ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਖੋਜ ਵਿਿਦਆਰਥੀ ਨੂੰ ਵੱਕਾਰੀ ਪ੍ਰਧਾਨ ਮੰਤਰੀ ਫੈਲੋਸ਼ਿਪ ਪ੍ਰਦਾਨ
5 Dariya News
ਅੰਮ੍ਰਿਤਸਰ 04-Dec-2024
ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਫਾਰਮਾਸਿਊਟੀਕਲ ਸਾਇੰਸਜ਼ ਵਿਭਾਗ ਦੀ ਮਿਸ ਆਂਚਲ ਖੰਨਾ ਨੇ 2024 ਸੈਸ਼ਨ ਲਈ ਡਾਕਟਰੇਟ ਖੋਜ ਲਈ ਵੱਕਾਰੀ ਪ੍ਰਧਾਨ ਮੰਤਰੀ ਫੈਲੋਸ਼ਿਪ ਹਾਸਲ ਕੀਤੀ ਹੈ। ਫੈਲੋਸ਼ਿਪ ਇੱਕ ਜਨਤਕ-ਨਿੱਜੀ ਭਾਈਵਾਲੀ ਪਹਿਲਕਦਮੀ ਹੈ, ਜੋ ਅਨੁਸੰਧਾਨ ਨੈਸ਼ਨਲ ਰਿਸਰਚ ਫਾਊਂਡੇਸ਼ਨ, ਭਾਰਤ ਸਰਕਾਰ, ਨਵੀਂ ਦਿੱਲੀ ਅਤੇ ਫੈਡਰੇਸ਼ਨ ਆਫ਼ ਇੰਡੀਅਨ ਚੈਂਬਰਜ਼ ਆਫ਼ ਕਾਮਰਸ ਐਂਡ ਇੰਡਸਟਰੀ ਵੱਲੋਂ ਸਾਂਝੇ ਤੌਰ ' ਤੇ ਦਿੱਤੀ ਜਾਂਦੀ ਹੈ।
ਇਸ ਸਕੀਮ ਦਾ ਉਦੇਸ਼ ਨੌਜਵਾਨ, ਪ੍ਰਤਿਭਾਸ਼ਾਲੀ, ਉਤਸ਼ਾਹੀ, ਅਤੇ ਨਤੀਜਾ-ਮੁਖੀ ਵਿਦਵਾਨਾਂ ਨੂੰ ਉਦਯੋਗ-ਸਬੰਧਤ ਖੋਜ ਕਰਨ ਲਈ ਉਤਸ਼ਾਹਿਤ ਕਰਨਾ ਹੈ। ਵਿਿਦਆਰਥੀ ਦੀ ਇਸ ਉਪਲਬਧੀ ਦੀ ਸ਼ਲਾਘਾ ਕਰਦਿਆਂ, ਡਾ. ਪਲਵਿੰਦਰ ਸਿੰਘ, ਡੀਨ ਅਕਾਦਮਿਕ ਮਾਮਲੇ, ਨੇ ਕਿਹਾ ਯੂਨੀਵਰਸਿਟੀ ਵਿਿਦਆਰਥੀ ਲਈ ਪ੍ਰਧਾਨ ਮੰਤਰੀ ਫੈਲੋਸ਼ਿਪ ਪ੍ਰਾਪਤ ਕਰਨਾ ਇੱਕ ਅਹਿਮ ਪ੍ਰਾਪਤੀਆਂ ਵਿਚੋਂ ਇਕ ਹੈ। ਹਰ ਵਿਿਦਆਰਥੀ ਦੀ ਵੱਡੀ ਸਫਲਤਾ ਦੇ ਪਿੱਛੇ, ਇੱਕ ਸਮਰਪਿਤ ਅਧਿਆਪਕ ਹੁੰਦਾ ਹੈ।
ਇਸ ਯੂਨੀਵਰਸਿਟੀ ਨੇ ਹਮੇਸ਼ਾ ਵਿਿਦਆਰਥੀ-ਅਨੁਕੂਲ ਮਾਹੌਲ ਕਾਇਮ ਰੱਖਿਆ ਹੈ ਅਤੇ ਵਿਿਦਆਰਥੀਆਂ ਲਈ ਚੰਗਾ ਖੋਜ ਤੇ ਅਕਾਦਮਿਕ ਮਾਹੌਲ ਮੁਹਈਆ ਕੀਤਾ ਹੈ। ਡਾ. ਪ੍ਰੀਤ ਮਹਿੰਦਰ ਸਿੰਘ ਬੇਦੀ, ਡੀਨ ਵਿਿਦਆਰਥੀ ਭਲਾਈ ਨੇ ਕਿਹਾ ਕਿ ਮਿਸ ਆਂਚਲ ਨੇ ਵੱਕਾਰੀ ਫੈਲੋਸ਼ਿਪ ਜਿੱਤ ਕੇ ਯੂਨੀਵਰਸਿਟੀ ਦਾ ਨਾਮ ਰੌਸ਼ਨ ਕੀਤਾ ਹੈ।
ਪੀਐਮਆਰਐਫ ਸਕੀਮ ਭਾਰਤ ਵਿੱਚ ਡਾਕਟੋਰਲ ਖੋਜ ਵਿੱਚ ਸਭ ਤੋਂ ਵਧੀਆ ਨਤੀਜੇ ਪੇਸ਼ ਕਰਨ ਵਾਲੇ ਖੋਜੀਆਂ ਨੂੰ ਚੰਗੀਆਂ ਫੈਲੋਸ਼ਿਪ ਨਾਲ ਨਿਵਾਜਿਆ ਜਾਂਦਾ ਹੈ। ਪ੍ਰੋ. ਐਮ ਐਲ ਸਿੰਘ, ਡਾਇਰੈਕਟਰ ਰਿਸਰਚ ਨੇ ਰਿਸਰਚ ਸਕਾਲਰ ਅਤੇ ਉਨ੍ਹਾਂ ਦੇ ਸੁਪਰਵਾਈਜ਼ਰ ਨੂੰ ਪੀਐਮਆਰਐਫ ਦੇ ਪੁਰਸਕਾਰ ਲਈ ਵਧਾਈ ਦਿੱਤੀ।
ਮਿਸ ਆਂਚਲ ਖੰਨਾ ਜੋ ਪ੍ਰੋ. ਬੇਦੀ ਦੀ ਨਿਗਰਾਨੀ ਵਿੱਚ ਖੋਜ ਕਾਰਜ ਕਰਦੀ ਹੈ, ਨੇ ਕਿਹਾ ਕਿ ਇਹ ਫੈਲੋਸ਼ਿਪ ਪ੍ਰਾਪਤ ਕਰਨਾ ਇੱਕ ਵੱਕਾਰੀ ਅਤੇ ਉੱਚ ਉਪਲਬਧੀ ਹੈ ਕਿਉਂਕਿ ਇਹ ਇੱਕ ਖੋਜਕਰਤਾ ਦੇ ਰੂਪ ਵਿੱਚ ਮੇਰੇ ਕੈਰੀਅਰ ਨੂੰ ਹੁਲਾਰਾ ਦੇਵੇਗੀ।