ਡੇਂਗੂ ਅਤੇ ਮਲੇਰੀਆ ਦੀ ਅਵੇਰਨੈੱਸ ਕਰਨ ਸਬੰਧੀ ਸਿਹਤ ਵਿਭਾਗ ਦੀ ਟੀਮ ਵੱਲੋਂ ਕਾਰਜ ਨਿਰੰਤਰ ਜਾਰੀ

5 Dariya News

ਰੂਪਨਗਰ 28-Jul-2023

ਸਿਵਲ ਸਰਜਨ ਡਾ.ਪਰਮਿੰਦਰ ਕੁਮਾਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅਤੇ ਡਾ.ਪ੍ਰਭਲੀਨ ਕੌਰ ਅਤੇ ਡਾ.ਸੋਨਾਲੀ ਵੋਹਰਾ ਜਿਲ੍ਹਾ ਐਪੀਡੀਮੋਲੋਜਿਸਟ ਰੂਪਨਗਰ, ਦੀ ਅਗਵਾਈ ਅਧੀਨ ਰੂਪਨਗਰ ਵਿੱਚ ਡੇਂਗੂ ਅਤੇ ਮਲੇਰੀਆ ਦੀ ਅਵੇਰਨੈੱਸ ਕਰਨ ਸਬੰਧੀ ਸਿਹਤ ਵਿਭਾਗ ਦੀ ਟੀਮ ਵੱਲੋਂ ਰੂਪਨਗਰ ਸ਼ਹਿਰ ਵਿੱਚ ਹਰ ਸ਼ੁਕਰਵਾਰ ਡੇਂਗੂ ਤੇ ਵਾਰ ਮਨਾਇਆ ਗਿਆ। 

ਇਸ ਦੌਰਾਨ ਸਿਵਲ ਸਰਜਨ ਰੂਪਨਗਰ ਜੀ ਵੱਲੋਂ ਡੇਂਗੂ ਦੀਆਂ ਟੀਮਾਂ ਨੂੰ ਹਰੀ ਝੰਡੀ ਦੇ ਕੇ ਸ਼ਹਿਰ ਦੇ ਵੱਖ ਵੱਖ ਵਾਰਡਾਂ ਵਿੱਚ ਭੇਜਿਆ ਗਿਆ। ਇਸ ਦੌਰਾਨ ਟੀਮਾਂ ਦੁਆਰਾ ਡੀ.ਏ.ਵੀ ਸਕੂਲ, ਖਾਲਸਾ ਸਕੂਲ ਅਤੇ ਗਾਂਧੀ ਨਗਰ ਰੂਪਨਗਰ ਵਿਖੇ ਸਪਰੇਅ ਕੀਤੀ ਗਈ 415 ਘਰਾਂ ਦਾ ਸਰਵੇ ਕੀਤਾ ਅਤੇ 1235 ਕੰਟੇਨਰ ਚੈਕ ਕੀਤੇ ਗਏ ਜਿਸ ਦੌਰਾਨ ਕੰਟੇਨਰਾਂ 25 ਵਿੱਚ ਡੇਂਗੂ ਦਾ ਲਾਰਵਾ ਪਾਇਆ ਗਿਆ। 

ਜੋ ਕਿ ਮੌਕੇ ਤੇ ਹੀ ਨਸ਼ਟ ਕਰਵਾ ਦਿੱਤਾ ਗਿਆ। ਇਸ ਕਰਕੇ ਲੋਕਾਂ ਨੂੰ ਦੱਸਿਆ ਜਾਂਦਾ ਹੈ ਕਿ ਹਰ ਹਫਤੇ ਕੂਲਰਾਂ ,ਫਰਿਜਾਂ ਦੀਆ ਪਿਛਲੀਆ ਟ੍ਰੇਆਂ ਅਤੇ ਗਮਲਿਆਂ ਦਾ ਪਾਣੀ ਬਦਲਿਆ ਜਾਵੇ ਹਰ ਸ਼ੁਕਰਵਾਰ ਨੂੰ ਡੇਂਗੂ ਤੇ ਵਾਰ ਮਨਾਇਆ ਗਿਆ। 

ਟੁੱਟੇ ਬਰਤਨਾਂ ਡਰੰਮਾਂ ਅਤੇ ਟਾਇਰਾਂ ਨੂੰ ਖੁੱਲੇ ਵਿੱਚ ਨਾ ਰੱਖਿਆ ਜਾਵੇ ਖੜੇ ਪਾਣੀ ਵਿੱਚ ਕਾਲਾ ਤੇਲ ਪਾਇਆ ਜਾਵੇ ਤਾ ਜੋ ਮਲੇਰੀਏ ਦਾ ਲਾਰਵਾ ਪੈਦਾ ਨਾ ਹੋ ਸਕੇ। ਸਿਹਤ ਟੀਮ ਵਲੋਂ ਜਾਗਰੂਕ ਕੀਤਾ ਗਿਆ ਕਿ ਸਰੀਰ ਨੂੰ ਢੱਕ ਕੇ ਰੱਖੋ ਅਤੇ ਮੱਛਰਾਂ ਦੇ ਬਚਾਅ ਦਿਨ ਅਤੇ ਰਾਤ ਨੂੰ ਸੌਣ ਵੇਲੇ ਕਰੀਮਾਂ ਅਤੇ ਮੱਛਰਦਾਨੀ ਦੀ ਵਰਤੋਂ ਕਰੋ। ਡੇਂਗੂ ਬੁਖਾਰ ਦੇ ਬਚਾਓ ਸਬੰਧੀ ਪੋਸਟਰ ਤੇ ਪੇਫਲੇਟ ਵੰਡੇ ਗਏ।

ਇਸ ਮੌਕੇ ਸੇਵਾ ਦਾਸ ਏ.ਐਮ.ਓ., ਹੈਲਥ ਇੰਸਪੈਕਟਰ ਰਣਜੀਤ ਸਿੰਘ,ਲਖਵੀਰ ਸਿੰਘ  ਅਤੇ ਸੁਰਿੰਦਰ ਸਿੰਘ ,ਹਰਦੀਪ  ਸਿੰਘ, ਸੁਖਜਿੰਦਰ ਸਿੰਘ ਅਤੇ ਜਸਵੰਤ ਸਿੰਘ, ਤੇਜਿੰਦਰ ਸਿੰਘ (ਮ.ਪ.ਹ.ਵ)(ਮੇਲ) ਹਾਜ਼ਰ ਸਨ।