ਦਿਵਿਆਂਗਜਨਾਂ ਦੀ ਲੀਗਲ ਗਾਰਡੀਅਨਸ਼ਿੱਪ ਲੈਣ ਲਈ ਜ਼ਿਲ੍ਹਾ ਪੱਧਰੀ ਲੋਕਲ ਲੈਵਲ ਕਮੇਟੀ ਕੋਲ ਆਨਲਾਈਨ ਕੀਤਾ ਜਾ ਸਕਦਾ ਹੈ ਅਪਲਾਈ : ਪਰਨੀਤ ਸ਼ੇਰਗਿੱਲ
ਫ਼ੋਨ ਨੰਬਰ 98761-20864 'ਤੇ ਕਾਲ ਕਰ ਕੇ ਲਈ ਜਾ ਸਕਦੀ ਹੈ ਸੇਵਾ
5 Dariya News
ਫ਼ਤਹਿਗੜ੍ਹ ਸਾਹਿਬ 03-Sep-2024
ਦਿਵਿਆਂਗਜਨਾਂ ਦੀ ਲੀਗਲ ਗਾਰਡੀਅਨਸ਼ਿੱਪ ਲੈਣ ਲਈ ਗਾਰਡੀਅਨਸ਼ਿੱਪ ਦੇ ਕੇਸ ਜ਼ਿਲ੍ਹਾ ਪੱਧਰੀ ਲੋਕਲ ਲੈਵਲ ਕਮੇਟੀ ਅੱਗੇ ਆਨਲਾਈਨ ਅਪਲਾਈ ਕੀਤੇ ਜਾ ਸਕਦੇ ਹਨ। ਇਹ ਜਾਣਕਾਰੀ ਸ਼੍ਰੀਮਤੀ ਪਰਨੀਤ ਸ਼ੇਰਗਿੱਲ, ਡਿਪਟੀ ਕਮਿਸ਼ਨਰ, ਫ਼ਤਹਿਗੜ੍ਹ ਸਾਹਿਬ ਵੱਲੋਂ ਆਪਣੇ ਦਫ਼ਤਰ ਵਿਖੇ ਦਿਵਿਆਂਗਜਨਾਂ ਦੀ ਲੀਗਲ ਗਾਰਡੀਅਨਸ਼ਿੱਪ ਬਾਬਤ ਜ਼ਿਲ੍ਹਾ ਪੱਧਰੀ ਲੋਕਲ ਲੈਵਲ ਕਮੇਟੀ ਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਸਾਂਝੀ ਕੀਤੀ ਗਈ।
ਇਹ ਮੀਟਿੰਗ ਸ. ਕੁਲਦੀਪ ਸਿੰਘ ਪੁੱਤਰ ਸ.ਸ਼ਮਸ਼ੇਰ ਸਿੰਘ ਵਾਸੀ ਪਿੰਡ ਸਾਨੀਪੁਰ, ਤਹਿਸੀਲ ਅਤੇ ਜ਼ਿਲ੍ਹਾ ਫ਼ਤਹਿਗੜ੍ਹ ਸਾਹਿਬ ਦੀ ਲੀਗਲ ਗਾਰਡੀਅਨਸ਼ਿੱਪ ਉਹਨਾਂ ਦੇ ਭਰਾ ਸ. ਲਾਲ ਸਿੰਘ ਪੁੱਤਰ ਸ.ਸ਼ਮਸੇਰ ਸਿੰਘ ਨੂੰ ਦੇਣ ਲਈ ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫਸਰ ਸ.ਵਰਿੰਦਰ ਸਿੰਘ ਟਿਵਾਣਾ ਵੱਲੋਂ ਕਰਵਾਈ ਗਈ। ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ਡਿਪਟੀ ਕਮਿਸ਼ਨਰ ਦੁਆਰਾ ਸ਼੍ਰੀ ਕੁਲਦੀਪ ਸਿੰਘ ਪੁੱਤਰ ਸ.ਸ਼ਮਸ਼ੇਰ ਸਿੰਘ ਦੇ ਭਰਾ ਸ਼ੀ ਲਾਲ ਸਿੰਘ ਤੋਂ ਉਹਨਾਂ ਦੇ ਪਰਿਵਾਰਿਕ ਪਿਛੋਕੜ ਦੀ ਪੁੱਛ-ਗਿੱਛ ਕਰਨ ਮਗਰੋਂ ਅਤੇ ਲਾਲ ਸਿੰਘ ਪਾਸੋਂ ਸ਼੍ਰੀ ਕੁਲਦੀਪ ਸਿੰਘ (ਦਿਵਿਆਂਗਜਨ) ਦੀ ਉਮਰ ਭਰ ਦੇਖਭਾਲ ਕਰਨ ਦਾ ਵਾਅਦਾ ਲੈ ਕੇ ਇਸ ਕੇਸ ਦਾ ਮੌਕੇ 'ਤੇ ਹੀ ਨਿਪਟਾਰਾ ਕਰਦੇ ਹੋਏ ਸ਼੍ਰੀ ਲਾਲ ਸਿੰਘ ਨੂੰ ਸ਼੍ਰੀ ਕੁਲਦੀਪ ਸਿੰਘ ਦਾ ਲੀਗਲ ਗਾਰਡੀਅਨ ਨਿਯੁਕਤ ਕੀਤਾ ਗਿਆ।
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਨੈਸ਼ਨਲ ਟਰੱਸਟ ਐਕਟ, 1999 ਅਤੇ ਰਾਈਟਸ ਆਫ ਪਰਸਨ ਵਿੱਦ ਡਿਸਏਬਿਲਟੀਜ਼ ਐਕਟ 2016 ਦੀਆਂ ਵੱਖ-ਵੱਖ ਧਾਰਾਵਾਂ ਅਧੀਨ 4 ਤਰ੍ਹਾਂ ਦੀਆਂ ਦਿਵਿਆਂਗਤਾਂ ਜਿਸ ਵਿੱਚ ਆਟਿਜ਼ਮ, ਸੈਰੀਬਲ ਪਾਲੀਸੀ, ਮੈਂਟਲ ਰੀਟਾਰਡੇਸ਼ਨ ਜਾਂ ਇੰਟਲੈਕਚੁਅੱਲ ਡਿਸਏਬਿਲਟੀ ਅਤੇ ਮਲਟੀਪਲ ਡਿਸਏਬਿਲਟੀ ਵਾਲੇ ਦਿਵਿਆਂਗਜਨਾਂ ਦੀ ਦੇਖਭਾਲ ਕਰਨ ਲਈ ਉਹਨਾਂ ਦਾ ਗਾਰਡੀਅਨ ਨਿਯੁਕਤ ਕਰਨ ਲਈ, ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਅਧੀਨ ਨੈਸ਼ਨਲ ਟਰੱਸਟ ਐਕਟ ਨਾਲ ਰਜਿਸਟਰਡ ਸੰਸਥਾ ਸ਼੍ਰੀ ਮਨਮੋਹਨ ਜਰਗਰ, ਪ੍ਰਧਾਨ, ਕੰਨਫੈਂਡਰੇਸ਼ਨ ਫਾਰ ਚੈਂਲਜਡ, ਸਰਾਫਾ ਬਜ਼ਾਰ, ਵਾਰਡ ਨੰ. 3 ਬਸੀ ਪਠਾਣਾ, ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਨਾਲ 98761-20864 ਫੋਨ ਨੰਬਰ 'ਤੇ ਤਾਲਮੇਲ ਕੀਤਾ ਜਾ ਸਕਦਾ ਹੈ।
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਜੇਕਰ ਕਿਸੇ ਦਿਵਿਆਂਗਜਨ ਜਾਂ ਉਸ ਦੇ ਪਰਿਵਾਰਿਕ ਮੈਂਬਰ ਦੀ ਲੀਗਲ ਗਾਰਡੀਅਨਸ਼ਿੱਪ ਸਬੰਧੀ ਕੋਈ ਹੋਰ ਜਾਣਕਾਰੀ ਦੀ ਲੋੜ ਹੋਵੇ ਤਾਂ ਆਮ ਲੋਕ ਕਿਸੇ ਵੀ ਕੰਮ ਵਾਲੇ ਦਿਨ ਜ਼ਿਲ੍ਹਾ ਸਮਾਜਿਕ ਸੁਰੱਖਿਆ ਅਫਸਰ ਸ.ਵਰਿੰਦਰ ਸਿੰਘ ਟਿਵਾਣਾ ਨਾਲ ਕਮਰਾ ਨੰ. 217, ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ, ਪਹਿਲੀ ਮੰਜ਼ਿਲ, ਫਤਹਿਗੜ੍ਹ ਸਾਹਿਬ ਨਾਲ ਤਾਲਮੇਲ ਕਰ ਸਕਦੇ ਹਨ ਜਾਂ ਉਹਨਾਂ ਦੇ ਫ਼ੋਨ ਨੰਬਰ 9417500441 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਮੀਟਿੰਗ ਵਿੱਚ ਸਹਾਇਕ ਸਿਵਲ ਸਰਜਨ, ਡਾ.ਜਗਜੀਤ ਸਿੰਘ , ਉਪ-ਜਿਲ੍ਹਾ ਅਟਾਰਨੀ ਸ. ਹਰਪ੍ਰੀਤ ਸਿੰਘ, ਸ਼੍ਰੀ ਮਨਮੋਹਨ ਜਰਗਰ, ਨੈਸ਼ਨਲ ਟਰੱਸਟ ਨਾਲ ਰਜਿਸਟਰਡ ਸੰਸਥਾ ਦੇ ਤੌਰ 'ਤੇ ਅਤੇ ਸ਼੍ਰੀ ਗੁਰਵਿੰਦਰ ਸਿੰਘ ਸੋਨੀ ਦਿਵਿਆਂਗਜਨ ਮੈਂਬਰ ਦੇ ਤੌਰ 'ਤੇ ਮੀਟਿੰਗ ਵਿੱਚ ਸ਼ਾਮਲ ਹੋਏ।