ਬਲਾਕ ਸ਼ਹਿਣਾ ਦੇ ਮੁਕਾਬਲਿਆਂ ਦਾ ਐਮ.ਐਲ.ਏ. ਲਾਭ ਸਿੰਘ ਉਗੋਕੇ ਵਲੋਂ ਆਗਾਜ਼

ਲੰਬੀ ਛਾਲ ਵਿੱਚ ਤਸਲੀਮ ਖਾਨ ਅੱਵਲ, 100 ਮੀ. ਦੌੜ ਵਿੱਚ ਸੁਖਮੰਦਰ ਅਤੇ ਜਸਕਰਨ ਸਿੰਘ ਨੇ ਬਾਜ਼ੀ ਮਾਰੀ

5 Dariya News

ਭਦੌੜ 09-Sep-2024

ਪੰਜਾਬ ਸਰਕਾਰ ਵਲੋਂ ਕਰਵਾਈਆਂ ਜਾ ਰਹੀਆਂ 'ਖੇਡਾਂ ਵਤਨ ਪੰਜਾਬ ਦੀਆਂ ਦੇ ਸੀਜ਼ਨ 3' ਤਹਿਤ ਸ਼ਹਿਣਾ ਬਲਾਕ ਦੇ ਮੁਕਾਬਲੇ ਅੱਜ ਸ਼ੁਰੂ ਹੋ ਗਏ ਹਨ, ਜਿਨ੍ਹਾਂ ਦਾ ਆਗਾਜ਼ ਐਮ.ਐਲ.ਏ. ਭਦੌੜ ਸ੍ਰੀ ਲਾਭ ਸਿੰਘ ਉੱਗੋਕੇ ਵੱਲੋਂ ਪਬਲਿਕ ਸਟੇਡੀਅਮ ਭਦੌੜ ਵਿਖੇ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਇਸ ਉਪਰਾਲੇ ਨਾਲ ਜਿੱਥੇ ਨੌਜਵਾਨਾਂ ਖੇਡਾਂ ਦੇ ਖੇਤਰ ਵਿੱਚ ਹੋਰ ਮੱਲਾਂ ਮਾਰਨਗੇ, ਓਥੇ ਨੌਜਵਾਨ ਨਸ਼ਿਆਂ ਜਿਹੀਆਂ ਅਲਾਮਤਾਂ ਤੋਂ ਦੂਰ ਰਹਿੰਦੇ ਹਨ। 

ਉਨ੍ਹਾਂ ਇਨ੍ਹਾਂ ਮੁਕਾਬਲਿਆਂ ਵਿੱਚ ਭਾਗ ਲੈਣ ਵਾਲੇ ਖਿਡਾਰੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਇੱਥੇ ਪਬਲਿਕ ਸਟੇਡੀਅਮ ਵਿੱਚ ਐਥਲੈਟਿਕਸ, ਵਾਲੀਬਾਲ ਤੇ ਕਬੱਡੀ ਖੇਡਾਂ ਹੋਈਆਂ ਤੇ ਫੁੱਟਬਾਲ ਸਸਸਸ ਭਦੌੜ ਤੇ ਖੋ-ਖੋ ਮੁਕਾਬਲੇ ਮਾਤਾ ਗੁਜਰੀ ਪਬਲਿਕ ਸਕੂਲ ਭਦੌੜ ਵਿਖੇ ਹੋ ਰਹੇ ਹਨ। 

ਹੈ। ਖੋ-ਖੋ ਵਿੱਚ 72 ਲੜਕੇ ਅਤੇ 48 ਲੜਕੀਆਂ ਨੇ ਭਾਗ ਲਿਆ, ਅੰਡਰ 17 ਲੜਕਿਆਂ ਵਿੱਚ ਪਹਿਲੀ ਪੁਜੀਸ਼ਨ ਮਾਤਾ ਗੁਜਰੀ ਪਬਲਿਕ ਸਕੂਲ ਭਦੌੜ, ਦੂਜੀ ਪੁਜੀਸ਼ਨ ਸਸਸਸ ਸਹਿਣਾ, ਤੀਜੀ ਪੁਜੀਸ਼ਨ ਆਰੀਆ ਭੱਟ ਇੰਟ. ਸਕੂਲ ਚੀਮਾ ਜੋਧਪੁਰ ਦੀ ਰਹੀ। ਅੰਡਰ 17 ਲੜਕੀਆਂ ਵਿੱਚ ਪਹਿਲੀ ਪੁਜੀਸ਼ਨ ਸਰਕਾਰੀ ਹਾਈ ਜੰਗੀਆਣਾ, ਦੂਜੀ ਪੁਜੀਸ਼ਨ ਗੁਰੂ ਨਾਨਕ ਪਬਲਿਕ ਸਕੂਲ ਸੁਖਪੁਰਾ, ਤੀਜੀ ਅਕਾਲ ਅਕੈਡਮੀ ਭਦੌੜ ਦੀ ਰਹੀ।

ਵਾਲੀਬਾਲ ਵਿੱਚ 25 ਲੜਕੀਆਂ ਅਤੇ 45 ਲੜਕਿਆਂ ਨੇ ਭਾਗ ਲਿਆ। ਐਥਲੈਟਿਕਸ ਵਿੱਚ ਉਮਰ ਵਰਗ 21 ਲੜਕੇ ਵਿੱਚ ਲੰਬੀ ਛਾਲ ਵਿੱਚ ਤਸਲੀਮ ਖਾਨ, ਪੁਨੀਤ ਦਾਸ ਤੇ ਸਤਨਾਮ ਸਿੰਘ ਨੇ  ਕ੍ਰਮਵਾਰ ਪਹਿਲੀ, ਦੂਜੀ ਪੁਜੀਸ਼ਨ ਤੇ ਤੀਜੀ ਪੁਜੀਸ਼ਨ ਪ੍ਰਾਪਤ ਕੀਤੀ। 31-40 ਉਮਰ ਵਰਗ ਵਿੱਚ 100 ਮੀ. ਦੌੜ ਵਿੱਚ ਸੁਖਮੰਦਰ ਸਿੰਘ , ਮਨਪ੍ਰੀਤ ਸਿੰਘ, ਸ਼ੰਟੀ ਕੁਮਾਰ ਨੇ ਕ੍ਰਮਵਾਰ ਪਹਿਲੀ, ਦੂਜੀ ਪੁਜੀਸ਼ਨ ਅਤੇ ਤੀਜੀ ਪੁਜੀਸ਼ਨ ਪ੍ਰਾਪਤ ਕੀਤੀ। 

21-30 ਉਮਰ ਵਰਗ ਵਿੱਚ ਈਵੈਂਟ 100 ਮੀ. ਵਿੱਚ ਜਸਕਰਨ ਸਿੰਘ , ਸਰਵਣ ਸਿੰਘ, ਦਿਲਾਵਰ ਖਾਨ ਨੇ ਕ੍ਰਮਵਾਰ ਪਹਿਲੀ, ਦੂਜੀ ਪੁਜੀਸ਼ਨ ਤੇ ਤੀਜੀ ਪੁਜੀਸ਼ਨ ਪ੍ਰਾਪਤ ਕੀਤੀ। ਇਸ ਮੌਕੇ ਜ਼ਿਲ੍ਹਾ ਖੇਡ ਅਫ਼ਸਰ ਮੈਡਮ ਉਮੇਸ਼ਵਰੀ ਸ਼ਰਮਾ ਤੇ ਕੋਚ ਹਾਜ਼ਰ ਸਨ।