ਸਵਰਾਜ਼ ਇੰਨਕਲੇਵ ਵੂਮੈਨ ਵੈਲਫੇਅਰ ਸੁਸਾਇਟੀ ਨੇ ਤੀਜ ਦਾ ਤਿਊਹਾਰ ਮਨਾਇਆ

ਤੀਆਂ ਪੰਜਾਬੀ ਸੱਭਿਆਚਾਰ ਦਾ ਅਨਿਖੜਵਾਂ ਅੰਗ : ਪ੍ਰਧਾਨ ਬੀਬੀ ਲੌਂਗੀਆ

5 Dariya News

ਖਰੜ 31-Jul-2023

ਸਵਰਾਜ਼ ਇੰਨਕਲੇਵ ਵੂਮੈਨ ਵੈਲਫੇਅਰ ਸੁਸਾਇਟੀ ਵੱਲੋਂ ਸਵਰਾਜ ਇੰਨਕਲੇਵ ਨਿੱਝਰ-ਛੱਜੂਮਾਜਰਾ ਕਲੋਨੀ ਵਿੱਚ ਤੀਜ ਦਾ ਤਿਊਹਾਰ ਧੂਮ ਧਾਮ ਨਾਲ ਮਨਾਇਆ ਗਿਆ।ਇਸ ਮੌਕੇ ਨਗਰ ਕੌਂਸਲ ਪ੍ਰਧਾਨ ਬੀਬੀ ਜਸਪ੍ਰੀਤ ਕੌਰ ਲੌਂਗੀਆ ਮੁੱਖ ਮਹਿਮਾਨ ਦੇ ਤੌਰ ਤੇ ਪਹੂੰਚੇ ਜਿਨਾਂ ਦਾ ਸੁਸਾਇਟੀ ਦੀ ਪ੍ਰਧਾਨ ਸੁਨੀਤਾ ਸ਼ਰਮਾਂ, ਕੈਸ਼ੀਅਰ ਬਲਜੀਤ ਕੌਰ ਅਤੇ ਹੋਰਨਾਂ ਆਹੂਦੇਦਾਰਾਂ ਵੱਲੋਂ ਸਿਰੋਪਾਓ ਪਾ ਕੇ ਸਨਮਾਨ ਕੀਤਾ ਗਿਆ। 

ਵੂਮੈਨ ਸੁਸਾਇਟੀ ਕੋਰ ਕਮੇਟੀ ਵੱਲੋਂ ਸਵਰਾਜ ਇੰਨਕਲੇਵ ਕਲੋਨੀ ਦੀਆਂ ਅੰਦਰੂਨੀ ਸੜਕਾਂ ਤੇ ਪ੍ਰੀਮਿਕਸ, ਬਰਮਾ ਤੇ ਇੰਟਰਲਾਕਿੰਗ ਟਾਈਲਾਂ, ਬਰਸਾਤੀ ਪਾਣੀ ਦੀ ਨਿਕਾਸੀ ਲਈ ਸਟੌਰਮ ਵਾਟਰ ਪਾਈਪ, ਪੀਣ ਵਾਲੇ ਪਾਣੀ ਦੀ ਘੱਟ ਪ੍ਰੇਸ਼ਰ ਦੀ ਸਮੱਸਿਆ ਦੂਰ ਕਰਨ ਲਈ ਓਵਰ ਹੈੱਡ ਟੈਂਕੀ ਜਾਂ ਅੰਡਰ ਗਰਾਂਊਂਡ ਟੈਂਕ ਬਣਾ ਕੇ ਬੂਸਟਰ ਲਗਾਊਣ ਆਦਿ ਰਹਿੰਦੇ ਵਿਕਾਸ ਕੰਮਾਂ ਦੇ ਨਾਲ ਨਾਲ ਨਿੱਝਰ-ਛੱਜੂ ਮਾਜਰਾ ਸੜਕ ਦੀ ਮੂਰੰਮਤ ਅਤੇ ਸੜਕ ਕਿਨਾਰੇ ਤੋਂ ਨਜਾਇਜ ਕਬਜੇ ਹਟਾਊਣ , ਮਨਸਾ ਦੇਵੀ ਮੰਦਿਰ ਅਤੇ ਗੁਰਦੁਆਰਾ ਸਾਹਿਬ ਕੋਲ ਖੜਦੇ ਸੀਵਰੇਜ ਪਾਣੀ ਦਾ ਨਿਕਾਸੀ ਪ੍ਰਬੰਧ ਕਰਵਾਊਣ ਸਬੰਧੀ ਮੰਗ ਪੱਤਰ ਸੌਂਪਿਆ ਗਿਆ। 

ਇਸ ਮੌਕੇ ਕੌਂਸਲ ਪ੍ਰਧਾਨ ਬੀਬੀ ਲੌਂਗੀਆ ਨੇ ਆਖਿਆ ਕਿ ਮਹਿਲਾਵਾਂ ਵੱਲੋਂ ਆਪਣਾ ਤੀਜ ਤਿਊਹਾਰ ਮਨਾਊਣ ਦਾ ਕੀਤਾ ਉਪਰਾਲਾ ਸੰਲਾਘਾਯੋਗ ਹੈ। ਤੀਆਂ ਪੰਜਾਬੀ ਸੱਭਿਆਚਾਰ ਦਾ ਅਨਿਖੜਵਾਂ ਅੰਗ ਹੈ ਸਾਨੂੰ ਸਾਰਿਆਂ ਨੂੰ ਇਹ ਤਿਊਹਾਰ ਰਲ ਮਿੱਲ ਕੇ ਮਨਾਊਣਾ ਚਾਹੀਦਾ ਹੈ ਤਾਂ ਜੋ ਸਾਡੀ ਆਊਣ ਵਾਲੀ ਪੀੜੀ ਵੀ ਪੰਜਾਬੀ ਸੱਭਿਆਚਾਰ ਨਾਲ ਜੁੜ ਸਕੇ। 

ਉਨਾਂ ਭਰੋਸਾ ਦਿੱਤਾ ਕਿ ਸੁਸਾਇਟੀ ਦੇ ਹੋਣ ਵਾਲੇ ਕੰਮ ਪਹਿਲ ਦੇ ਅਧਾਰ ਤੇ ਕਰਵਾਏ ਜਾਣਗੇ।ਉਨਾਂ ਵਾਰਡ ਦੀ ਕੌਂਸਲਰ ਨੂੰ ਸਲਾਹ ਦਿੱਤੀ ਕਿ ਉਹ ਆਊਂਦੀ ਮੀਟਿੰਗ ਤੋਂ ਪਹਿਲਾਂ ਜੋ ਕੰਮ ਪਾਸ ਨਹੀ ਹੋਏ ਹਨ ਉਨਾਂ ਨੂੰ ਏਜੰਡੇ ਵਿੱਚ ਪਵਾਊਣ ।ਉਨਾਂ ਆਖਿਆ ਕਿ ਉਹ ਸਾਰਿਆਂ ਦੇ ਸਹਿਯੋਗ ਨਾਲ ਸ਼ਹਿਰ ਦੇ ਵਿਕਾਸ ਕੰਮ ਕਰਵਾਊਣ ਲਈ ਤੱਤਪਰ ਹਨ।

ਮਹਿਲਾਵਾਂ ਨੇ ਡੀਜੀ ਫਲੋਰ ਤੇ ਗਿੱਧਾ ਅਤੇ ਬੋਲੀਆਂ ਨਾਲ ਖੂਬ ਧਮਾਲ ਮਚਾਈ। ਸੁਸਾਇਟੀ ਮਹਿਲਾ ਪ੍ਰਧਾਨ ਬੀਬੀ ਸ਼ਰਮਾਂ ਵੱਲੋਂ ਪ੍ਰੋਗਰਾਮ ਦੀ ਸ਼ਾਨ ਵਧਾਊਣ ਅਤੇ ਖੁੱਦ ਲਈ ਕੀਤੇ ਉਪਰਾਲੇ ਲਈ ਸਾਰੀਆਂ ਮਹਿਲਾਵਾਂ ਦਾ ਧੰਨਵਾਦ ਕੀਤਾ ਗਿਆ।

ਸੁਸਾਇਟੀ ਮੈਂਬਰਾਂ ਨੇ ਖਾਣੇ ਦਾ ਆਨੰਦ ਮਾਣਿਆ। ਇਸ ਮੌਕੇ ਜਰਨਲ ਸੈਕਟਰੀ ਰਿੰਕੂ, ਮੀਤ ਪ੍ਰਧਾਨ ਕੁਸਮ ਰਾਣਾ, ਸਲਾਹਕਾਰ ਪਰਮਜੀਤ ਕੌਰ, ਮਮਤਾ ਪਠਾਣੀਆ, ਸਤਵਿੰਦਰ ਪੌਲ, ਕਵਿਤਾ, ਅੰਜੂ ਬਜਾਜ ਆਦਿ ਸਮੇਤ ਸੁਸਾਇਟੀ ਦੀਆਂ ਵੱਡੀ ਗਿਣਤੀ ਮਹਿਲਾ ਮੈਂਬਰ ਅਤੇ ਉਨਾਂ ਦਾ ਪਰਿਵਾਰ ਹਾਜਰ ਸੀ ।