ਸਰਕਾਰੀ ਹਾਈ ਸਕੂਲ ਤੰਗੌਰੀ ਦੇ ਵਿਦਿਆਰਥੀਆ ਦੀਆਂ ਸਕੂਲ ਜਿਲ੍ਹਾ ਪੱਧਰੀ ਐਥਲੈਟਿਕਸ ਮੀਟ ਅਤੇ ਖੇਡਾਂ ਵਤਨ ਪੰਜਾਬ ਦੀਆਂ ਵਿਚ ਸ਼ਾਨਦਾਰ ਪ੍ਰਾਪਤੀਆਂ

5 Dariya News

ਐੱਸ. ਏ.ਐੱਸ. ਨਗਰ 03-Nov-2024

ਸਰਕਾਰੀ ਹਾਈ ਸਕੂਲ ਤੰਗੌਰੀ (ਐੱਸ. ਏ.ਐੱਸ. ਨਗਰ) ਦੇ ਵਿਦਿਆਰਥੀਆ ਨੇ ਸਕੂਲ ਜਿਲ੍ਹਾ ਪੱਧਰੀ ਐਥਲੈਟਿਕਸ ਮੀਟ ਅਤੇ ਖੇਡਾਂ ਵਤਨ ਪੰਜਾਬ ਦੀਆਂ ਵਿਚ ਸ਼ਾਨਦਾਰ ਪ੍ਰਾਪਤੀਆਂ ਕਰਕੇ ਸਕੂਲ ਦਾ ਨਾਮ ਰੋਸ਼ਨ ਕੀਤਾ। ਸਕੂਲ ਜਿਲ੍ਹਾ ਪੱਧਰੀ ਐਥਲੈਟਿਕਸ ਮੀਟ ਜੋ 78 ਸੈਕਟਰ ਸਪੋਰਟਸ ਕੰਪਲੈਕਸ ਮੋਹਾਲੀ ਵਿਖੇ ਹੋਈ ।

ਉਹਨਾਂ ਵਿੱਚ ਸੁਮਿਤ ਨੇ ਅੰਡਰ 17 ਸਾਲ ਦੀ ਲੰਬੀ ਛਾਲ, 400ਮੀ ਹਰਡਲ ਵਿੱਚ ਪਹਿਲਾ ਸਥਾਨ,ਨਿਰੰਤ ਨੇ ਅੰਡਰ 19 ਸਾਲ ਦੀ 110ਮੀ ਵਿੱਚ ਪਹਿਲਾ ਸਥਾਨ, ਰੁਕਸ਼ਾਦ ਅਲੀ ਨੇ ਅੰਡਰ 14 ਸਾਲ ਦੀ 80ਮੀ ਹਰਡਲ ਵਿੱਚ ਪਹਿਲਾ ਸਥਾਨ, ਚਾਂਦਨੀ ਨੇ ਅੰਡਰ 17ਸਾਲ ਦੀ 100 ਮੀ ਹਰਡਲ ਵਿੱਚ ਪਹਿਲਾ ਸਥਾਨ, ਸਿਮਰਨ ਕੌਰ ਨੇ ਅੰਡਰ 17 ਸਾਲ ਦੀ 400 ਮੀ ਵਿੱਚ ਦੂਜਾ ਸਥਾਨ, ਹਰਮਨਜੋਤ ਕੌਰ ਨੇ ਅੰਡਰ 14 ਸਾਲ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ । 

ਸਕੂਲ ਦੇ ਸਪੋਰਟਸ ਅਧਿਆਪਕ ਨਵਕਿਰਨਪਰੀਤ ਸਿੰਘ ਖੱਟੜਾ ਨੇ ਦੱਸਿਆ ਕਿ ਸਟੇਟ ਪੱਧਰੀ ਖੇਡਾ ਵਤਨ ਪੰਜਾਬ ਦੀਆਂ ਵਿੱਚ ਵੀ ਸਕੂਲ ਦੇ ਪੰਜ ਵਿਦਿਆਰਥੀ ਐਥਲੈਟਿਕਸ ਵਿੱਚ ਤਿੰਨ ਵਿਦਿਆਰਥੀ  ਫੁੱਟਬਾਲ ਵਿੱਚ ਭਾਗ ਲੈ ਰਹੇ ਹਨ। ਸਕੂਲ ਦੀ ਮੁੱਖ ਅਧਿਆਪਕਾ ਮਨਿੰਦਰ ਕੌਰ ਸਕੂਲ ਪਹੁੰਚਣ ਤੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ। ਇਸ ਸਮੇਂ ਸਕੂਲ ਅਧਿਆਪਕਾ ਅਪਰਨਾ ਮਿਸ਼ਰਾ,ਸਤਬੀਰ ਕੌਰ, ਮਨਦੀਪ ਕੌਰ  ਨੇ ਬੱਚਿਆਂ ਦੀ ਜਿੱਤ ਤੇ ਖੁਸ਼ੀ ਮਨਾਈ।