ਕਾਨੂੰਨ -ਵਿਵਸਥਾ 'ਤੇ ਸੁਆਲ ਉਠਾਉਣ ਵਾਲੇ ਜਾਣਦੇ ਹਨ ਉਨ੍ਹਾਂ ਦੇ ਸਮੇਂ ਵਿੱਚ ਕਾਨੂੰਨ ਵਿਵਸਥਾ ਦਾ ਦਿਵਾਲਿਆ ਹੋ ਚੁੱਕੀ ਸੀ - ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ

ਵਿਰੋਧੀ ਦੇ ਕੋਲ ਠੋਸ ਮੁੱਦਿਆਂ ਦੀ ਕਮੀ - ਮੁੱਖ ਮੰਤਰੀ

5 Dariya News

ਡਬਵਾਲੀ (ਸਿਰਸਾ) 24-Aug-2025

ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਟਾਕਸ਼ ਕਰਦੇ ਹੋਏ ਕਿਹਾ ਕਿ ਵਿਰੋਧੀਆਂ ਦੇ ਕੋਲ ਅੱਜ ਕੋਈ ਠੋਸ ਮੁੱਦਾ ਨਹੀਂ ਹੈ। ਜੋ ਲੋਕ ਕਾਨੂੰਨ ਵਿਵਸਥਾ 'ਤੇ ਸੁਆਲਿਆ ਨਿਸ਼ਾਨ ਲਗਾ ਰਹੇ ਹਨ, ਉਹ ਜਾਣਦੇ ਹਨ ਕਿ ਉਨ੍ਹਾਂ ਦੇ ਸਾਸ਼ਨਕਾਲ ਵਿੱਚ ਕਾਨੂੰਨ ਵਿਵਸਥਾ ਦਿਵਾਲਿਆ ਹੋ ਚੁੱਕੀ ਸੀ। ਉਸ ਸਮੇਂ ਜੇਕਰ ਕਿਸੇ ਬੇਟੀ ਦੇ ਨਾਲ ਕੋਈ ਘਟਨਾ ਹੋ ਜਾਂਦੀ ਸੀ ਤਾਂ ਐਫਆਈਆਰ ਤੱਕ ਵੀ ਦਰਜ ਨਹੀਂ ਕੀਤੀ ਜਾਂਦੀ ਸੀ। 

ਇਸ ਦੇ ਉਲਟ, ਮੌਜ਼ੂਦਾ ਸਰਕਾਰ ਦੇ ਸਮੇਂ ਵਿੱਚ ਪੁਲਿਸ ਤੇਜੀ ਨਾਲ ਕੰਮ ਕਰ ਰਹੀ ਹੈ। ਜੇਕਰ ਕਿਸੇ ਵਿਅਕਤੀ ਨੇ ਕੋਈ ਅਪਰਾਧ ਕੀਤਾ ਹੈ ਤਾਂ ਪੁਲਿਸ ਉਸ ਨੂੰ ਜੇਲ੍ਹ ਦੇ ਪਿੱਛੇ ਪਹੁੰਚਾਉਣ ਦਾ ਕੰਮ ਕਰ ਰਹੀ ਹੈ।ਮੁੱਖ ਮੰਤਰੀ ਐਤਵਾਰ ਨੂੰ ਸਿਰਸਾ ਦੇ ਡਬਵਾਲੀ ਵਿੱਚ ਆਯੋਜਿਤ ਮੈਰਾਥਨ ਦੇ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਵਿਧਾਨਸਭਾ ਦਾ ਮੌਨਸੂਨ ਸੈਸ਼ਨ 27 ਅਗਸਤ ਤੱਕ ਚੱਲੇਗਾ, ਜਿਸ ਵਿੱਚ ਵੱਖ-ਵੱਖ ਬਿੱਲ ਲਿਆਏ ਜਾਣਗੇ ਅਤੇ ਵਿਧਾਈ ਕੰਮ ਹੋਣਗੇ। ਵਿਰੋਧੀਆਂ ਵੱਲੋਂ ਧਿਆਨਖਿੱਚ ਪ੍ਰਸਤਾਵ ਵੀ ਦਿੱਤੇ ਗਏ ਹਨ, ਜਿਨ੍ਹਾਂ ਦਾ ਸਰਕਾਰ ਜੁਆਬ ਦਵੇਗੀ।

ਸੰਸਦ ਵਿੱਚ ਲਿਆਏ ਗਏ ਬਿੱਲ ਦੇ ਸਬੰਧ ਵਿੱਚ ਪੁੱਛੇ ਗਏ ਸੁਆਲ ਦਾ ਜਵਾਬ ਦਿੰਦੇ ਹੋਏ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦਾ ਯਤਨ ਹੈ ਕਿ ਸਮਾਜ ਵਿੱਚ ਪਾਰਦਰਸ਼ਿਤਾ ਆਵੇ ਅਤੇ ਜਨਤਾ ਨੂੰ ਸਿਆਸੀ ਪਾਰਟੀਆਂ ਤੇ ਨੇਤਾਵਾਂ 'ਤੇ ਭਰੋਸਾ ਹੋਵੇ। ਨਹੀਂ ਤਾਂ ਹਾਲਾਤ ਇਹ ਹੋ ਜਾਂਦੇ ਸਨ ਕਿ ਲੋਕ ਜੇਲ੍ਹ ਦੇ ਅੰਦਰੋਂ ਵੀ ਚੋਣ ਜਿੱਤ ਜਾਂਦੇ ਹਨ। ਇਸੇ ਕਾਰਨ ਕੇਂਦਰ ਸਰਕਾਰ ਇਹ ਬਿੱਲ ਲੈ ਕੇ ਆਈ ਹੈ ਤਾਂ ਜੋ ਲੋਕਤੰਤਰ ਵਿੱਚ ਪਾਰਦਰਸ਼ਿਤਾ ਅਤੇ ਭਰੋਸੇ ਨੂੰ ਹੋਰ ਵੱਧ ਮਜਬੂਤ ਕੀਤਾ ਜਾ ਸਕੇ।

ਕਾਲੂਆਨਾ ਖਰੀਫ ਚੈਨਲ ਵਿੱਚ ਘੱਗਰ ਦਾ ਪਾਣੀ ਪਹੁੰਚਾਉਣ ਨਾਲ ਜੁੜੇ ਸੁਆਲ ਦਾ ਜੁਆਬ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਵੇਂ ਨਹਿਰਾਂ ਦੇ ਰੀਮਾਡਲਿੰਗ ਦਾ ਕੰਮ ਹੋਵੇ ਜਾਂ ਪਾਣੀ ਪਹੁੰਚਾਉਣ ਦੀ ਗੱਲ ਹੋਵੇ, ਸਰਕਾਰ ਇਸ ਸਬੰਧ ਵਿੱਚ ਤੇਜੀ ਨਾਲ ਕੰਮ ਕਰ ਰਹੀ ਹੈ। ਪੰਜਾਬ ਨਾਲ ਪਾਣੀ ਨੂੰ ਲੈ ਕੇ ਕੁੱਝ ਮੁਸ਼ਕਲਾਂ ਆਈਆਂ ਸਨ, ਜਿਸ ਦੇ ਬਾਰੇ ਕੇਂਦਰ ਸਰਕਾਰ ਨੂੰ ਵੀ ਜਾਣੂ ਕਰਵਾਇਆ ਗਿਆ। ਕੇਂਦਰ ਸਰਕਾਰ ਵੱਲੋਂ ਹੁਣ ਤੱਕ ਦੋ ਮੀਟਿੰਗਾਂ ਵੀ ਕੀਤੀਆਂ ਗਈਆਂ ਹਨ। ਯਕੀਨੀ ਤੌਰ 'ਤੇ ਇਸ ਦਾ ਕੋਈ ਨਾ ਕੋਈ ਹੱਲ ਜਰੂਰ ਨਿਕਲੇਗਾ।