ ਜਾ ਰਿਹਾ ਹੈ ਤਾਂ ਜੋ ਯਾਤਰੀਆਂ ਨੂੰ ਯਾਤਰਾ ਕਰਨ ਵਿੱਚ ਸੁਗਮਤਾ ਅਤੇ ਸਟੀਕ ਜਾਣਕਾਰੀ ਉਪਲਬਧ ਹੋ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਫਤਿਹਾਬਾਦ-ਹਿਸਾਰ ਲੋਕਲ ਮਾਰਗ 'ਤੇ ਚੱਲਣ ਵਾਲੀ ਸਾਰੇ ਬੱਸਾਂ ਭੋਡਾ-ਹੋਸ਼ਨਾਕ ਅਤੇ ਖਾਰਾਖੇੜੀ ਪਿੰਡਾਂ ਦੇ ਬੱਸ ਸਟਾਪ 'ਤੇ ਰੁਕਦੀ ਹੈ ਅਤੇ ਰੋਜਾਨਾ 66 ਫੇਰੇ ਲਗਾਉਂਦੀ ਹੈ।

ਸ੍ਰੀ ਵਿਜ ਅੱਜ ਇੱਥੇ ਚੰਡੀਗੜ੍ਹ ਵਿੱਚ ਹਰਿਆਣਾ ਵਿਧਾਨਸਭਾ ਵਿੱਚ ਚੱਲ ਰਹੇ ਸਰਦੀ ਰੁੱਤ ਸੈਸ਼ਨ ਦੌਰਾਨ ਲਗਾਏ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ। ਉਨ੍ਹਾਂ ਨੇ ਕਿਹਾ ਕਿ ਬੱਸਾਂ ਵਿੱਚ ਆਟੋਮੈਟਿਕ ਟਿਕਟਿੰਗ ਦਾ ਸਿਸਟਮ ਲਗਾਇਆ ਹੋਇਆ ਹੈ ਅਤੇ ਇਸ ਸਿਸਟਮ ਨੂੰ ਹੋਰ ਵੱਧ ਏਡਵਾਂਸ ਕੀਤਾ ਜਾ ਰਿਹਾ ਹੈ, ਤਾ ਜੋ ਹੁਣ ਪੇਟਿਮ/ਕਾਰਡ ਆਦਿ ਨਾਲ ਵੀ ਯਾਤਰੀ ਟਿਕਟਾਂ ਲੇ ਸਕਣ ਅਤੇ ਪੂਰਾ ਰਿਕਾਰਡ ਵੀ ਰਹਿ ਸਕੇ।

ਟ੍ਰਾਂਸਪੋਰਟ ਮੰਤਰੀ ਨੇ ਕਿਹਾ ਕਿ ਬੱਸ ਅੱਡਿਆਂ 'ਤੇ ਬੱਸਾਂ ਦੇ ਜਾਣ ਦੇ ਲਈ ਟ੍ਰੈਕਿੰਗ ਸਿਸਟਮ ਲਗਾਉਣ ਦੇ ਆਦੇਸ਼ ਦਿੱਤੇ ਗਏ ਹਨ, ਜਿਸ ਦਾ ਕਾਫੀ ਕੰਮ ਪੂਰਾ ਵੀ ਹੋ ਚੁੱਕਾ ਹੈ।ਬੱਸਾਂ ਦੀ ਜਾਣਕਾਰੀ ਦੇ ਸਬੰਧ ਵਿੱਚ ਇੱਕ ਐਪ ਵੀ ਵਿਕਸਿਤ ਕੀਤੀ ਗਈ ਹੈ। ਇਸ ਐਪ ਰਾਹੀਂ ਕੋਈ ਵੀ ਆਦਮੀ ਇਹ ਦੇਖ ਸਕਦਾ ਹੈ ਕਿ ਮੇਰੀ ਬੱਸ ਕਿੰਨੀ ਦੂਰ ਹੈ।