ਜਿਲ੍ਹਾ ਚੋਣ ਅਫਸਰ ਪਠਾਨਕੋਟ ਨੇ ਲੋਕ ਸਭਾ ਸੈਗਮੈਂਟ-ਭੋਆ ਅਤੇ ਸੁਜਾਨਪੁਰ ਵਿਖੇ ਨੈਟਵਰਕਿੰਗ ਸੈਡੋ ਖੇਤਰਾਂ ਨੂੰ ਲੈ ਕੇ ਟੈਲੀਕਾੱਮ ਓਪਰੇਟਰਾਂ ਨਾਲ ਕੀਤੀ ਵਿਸੇਸ ਮੀਟਿੰਗ
ਐਕਸਾਈਜ ਵਿਭਾਗ ਨਾਲ ਮੀਟਿੰਗ ਕਰਕੇ ਲੋਕ ਸਭਾ ਚੋਣਾਂ ਦੋਰਾਨ ਕੀਤੇ ਜਾਣ ਵਾਲੇ ਕਾਰਜਾਂ ਅਧੀਨ ਦਿੱਤੇ ਦਿਸਾ ਨਿਰਦੇਸ
5 Dariya News
ਪਠਾਨਕੋਟ 01-Apr-2024
ਲੋਕ ਸਭਾ ਚੋਣਾਂ -2024 ਅਧੀਨ ਅੱਜ ਸ੍ਰੀ ਆਦਿੱਤਿਆ ਉੱਪਲ ਡਿਪਟੀ ਕਮਿਸਨਰ ਪਠਾਨਕੋਟ-ਕਮ-ਜਿਲ੍ਹਾ ਚੋਣ ਅਫਸਰ ਪਠਾਨਕੋਟ ਵੱਲੋਂ ਜਿਲ੍ਹੇ ਵਿੱਚ ਪੈਂਦੇ ਲੋਕ ਸਭਾ ਅਸੈਂਬਲੀ ਸੈਗਮੈਂਟ ਚੋਣ ਹਲਕਾ -001 ਸੁਜਾਨਪੁਰ ਅਤੇ 002 ਭੋਆ (ਅ.ਜ.) ਵਿੱਚ ਪੈਂਦੇ ਨੈਟਵਰਕਿੰਗ ਸੈਡੋ ਖੇਤਰਾਂ ਸਬੰਧੀ ਵਿਸੇਸ ਚਰਚਾ ਲਈ ਜਿਲ੍ਹਾ ਪਠਾਨਕੋਟ ਦੇ ਸਮੂਹ ਟੈਲੀਕੌਮ ਓਪਰੇਟਰਾਂ ਨਾਲ ਇੱਕ ਵਿਸੇਸ ਮੀਟਿੰਗ ਜਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਮਲਿਕਪੁਰ ਵਿਖੇ ਸਥਿਤ ਮੀਟਿੰਗ ਹਾਲ ਵਿਖੇ ਆਯੋਜਿਤ ਕੀਤੀ ਗਈ। ਇਸ ਮੋਕੇ ਤੇ ਸਰਵਸ੍ਰੀ ਅੰਕੁਰਜੀਤ ਸਿੰਘ ਵਧੀਕ ਡਿਪਟੀ ਕਮਿਸਨਰ (ਜ)-ਕਮ-ਏ.ਆਰ.ਓ. ਲੋਕ ਸਭਾ ਅਸੈਂਬਲੀ ਸੈਗਮੈਂਟ ਚੋਣ ਹਲਕਾ-002 ਭੋਆ (ਅ.ਜ.), ਕਾਲਾ ਰਾਮ ਕਾਂਸਲ ਐਸ.ਡੀ.ਐਮ. ਧਾਰ ਕਲ੍ਹਾਂ-ਕਮ-ਏ.ਆਰ.ਓ. ਲੋਕ ਸਭਾ ਅਸੈਂਬਲੀ ਸੈਗਮੈਂਟ ਚੋਣ ਹਲਕਾ-001 ਸੁਜਾਨਪੁਰ, ਯੁਗੇਸ ਕੁਮਾਰ ਜਿਲ੍ਹਾ ਚੋਣ ਕਾਨੂੰਗੋ ਅਤੇ ਬੀ.ਐਸ.ਐਨ.ਐਲ, ਜੀਓ, ਏਅਰਟੈਲ ਆਦਿ ਟੈਲੀਕੌਮ ਓਪਰੇਟਰ ਵੀ ਹਾਜਰ ਸਨ।
ਇਸ ਮੋਕੇ ਤੇ ਸੰਬੋਧਤ ਕਰਦਿਆਂ ਸ੍ਰੀ ਆਦਿੱਤਿਆ ਉੱਪਲ ਡਿਪਟੀ ਕਮਿਸਨਰ ਪਠਾਨਕੋਟ-ਕਮ- ਜਿਲ੍ਹਾ ਚੋਣ ਅਫਸਰ ਪਠਾਨਕੋਟ ਨੇ ਸੰਬੋਧਤ ਕਰਦਿਆਂ ਕਿਹਾ ਕਿ ਜਿਵੇਂ ਕਿ ਲੋਕ ਸਭਾ ਚੋਣਾਂ-2024 ਸਫਲਤਾ ਪੂਰਵਕ ਨੇਪਰੇ ਚਾੜਨ ਦੇ ਲਈ ਹਰ ਤਰ੍ਹਾਂ ਦੇ ਅਗੇਤੇ ਪ੍ਰਬੰਧ ਕਰ ਲਏ ਗਏ ਹਨ। ਉਨ੍ਹਾਂ ਕਿਹਾ ਕਿ ਦੇਖਣ ਵਿੱਚ ਆਇਆ ਹੈ ਕਿ ਲੋਕ ਸਭਾ ਅਸੈਂਬਲੀ ਸੈਗਮੈਂਟ ਚੋਣ ਹਲਕਾ-002 ਭੋਆ (ਅ.ਜ.) ਅਤੇ ਲੋਕ ਸਭਾ ਅਸੈਂਬਲੀ ਸੈਗਮੈਂਟ ਚੋਣ ਹਲਕਾ-001 ਸੁਜਾਨਪੁਰ ਖੇਤਰਾਂ ਅੰਦਰ ਸਰਹੱਦੀ ਖੇਤਰਾਂ ਦੇ ਨਾਲ ਲਗਦੇ ਦੋ ਪਿੰਡਾਂ ਅੰਦਰ ਅਤੇ ਧਾਰ ਖੇਤਰ ਦੇ 3-4 ਪਿੰਡਾਂ ਅੰਦਰ ਟੈਲੀਕਾੱਮ ਨੈਟਵਰਕਿੰਗ ਦੀ ਸਮੱਸਿਆ ਹੈ।
ਉਨ੍ਹਾਂ ਮੀਟਿੰਗ ਦੋਰਾਨ ਵੱਖ ਵੱਖ ਕੰਪਨੀਆਂ ਦੇ ਟੈਲੀਕੌਮ ਓੁਪਰੇਟਰਾਂ ਨੂੰ ਆਦੇਸ ਦਿੰਦਿਆਂ ਕਿਹਾ ਕਿ ਇਨ੍ਹਾਂ ਪਿੰਡਾਂ ਅੰਦਰ ਨੈਟਵਰਕ ਪੂਰੀ ਤਰ੍ਹਾਂ ਨਾਲ ਮੂਹੇਈਆਂ ਕਰਵਾਉਂਣ ਦੇ ਲਈ ਕਾਰਜ ਕੀਤਾ ਜਾਵੇ ਤਾਂ ਜੋ ਲੋਕ ਸਭਾ ਚੋਣਾਂ ਦੋਰਾਨ ਕਿਸੇ ਤਰ੍ਹਾਂ ਦੀ ਪ੍ਰੇਸਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ। ਉਨ੍ਹਾਂ ਵੱਖ ਵੱਖ ਕੰਪਨੀਆਂ ਦੇ ਟੈਲੀਕੌਮ ਓੁਪਰੇਟਰਾਂ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਜਿਲ੍ਹਾ ਪਠਾਨਕੋਟ ਅੰਦਰ ਲੋਕ ਸਭਾ ਚੋਣਾਂ-2024 ਨੂੰ ਲੈ ਕੇ 371 ਲੋਕੇਸਨ ਬਣਾਈਆਂ ਗਈਆਂ ਹਨ ਅਤੇ ਆਉਂਣ ਵਾਲੇ ਦੋ ਦਿਨ੍ਹਾਂ ਦੇ ਅੰਦਰ ਹਰੇਕ ਟੈਲੀਕੌਮ ਓਪਰੇਟਰ ਸਰਵੇ ਕਰਵਾ ਕੇ ਰਿਪੋਰਟ ਬਣਾਉਂਣਗੇ ਕਿ ਕਿਸ ਲੋਕੇਸਨ ਤੇ ਨੈਟਵਰਕਿੰਗ ਦੀ ਸਮੱਸਿਆ ਹੈ।
ਉਨ੍ਹਾਂ ਕਿਹਾ ਕਿ ਜਿੱਥੇ ਵੀ ਨੈਟਵਰਕਿੰਗ ਦੀ ਸਮੱਸਿਆ ਹੈ ਉਸ ਖੇਤਰ ਅੰਦਰ ਟੈਲੀਕੌਮ ਓਪਰੇਟਰਾਂ ਵੱਲੋਂ ਨੈਟਵਰਕ ਮੂਹੇਈਆਂ ਕਰਵਾਇਆ ਜਾਵੇਗਾ ਤਾਂ ਜੋ ਲੋਕ ਸਭਾ ਚੋਣਾਂ -2024 ਦੋਰਾਨ ਕਿਸੇ ਤਰ੍ਹਾਂ ਦੀ ਪ੍ਰੇਸਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ। ਇਸ ਮੋਕੇ ਤੇ ਉਨ੍ਹਾਂ ਵੱਲੋਂ ਐਕਸਾਈਜ ਵਿਭਾਗ ਨਾਲ ਵੀ ਵਿਸੇਸ ਮੀਟਿੰਗ ਕੀਤੀ । ਇਸ ਮੋਕੇ ਤੇ ਸਰਾਬ ਦੇ ਠੇਕੇ ਲੈਣ ਵਾਲੀਆਂ ਜਿਲ੍ਹਾ ਪਠਾਨਕੋਟ ਦੀਆਂ ਵੱਖ ਵੱਖ ਫਰਮਾਂ ਦੇ ਨੁਮਾਇੰਦੇ ਵੀ ਵਿਸੇਸ ਤੋਰ ਤੇ ਹਾਜਰ ਹੋਏ। ਇਸ ਮੋਕੇ ਤੇ ਜਿਲ੍ਹਾ ਚੋਣ ਅਫਸਰ ਪਠਾਨਕੋਟ ਨੇ ਸਰਾਬ ਦਾ ਠੇਕਾ ਚੁੱਕਣ ਵਾਲੇ ਵੱਖ ਵੱਖ ਠੇਕੇਦਾਰਾਂ ਨੂੰ ਆਦੇਸ ਜਾਰੀ ਕਰਦਿਆਂ ਕਿਹਾ ਕਿ ਚੋਣਾਂ ਦੇ ਦੋਰਾਨ ਮਾਨਯੋਗ ਚੋਣ ਕਮਿਸਨਰ ਵੱਲੋਂ ਜਾਰੀ ਕੀਤੀਆਂ ਹਦਾਇਤਾਂ ਦੀ ਇੰਨ ਬਿੰਨ ਪਾਲਣਾ ਕਰਨਾ ਯਕੀਨੀ ਬਣਾਇਆ ਜਾਵੈ।
ਉਨ੍ਹਾਂ ਕਿਹਾ ਕਿ ਐਕਸਾਈਜ ਪਾਲਿਸੀ ਅਧੀਨ ਜਿਸ ਖੇਤਰ ਦਾ ਉਨ੍ਹਾਂ ਨੂੰ ਠੇਕਾ ਦਿੱਤਾ ਗਿਆ ਹੈ ਉਸ ਖੇਤਰ ਅੰਦਰ ਹੀ ਅਪਣਾ ਬਿਜਨੈਸ ਕੀਤਾ ਜਾਵੇ ਅਤੇ ਅਗਰ ਕਿਸੇ ਤਰ੍ਹਾਂ ਦੇ ਸਰਾਰਤੀ ਤੱਤਾਂ ਵੱਲੋਂ ਉਨ੍ਹਾਂ ਕੋਲੋ ਸਰਾਬ ਦੇ ਬਲਕ ਦੀ ਡਿਮਾਂਡ ਆਉਂਦੀ ਹੈ ਤਾਂ ਇਸ ਦੀ ਸੂਚਨਾਂ ਜਿਲ੍ਹਾ ਪ੍ਰਸਾਸਨ ਨੂੰ ਦਿੱਤੀ ਜਾਵੇ ਅਤੇ ਨਿਯਮਾਂ ਦੀ ਪਾਲਣਾ ਕਰਦਿਆਂ ਅਪਣਾ ਕਾਰੋਬਾਰ ਕੀਤਾ ਜਾਵੈ।