ਸਿੱਖਿਆ ਸ਼ਾਸਤਰੀ, ਲੇਖਿਕਾ ਅਤੇ ਅਭਿਨੇਤਰੀ ਡਾ. ਸਵਰੂਪ ਸੰਪਤ ਰਾਵਲ ਨੇ ਆਪਣੀ ਕਿਤਾਬ ‘‘ਪਲੇਅ ਪ੍ਰੈਕਟਿਸ ਪਰਸਿਉ” ਕੀਤੀ ਰਿਲੀਜ਼

ਆਰਟੀਫ਼ਿਸ਼ਿਅਲ ਇੰਟੇਲੀਜੈਂਸ (ਮਸਨੂਈ ਗਿਆਨ) ਦੇ ਯੁੱਗ ਵਿੱਚ ਸਿੱਖਿਆ ਤੇ ਪੁਨਰ ਵਿਚਾਰ: ਯੂਰਪੀਅਨ ਯੂਨੀਅਨ ਦੇ ਸਹਿਯੋਗ ਨਾਲ ਚਿਤਕਾਰਾ ਯੂਨੀਵਰਸਿਟੀ ਵਿਖੇ ਦੋ ਦਿਨਾ ਅੰਤਰ-ਰਾਸ਼ਟਰੀ ਕਾਨਫਰੰਸ ਦਾ ਆਯੋਜਨ

5 Dariya News

ਬਨੂਡ਼/ਰਾਜਪੁਰਾ 24-Nov-2023

ਚਿਤਕਾਰਾ ਯੂਨੀਵਰਸਿਟੀ ਨੇ ਯੂਰਪੀਅਨ ਯੂਨੀਅਨ ਦੇ ਸਹਿਯੋਗ ‘‘ਆਰਟੀਫ਼ਿਸਿਅਲ ਇੰਟੇਲੀਜੈਂਸੀ(ਮਸਨੂਈ ਗਿਆਨ) ਦੇ ਯੁੱਗ ਵਿੱਚ ਸਿੱਖਿਆ ਤੇ ਪੁਨਰ ਵਿਚਾਰ” ਵਿਸ਼ੇ ਤਹਿਤ ਦੋ ਰੋਜ਼ਾ ਅੰਤਰ-ਰਾਸ਼ਟਰੀ ਕਾਨਫਰੰਸ ਦੀ ਮੇਜ਼ਬਾਨੀ ਕੀਤੀ। ਐਜ਼ੂਰਿਫ਼ਾਰਮ ਕਪੈਸਟੀ ਬਿਲਡਿੰਗ ਪ੍ਰਾਜੈਕਟ ਅਧੀਨ ਇਹ ਕਾਨਫਰੰਸ ਆਯੋਜਿਤ ਕੀਤੀ ਗਈ, ਜਿਸ ਨੂੰ ਯੂਰਪੀਅਨ ਯੂਨੀਅਨ ਦੇ ਇਰਾਸਮਸ ਪ੍ਰੋਗਰਾਮ ਦੁਆਰਾ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਗਈ ਸੀ।

ਪ੍ਰਮੁੱਖ ਭਾਰਤੀ ਅਤੇ ਯੂਰਪੀ ਯੂਨੀਵਰਸਿਟੀਆਂ ਦੇ ਨੁਮਾਇੰਦਿਆਂ ਅਤੇ ਦੋਵਾਂ ਖੇਤਰਾਂ ਦੇ ਨੀਤੀ ਨਿਰਮਾਤਾਵਾਂ ਨੇ ਕਾਨਫਰੰਸ ਵਿੱਚ ਭਾਗ ਲਿਆ। ਉਨ੍ਹਾਂ ਨੇ ਅੱਗੇ ਵੱਧਦੀ ਹੋਈ ਟਰਕਾਲਾਜੀ ਦੀ ਪ੍ਰਤੀਕਿਰਿਆ ਵਿੱਚ ਸਮਾਜਿਕ ਹੁਨਰ ਨੂੰ ਨਵਾਂ ਆਕਾਰ ਦੇਣ ਵਿੱਚ ਸਿੱਖਿਆ ਅਤੇ ਅੰਤਰਰਾਸ਼ਟਰੀ ਸਹਿਯੋਗ ਦੀ ਮਹੱਤਵਪੂਰਨ ਭੂਮਿਕਾ ’ਤੇ ਡੂੰਘੀ ਚਰਚਾ ਕੀਤੀ। ਇਸ ਪ੍ਰੋਜੈਕਟ ਦਾ ਉਦੇਸ਼ ਨਵੀਆਂ ਤਕਨੀਕਾਂ ਦੇ ਸਮਾਜਿਕ-ਆਰਥਿਕ ਪ੍ਰਭਾਵਾਂ ਬਾਰੇ ਜਾਗਰੂਕਤਾ ਵਧਾਉਣਾ, ਅਧਿਐਨ ਪ੍ਰੋਗਰਾਮਾਂ, ਅਤੇ ਕਿੱਤਾਮੁਖੀ ਸਿਖਲਾਈ ਵਿੱਚ ਅਨੁਕੂਲ ਸੁਧਾਰ, ਸੇਵਾਮੁਕਤ ਅਤੇ ਸੇਵਾ ਨਿਭਾ ਰਹੇ ਅਧਿਆਪਕਾਂ ਨੂੰ ਜੋਡ਼ਨਾ ਸੀ।

ਕਾਨਫਰੰਸ ਵਿੱਚ ਕਈਂ ਸੰਸਥਾਵਾਂ ਨੇ ਭਾਗ ਲਿਆ, ਜਿਨ੍ਹਾਂ ਵਿੱਚ ਯੂਨੀਸਨ ਇੰਟਰਨੈਸ਼ਨਲ ਸਕੂਲ, ਚਿਤਕਾਰਾ ਇੰਟਰਨੈਸ਼ਨਲ ਸਕੂਲ, ਚਿਤਕਾਰਾ ਯੂਨੀਵਰਸਿਟੀ, ਚਿਤਕਾਰਾ ਕਾਲਜ ਆਫ਼ ਫਾਰਮੇਸੀ, ਹੋਲੀ ਏਂਜਲਸ ਸਕੂਲ, ਚੰਡੀਗਡ਼੍ਹ ਬੈਪਟਿਸਟ ਸਕੂਲ, ਆਧਾਰਸ਼ਿਲਾ ਫਾਊਂਡੇਸ਼ਨ ਇੰਟਰਨੈਸ਼ਨਲ ਸਕੂਲ, ਮੁਕਤ ਟਰੱਸਟ ਇੰਟਰਨੈਸ਼ਨਲ ਸਕੂਲ, ਸ੍ਰੀ ਗੁਰੂ ਤੇਗ ਬਹਾਦਰ ਪਬਲਿਕ ਸਕੂਲ, ਕੈਂਬਰਿਜ ਇਨੋਵੇਟਿਵ ਸਕੂਲ, ਏਂਜਲਸ ਵੈਲੀ ਸਕੂਲ, ਸਿੰਘਡ਼ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ, ਐਸਪੀਪੀਯੂ, ਭੁਸਾਵਲ ਆਰਟਸ ਸਾਇੰਸ ਕਾਲਜ, ਦ ਮਿਲੇਨੀਅਮ ਸਕੂਲ, ਫਰੀਲਾਂਸ ਮੈਨੇਜਮੈਂਟ ਕੰਸਲਟੈਂਟ ਅਤੇ ਵਿਜ਼ਿਟਿੰਗ ਫੈਕਲਟੀ, ਅਤੇ ਪੰਜਾਬ ਯੂਨੀਵਰਸਿਟੀ ਸ਼ਾਮਿਲ ਸਨ। 

ਇਸ ਮੌਕੇ ‘‘ਆਰਟੀਫ਼ਿਸਿਅਲ ਇੰਟੇਲੀਜੈਂਸੀ(ਮਸਨੂਈ ਗਿਆਨ) ਦੇ ਯੁੱਗ ਵਿੱਚ ਸਿੱਖਿਆ ਤੇ ਪੁਨਰ” ਇੱਕ ਪੋਸਟਰ ਮੇਕਿੰਗ ਮੁਕਾਬਲਾ ਵੀ ਕਰਵਾਇਆ ਗਿਆ ਜਿਸ ਵਿੱਚ ਵਿਦਿਆਰਥੀਆਂ ਨੇ ਵਿਸ਼ੇ ’ਤੇ ਆਪਣੀ ਰਚਨਾਤਮਕਤਾ ਦਾ ਪ੍ਰਦਰਸ਼ਨ ਕੀਤਾ। ਕਾਨਫ਼ਰੰਸ ਦੇ ਪਹਿਲੇ ਦਿਨ ਪਤਵੰਤੇ ਪ੍ਰੋ: ਡਾ: ਵਿਜੇ ਕੁਮਾਰ ਸ੍ਰੀਵਾਸਤਵ ਅਤੇ ਮੈਸੀਮਿਲੀਆਨੋ ਬਿਜੋਚੀ ਨੇ ਆਪਣੀ ਜਾਣਕਾਰੀ ਸਾਂਝੀ ਕੀਤੀ। ਪ੍ਰੋ: ਡਾ: ਅਰਚਨਾ ਮੰਤਰੀ ਅਤੇ ਪ੍ਰੋ: ਡਾ: ਸੰਗੀਤਾ ਪੰਤ ਨੇ ਵਿਚਾਰ ਪੇਸ਼ ਕੀਤੇ ਅਤੇ ਪ੍ਰਤੀਨਿਧੀਆਂ ਨਾਲ ਇਸ ਵਿਸ਼ੇ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ। ਸੂਜੇ ਦਿਨ ਭਾਰਤ ਅਤੇ ਯੂਰਪ ਦੇ ਵਿਦਵਾਨਾਂ ਨੇ ਖੋਜ ਪੱਤਰਾਂ ਦੀ ਪੇਸ਼ਕਾਰੀ ਕੀਤੀ। 

ਇਸ ਸੈਮੀਨਾਰ ਵਿੱਚ ਵਿਸ਼ੇਸ ਮਹਿਮਾਨ ਵਜੋਂ ਡਾ: ਸਵਰੂਪ ਸੰਪਤ ਰਾਵਲ ਨੇ ਸ਼ਮੂਲੀਅਤ ਕੀਤੀ। ਗਲੈਮਰ ਦੀ ਦੁਨੀਆਂ ਤੋਂ ਲੈ ਕੇ ਸਿੱਖਿਆ ਦੇ ਖੇਤਰ ਵਿੱਚ ਮੋਹਰੀ ਭੂਮਿਕਾ ਨਿਭਾਉਣ ਲਈ ਡਾ ਰਾਵਲ ਜਾਣੀ ਜਾਂਦੀ ਹੈ। ਇਸ ਮੌਕੇ ਡਾ ਸਵਰੂਪ ਸੰਪਤ ਰਾਵਲ ਦੀ ਨਵੀਂ ਪੁਸਤਕ ‘‘ਪਲੇਅ ਪ੍ਰੈਕਟਿਸ ਪਰਸਿਉ” ਦਾ ਲੋਕ ਅਰਪਣ ਕੀਤਾ ਗਿਆ। ਪੁਸਤਕ ਸਬੰਧੀ ਚਰਚਾ ਵੀ ਹੋਈ। ਡਾ ਸੰਪਤ ਨੂੰ 1979 ਵਿੱਚ ਫੈਮਿਨਾ ਮਿਸ ਇੰਡੀਆ ਯੂਨੀਵਰਸ ਦੇ ਤਾਜ ਨਾਲ ਨਿਵਾਜਿਆ ਗਿਆ ਸੀ। 

ਇੱਕ ਸਫਲ ਅਦਾਕਾਰੀ ਕੈਰੀਅਰ ਤੋਂ ਬਾਅਦ ਉਨ੍ਹਾਂ ਨੇ ਸਿੱਖਿਆ ਦੇ ਖੇਤਰ ਵਿੱਚ ਕਦਮ ਰੱਖਿਆ। 2019 ਵਿੱਚ ਗਲੋਬਲ ਅਧਿਆਪਕ ਸਨਮਾਨ ਲਈ ਉਹ ਦਸ ਪਹਿਲੇ ਅਧਿਆਪਕਾਂ ਵਿੱਚ ਸ਼ੁਮਾਰ ਸਨ। ਉਨ੍ਹਾਂ ਨੇ ਰਾਸ਼ਟਰੀ ਸਿੱਖਿਆ ਨੀਤੀ 2020 ਨੂੰ ਆਕਾਰ ਦੇਣ ਲਈ ਸਰਗਰਮੀ ਨਾਲ ਯੋਗਦਾਨ ਪਾਇਆ। ਚੌਥੀ ਉਦਯੋਗਿਕ ਕ੍ਰਾਂਤੀ ਦੇ ਭਵਿੱਖ ਵਿੱਚ ਪੈਣ ਵਾਲੇ ਪ੍ਰਭਾਵ ਵਿਸ਼ੇ ਉੱਤੇ ਚਿੰਤਨਸ਼ੀਲ ਸੰਬੋਧਨ ਅਤੇ ਮਾਤਰ ਸਮਰੱਥਾ ਨਿਰਮਾਣ ਹੀ ਨਹੀਂ ਬਲਕਿ ਸਯੁੰਕਤ ਖੋਜ ਅਤੇ ਜਾਗਰੂਕਤਾ ਗਤੀਵਿਧੀਆਂ ਦੇ ਦਾਇਰੇ ਵਿੱਚ ਪਰਿਵਰਤਨ ਵਿਸ਼ੇ ਉੱਤੇ ਚਿੰਤਨ ਨੇ ਨਾਲ ਸੈਮੀਨਾਰ ਦੀ ਸਮਾਪਤੀ ਹੋਈ।

ਇਸ ਮੌਕੇ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰੋ-ਚਾਂਸਲਰ ਡਾ. ਮਧੂ ਚਿਤਕਾਰਾ ਨੇ ਕਿਹਾ, ‘‘ਨਿਰਮਾਣ ਅਤੇ ਸੇਵਾ ਖੇਤਰਾਂ ਵਿੱਚ ਮਸਨੂਈ ਗਿਆਨ ਅਤੇ ਰੋਬੋਟਿਕਸ ਦੀ ਆਮਦ ਨਾਲ ਸਮੁੱਚੇ ਬਾਜ਼ਾਰਾਂ ਵਿੱਚ ਹੁਨਰਾਂ ਨੂੰ ਬਦਲਣ ਦੀ ਉਮੀਦ ਕੀਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਸਿੱਖਿਆ ਖੇਤਰ ਨੂੰ ਇਸ ਤਕਨੀਕੀ ਪਰਿਵਰਤਨ ਦੁਆਰਾ ਭਾਰਤ ਸਰਕਾਰ ਦੇ ਸਮਰਥਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਣੀ ਚਾਹੀਦੀ ਹੈ।

ਕਾਨਫਰੰਸ ਵਿੱਚ ਇੰਡੀਅਨ-ਯੂਰਪੀਅਨ ਅਲਾਇੰਸ ਫਾਰ ਐਜੂਕੇਸ਼ਨ ਦੀ ਅਧਿਕਾਰਿਤ ਸ਼ੁਰੂਆਤ ਵੀ ਹੋਈ, ਜਿਸ ਨਾਲ ਅੰਤਰਰਾਸ਼ਟਰੀ ਸਮੂਹ ਲਈ ਸਾਂਝਾ ਪਲੇਟਫਾਰਮ ਬਣਾਇਆ ਗਿਆ, ਤਾਂ ਕਿ ਇੱਕ ਅਜਿਹੀ ਪਹਿਲ ਵਿਕਸਿਤ ਕੀਤੀ ਜਾ ਸਕੇ ਜੋ ਉੱਚ ਸਿੱਖਿਆ ਦੇ ਸਮਾਜਿਕ ਅਤੇ ਵਿਕਾਸ ਪ੍ਰਭਾਵ ਵਿੱਚ ਵਾਧਾ ਕਰੇ।