ਲੁਧਿਆਣਾ ਦੇ ਬਹੁਪੱਖੀ ਵਿਕਾਸ ਲਈ ਇਆਲੀ ਨੂੰ ਜਿਤਾਓ-ਗਾਬੜੀਆ, ਸੋਖੀ
ਵਾਰਡ 63 ਵਾਸੀਆਂ ਨੇ ਇਆਲੀ ਦੀ ਚੋਣ ਮੁਹਿੰਮ ਨੂੰ ਪਹੁੰਚਾਇਆ ਸਿਖਰਾਂ 'ਤੇ
5 ਦਰਿਆ ਨਿਊਜ਼ (ਅਜੈ ਪਾਹਵਾ)
ਲੁਧਿਆਣਾ 26-Apr-2014
ਲੁਧਿਆਣਾ ਲੋਕ ਸਭਾ ਸੀਟ ਤੋਂ ਅਕਾਲੀ-ਭਾਜਪਾ ਗਠਜੋੜ ਦੇ ਸਾਂਝੇ ਉਮੀਦਵਾਰ ਮਨਪ੍ਰੀਤ ਸਿੰਘ ਇਆਲੀ ਦੀ ਜੇਤੂ ਚੋਣ ਮੁਹਿੰਮ ਨੂੰ ਹੋਰ ਭਖਾਉਂਦਿਆਂ ਹਲਕਾ ਆਤਮ ਨਗਰ ਅਤੇ ਹਲਕਾ ਦੱਖਣੀ ਦੇ ਵਾਰਡ ਨੰਬਰ 63 ਵਿਖੇ ਡਾ. ਜਗਦੇਵ ਸਿੰਘ ਖਾਲਸਾ, ਮਨਜੀਤ ਸਿੰਘ ਸ਼ਿਮਲਾਪੁਰੀ, ਜੱਥੇਦਾਰ ਹਰਬੰਸ ਸਿੰਘ, ਬਲਵੰਤ ਸਿੰਘ ਬੰਟੂ ਅਤੇ ਬਲਜਿੰਦਰ ਸਿੰਘ ਗਿੱਲ ਦੀ ਅਗਵਾਈ ਵਿੱਚ ਚੋਣ ਮੀਟਿੰਗ ਕਰਵਾਈ ਗਈ, ਜਿਸ ਨੂੰ ਸੰਬੋਧਨ ਕਰਦਿਆਂ ਉਮੀਦਵਾਰ ਇਆਲੀ ਦੇ ਭਰਾ ਜਸਪ੍ਰੀਤ ਸਿੰਘ ਜੱਸੀ ਇਆਲੀ ਨੇ ਕਿਹਾ ਕਿ ਉਮੀਦਵਾਰ ਇਆਲੀ ਵਿਕਾਸ ਦੇ ਮੁਦੇ ਨੂੰ ਲੈ ਕੇ ਤੁਹਾਡੀ ਕਚਹਿਰੀ ਵਿੱਚ ਆਏ ਹਨ, ਜਦਕਿ ਵਿਰੋਧੀ ਅਤੇ ਪਾਰਟੀ ਦੀ ਪਿੱਠ 'ਚ ਛੁਰਾ ਮਾਰਨ ਵਾਲੇ ਉਮੀਦਵਾਰ ਕੋਲ ਕੋਈ ਚੋਣ ਮੁੱਦਾ ਹੀ ਨਹੀਂ ਹੈ ਅਤੇ ਬੇਬੱਸ ਹੋ ਕੇ ਝੂਠ ਅਤੇ ਕੂੜ ਦੇ ਪ੍ਰਚਾਰ ਨਾਲ ਡੰਗ ਟਪਾ ਰਿਹਾ ਹੈ, 30 ਤੋਂ ਬਾਅਦ ਇਹਨਾਂ ਦਾ ਕੋਈ ਵੀ ਅਤਾ-ਪਤਾ ਨਹੀਂ ਲੱਭਣਾ, ਤੁਸੀ 30 ਅਪ੍ਰੈਲ ਨੂੰ ਤੱਕੜੀ ਦੇ ਚੋਣ ਨਿਸ਼ਾਨ ਵਾਲਾ ਬਟਨ ਦਬਾ ਕੇ ਉਮੀਦਵਾਰ ਇਆਲੀ ਨੂੰ ਕਾਮਯਾਬ ਕਰੋ ਤਾਂ ਜੋ ਉਹ ਸ਼ਹਿਰ ਦੇ ਸਰਵਪੱਖੀ ਵਿਕਾਸ ਕਰਵਾਉਣ ਲਈ ਆਪਣਾ ਯੋਗਦਾਨ ਪਾ ਸਕਣ। ਇਸ ਮੌਕੇ ਕੌਂਸਲਰ ਰੱਖਵਿੰਦਰ ਸਿੰਘ ਗਾਬੜੀਆ, ਕੌਂਸਲਰ ਜਗਬੀਰ ਸਿੰਘ ਸੌਖੀ, ਰਣਜੀਤ ਸਿੰਘ ਖਹਿਰਾ, ਜਸਪਾਲ ਸਿੰਘ ਪਾਲੀ, ਗੁਰਮੁੱਖ ਸਿੰਘ ਘੁੰਮਣ, ਸਵਰਨ ਸਿਘ ਮਠਾੜੂ, ਕੁਲਜੀਤ ਸਿੰਘ ਗਿਆਸਪੁਰਾ, ਅਵਤਾਰ ਸਿੰਘ, ਦਾਨ ਸਿੰਘ ਠੇਕੇਦਾਰ, ਸੁਖਵਿੰਦਰ ਸਿੰਘ, ਨਾਹਰ ਸਿੰਘ, ਸੰਤ ਸਿੰਘ, ਗੋਗਾ, ਸ਼ਕਤੀ ਸ਼ਰਮਾ ਚੇਅਰਮੈਨ ਭਾਜਪਾ, ਰਜਨੀਸ਼ ਧੀਮਾਨ, ਗਗਨ ਧਵਨ, ਸਤਪਾਲ, ਰਕੇਸ਼ ਕੁਮਾਰ ਆਦਿ ਵਾਰਡ ਵਾਸੀ ਭਾਰੀ ਗਿਣਤੀ ਵਿੱਚ ਹਾਜ਼ਰ ਸਨ, ਜਿਨ੍ਹਾਂ ਨੇ ਉਮੀਦਵਾਰ ਇਆਲੀ ਨੂੰ ਰਿਕਾਰਡਤੋੜ ਲੀਡ ਨਾਲ ਜਿਤਾਉਣ ਦਾ ਭਰੋਸਾ ਦੁਆਇਆ।