ਸੀਬੀਐਸਏ, ਸੀਜੀਸੀ ਲਾਂਡਰਾਂ ਨੇ ਉੱਦਮੀ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਲਈ 'ਬੀ-ਸਟਾਰਟਰ' ਸੀਜ਼ਨ 8 ਦੀ ਮੇਜ਼ਬਾਨੀ ਕੀਤੀ
5 Dariya News
ਲਾਂਡਰਾਂ 07-Feb-2025
ਚੰਡੀਗੜ੍ਹ ਬਿਜ਼ਨਸ ਸਕੂਲ ਆਫ਼ ਐਡਮਿਨਸਟ੍ਰੇਸ਼ਨ (ਸੀਬੀਐਸਏ), ਸੀਜੀਸੀ ਲਾਂਡਰਾਂ ਦੇ ਐਮਬੀਏ ਵਿਭਾਗ ਵੱਲੋਂ ਏਸੀਆਈਸੀ ਰਾਈਜ਼ ਐਸੋਸੀਏਸ਼ਨ, ਸੀਜੀਸੀ ਲਾਂਡਰਾਂ ਦੇ ਸਹਿਯੋਗ ਨਾਲ ਸਾਲਾਨਾ ਉੱਦਮਤਾ ਕੇਂਦ੍ਰਿਤ ਪ੍ਰੋਗਰਾਮ ਬੀ-ਸਟਾਰਟਰ ਦੇ ਅੱਠਵੇਂ ਐਡੀਸ਼ਨ ਦਾ ਆਯੋਜਨ ਕੀਤਾ ਗਿਆ।
ਇਸ ਦੋ ਰੋਜ਼ਾ ਪ੍ਰੋਗਰਾਮ ਵਿੱਚ 32 ਟੀਮਾਂ ਵਿੱਚ ਵੰਡੇ 300 ਤੋਂ ਵੱਧ ਵਿਿਦਆਰਥੀਆਂ ਨੇ ਹਿੱਸਾ ਲਿਆ। ਇਸ ਦਾ ਮੁੱਖ ਉਦੇਸ਼ ਉੱਭਰ ਰਹੇ ਉੱਦਮੀਆਂ ਅਤੇ ਨਵੀਨਤਾਕਾਰੀਆਂ ਨੂੰ ਆਪਣੀ ਉੱਦਮੀ ਸੂਝ ਬੂਝ ਨੂੰ ਨਿਖਾਰਨ ਲਈ ਇੱਕ ਵਿਲੱਖਣ ਮੰਚ ਪ੍ਰਦਾਨ ਕਰਨਾ ਸੀ। ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਵਾਲੀਆਂ ਟੀਮਾਂ ਨੂੰ ਕਈ ਪੜ੍ਹਾਵਾਂ ਵਿੱਚੋਂ ਲੰਘਣਾ ਪਿਆ ਜਿਸ ਵਿੱਚ ਆਈਡਿਆ ਪਿਚੰਗ, ਪ੍ਰੈਜ਼ਨਟੇਸ਼ਨ ਅਤੇ ਜੱਜਾਂ ਦੇ ਇੱਕ ਪੈਨਲ ਵੱਲੋਂ ਆਯੋਜਿਤ ਸਖ਼ਤ ਪ੍ਰਸ਼ਨਾਵਲੀ ਸੈਸ਼ਨ ਸ਼ਾਮਲ ਸੀ।
ਇਸ ਪ੍ਰੋਗਰਾਮ ਦੇ ਦੂਜੇ ਦਿਨ ਮੁਕਾਬਲੇ ਦੇ ਫਾਈਨਲ ਵਿੱਚ ਹਿੱਸਾ ਲੈਣ ਲਈ ਕੁੱਲ ਸੱਤ ਟੀਮਾਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ। ਬੀ ਸਟਾਰਟਰ ਦੇ ਪਹਿਲੇ ਦਿਨ ਮੌਜੂਦ ਉੱਘੀਆਂ ਸ਼ਖਸੀਅਤਾਂ ਵਿਚੋਂ ਵੈਲਨਕਿਊਬੇਟ ਦੇ ਸਹਿ ਸੰਸਥਾਪਕ ਸ਼੍ਰੀ ਅਭਿਸ਼ੇਕ ਚੌਹਾਨ ਸ਼ਾਮਲ ਹੋਏ ਜਿਨ੍ਹਾਂ ਨੇ ਪਿੱਚਿੰਗ ਤਕਨੀਕਾਂ ਸੰਬੰਧੀ ਇੱਕ ਸੈਸ਼ਨ ਪੇਸ਼ ਕੀਤਾ।
ਜਿਸ ਵਿੱਚ ਉਨ੍ਹਾਂ ਨੇ ਭਾਗੀਦਾਰਾਂ ਦੀ ਉੱਦਮੀ ਸੂਝ-ਬੂਝ ਨੂੰ ਵਧਾਉਣ ਵਿੱਚ ਮਦਦ ਕਰਨ ਲਈ ਕੀਮਤੀ ਉਦਯੋਗਿਕ ਜਾਣਕਾਰੀ ਸਾਂਝੀ ਕੀਤੀ।ਪ੍ਰੋਗਰਾਮ ਦੇ ਦੂਜੇ ਦਿਨ ਸਟਾਰਟਅੱਪ-ਪੰਜਾਬ ਦੇ ਸਟਾਰਟਅੱਪ ਕੋਆਰਡੀਨੇਟਰ ਸ਼੍ਰੀ ਸਲਿਲ ਕਪਲਸ਼ ਅਤੇ ਕੌਂਟੈਂਟ ਫੈਕਟਰੀ ਦੇ ਸੰਸਥਾਪਕ ਅਤੇ ਸੀਈਓ ਸ਼੍ਰੀਮਤੀ ਰਿਤਕਾ ਸਿੰਘ ਮੁੱਖ ਮਹਿਮਾਨਾਂ ਵਜੋਂ ਸ਼ਾਮਲ ਹੋਏ।
ਪਹੁੰਚੀਆਂ ਸਖਸ਼ੀਅਤਾਂ ਦਾ ਡਾ.ਰਮਨਦੀਪ ਸੈਣੀ, ਡਾਇਰੈਕਟਰ ਪ੍ਰਿੰਸੀਪਲ, ਸੀਬੀਐਸਏ, ਡਾ.ਰੁਚੀ ਸਿੰਗਲਾ, ਡਾਇਰੈਕਟਰ ਆਰ ਐਂਡ ਡੀ, ਸੀਜੀਸੀ ਲਾਂਡਰਾਂ, ਫੈਕਲਟੀ ਮੈਂਬਰਾਂ ਅਤੇ ਸੰਸਥਾ ਦੇ ਵਿਿਦਆਰਥੀਆਂ ਵੱਲੋਂ ਸਵਾਗਤ ਕੀਤਾ ਗਿਆ। ਪ੍ਰੋਗਰਾਮ ਦੇ ਦੂਜੇ ਦਿਨ ਫਿਨਾਲੇ ਲਈ ਸ਼ਾਰਟਲਿਸਟ ਕੀਤੀਆਂ ਸੱਤ ਟੀਮਾਂ ਨੇ ਇੱਕ ਦਿਲਚਸਪ ਸੈਸ਼ਨ ਵਿੱਚ ਆਪਣੇ ਵਿਚਾਰ ਪੇਸ਼ ਕੀਤੇ, ਜਿਨ੍ਹਾਂ ਨੂੰ ਪੈਨਲ ਤੋਂ ਆਲੋਚਨਾਤਮਕ ਫੀਡਬੈਕ ਅਤੇ ਰਣਨੀਤਕ ਸੂਝ ਪ੍ਰਾਪਤ ਹੋਈ।
ਪੈਨਲ ਵੱਲੋਂ ਜੇਤੂ ਵਿਚਾਰਾਂ ਦਾ ਫੈਸਲਾ ਉਨ੍ਹਾਂ ਦੇ ਨਵੀਨਤਾਕਾਰੀ ਭਾਗ, ਆਰਥਿਕ ਅਤੇ ਸਮਾਜਿਕ ਵਿਵਹਾਰਕਤਾ, ਲਾਗਤ ਪ੍ਰਭਾਵ ਅਤੇ ਲਾਗੂ ਕਰਨ ਦੀ ਸੋਖ ਦੇ ਆਧਾਰ ’ਤੇ ਕੀਤਾ ਗਿਆ। ਪਹਿਲਾ ਇਨਾਮ ਟੀਮ ਵੈਬਟੈਕਫਲਾਈ ਨੂੰ ਉਨ੍ਹਾਂ ਦੇ ਏਆਈ ਏਕੀਕ੍ਰਿਤ ਵਰਟੀਕਲ ਟੇਕ ਆਫ ਅਤੇ ਲੈਂਡਿੰਗ (ਵੀਟੀਓਐਲ) ਡਰੋਨ ਲਈ ਪ੍ਰਾਪਤ ਹੋਇਆ।
ਜਾਣਕਾਰੀ ਅਨੁਸਾਰ ਇਹ ਡਰੋਨ ਹਵਾਈ ਗਤੀਸ਼ੀਲਤਾ, ਸੁਰੱਖਿਆ ਅਤੇ ਐਮਰਜੈਂਸੀ ਪ੍ਰਤੀਕਿਿਰਆ ਨੂੰ ਵਧਾਉਣ ਵਿੱਚ ਮਦਦ ਕਰਨ ਵਾਲੇ ਕਈ ਉਦਯੋਗਿਕ ਐਪਲੀਕੇਸ਼ਨਾਂ ਲਈ ਤਿਆਰ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਟੀਮ ਬ੍ਰਿਕਕ੍ਰਾਫਟ ਨੇ ਫਸਲਾਂ ਦੀ ਰਹਿੰਦ-ਖੂੰਹਦ ਤੋਂ ਬਣੀਆਂ ਵਾਤਾਵਰਣ ਅਨੁਕੂਲ ਠੰਢੀਆਂ ਇੱਟਾਂ ਦੇ ਆਪਣੇ ਨਵੀਨਤਾਕਾਰੀ ਵਿਚਾਰ ਲਈ ਦੂਜਾ ਇਨਾਮ ਪ੍ਰਾਪਤ ਕੀਤਾ ਜੋ ਨਕਲੀ ਏਅਰ ਕੰਡੀਸ਼ਨਿੰਗ ਦੀ ਜ਼ਰੂਰਤ ਨੂੰ ਘਟਾਉਣ ਵਿੱਚ ਮਦਦ ਕਰ ਸਕਦਾ ਹੈ।
ਇਸ ਦੇ ਨਾਲ ਹੀ ਟੀਮ ਐਲੂਰਬਾਇਓ ਨੇ ਇੱਕ ਅਜਿਹਾ ਸਿਸਟਮ ਤਿਆਰ ਕਰਨ ਲਈ ਤੀਜਾ ਇਨਾਮ ਜਿੱਤਿਆ ਜੋ ਕੂੜੇ ਦੇ ਡੱਬਿਆਂ ਨੂੰ ਐਨਾਇਰੋਬਿਕ ਪਾਚਨ ਜਾਂ ਥਰਮਲ ਪਰਿਵਰਤਨ ਰਾਹੀਂ ਬਾਇਓਡੀਗ੍ਰੇਡੇਬਲ ਰਹਿੰਦ ਖੂੰਹਦ ਨੂੰ ਊਰਜਾ ਵਿੱਚ ਬਦਲਣ ਦੇ ਸਮਰੱਥ ਹੋਵੇਗਾ।ਇਸ ਤਰ੍ਹਾਂ ਪੈਦਾ ਹੋਈ ਊਰਜਾ ਨੂੰ ਛੋਟੇ ਪੈਮਾਨੇ ਦੇ ਉਪਯੋਗਾਂ ਜਿਵੇਂ ਕਿ ਸਟਰੀਟ ਲਾਈਟਾਂ ਨੂੰ ਪਾਵਰ ਦੇਣ ਜਾਂ ਚਾਰਜਿੰਗ ਡਿਵਾਈਸਾਂ ਲਈ ਵਰਤਿਆ ਜਾ ਸਕਦਾ ਹੈ।
ਇਸ ਪ੍ਰੋਗਰਾਮ ਦੌਰਾਨ ਵਿਚਾਰ ਸਾਂਝੇ ਕਰਦਿਆਂ ਡਾ.ਰਮਨਦੀਪ ਸੈਣੀ ਨੇ ਕਿਹਾ ਕਿ ਸੀਜੀਸੀ ਲਾਂਡਰਾਂ ਵਿਖੇ ਉੱਦਮਤਾ ਨੂੰ ਬੜਾਵਾ ਦੇਣਾ ਕਰਨਾ ਸਾਡਾ ਮੁੱਖ ਫੋਕਸ ਹੈ ਅਤੇ ਬੀ ਸਟਾਰਟਰ ਨਵੀਨਤਾਕਾਰੀ ਦਿਮਾਗਾਂ ਦਾ ਪਾਲਣ-ਪੋਸ਼ਣ ਕਰਨ ਲਈ ਸਾਡੀ ਵਚਨਬੱਧਤਾ ਦੀ ਉਦਾਹਰਣ ਦਿੰਦਾ ਹੈ।
ਉਨ੍ਹਾਂ ਕਿਹਾ ਕਿ ਭਾਗੀਦਾਰਾਂ ਵੱਲੋਂ ਪ੍ਰਦਰਸ਼ਿਤ ਰਚਨਾਤਮਕਤਾ ਅਤੇ ਦ੍ਰਿੜ ਸੰਕਲਪ ਸਟਾਰਟਅੱਪ ਈਕੋਸਿਸਟਮ ਲਈ ਇੱਕ ਸ਼ਾਨਦਾਰ ਭਵਿੱਖ ਨੂੰ ਉਜਾਗਰ ਕਰਦਾ ਹੈ। ਇਸ ਤਰ੍ਹਾਂ ਦੇ ਸਮਾਗਮ ਵਿਿਦਆਰਥੀਆਂ ਦੇ ਨਵੀਨਤਾਕਾਰੀ ਵਿਚਾਰਾਂ ਨੂੰ ਸਫਲ ਉੱਦਮਾਂ ਵਿੱਚ ਬਦਲਣ ਲਈ ਲੋੜੀਂਦੇ ਹੁਨਰ, ਵਿਸ਼ਵਾਸ ਅਤੇ ਸਲਾਹ ਨਾਲ ਲੈਸ ਕਰਨ ਲਈ ਮਹੱਤਵਪੂਰਨ ਸਿੱਧ ਹੋਏ ਹਨ।
ਪ੍ਰੋਗਰਾਮ ਦੇ ਅੰਤ ਵਿੱਚ ਡਾ.ਚਾਰੂ ਮੇਹਨ, ਐੱਚਓਡੀ ਐਮਬੀਏ, ਸੀਬੀਐਸਏ, ਸੀਜੀਸੀ ਲਾਂਡਰਾਂ ਵੱਲੋਂ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ ਗਿਆ। ਜਿਸ ਵਿੱਚ ਉਨ੍ਹਾਂ ਨੇ ਬੀ ਸਟਾਰਟਰ, ਸੀਜ਼ਨ 8 ਨੂੰ ਇੱਕ ਸ਼ਾਨਦਾਰ ਸਫਲਤਾ ਬਣਾਉਣ ਵਿੱਚ ਫੈਕਲਟੀ, ਜੱਜਾਂ ਅਤੇ ਵਿਿਦਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਧੰਨਵਾਦ ਕੀਤਾ।