ਆਉਣ ਵਾਲੀ ਫਿਲਮ 'ਬੱਲੇ ਓ ਚਲਾਕ ਸੱਜਣਾ' ਦਾ ਨਵਾਂ ਟ੍ਰੈਕ "ਐਤਬਾਰ" ਰਿਲੀਜ਼ ਹੋਇਆ ਫਿਲਮ 4 ਅਗਸਤ 2023 ਨੂੰ ਰਿਲੀਜ਼ ਹੋਵੇਗੀ

5 Dariya News

ਚੰਡੀਗੜ੍ਹ 23-Jul-2023

ਫਿਲਮ 'ਬੱਲੇ ਓ ਚਲਾਕ ਸੱਜਣਾ' ਦੇ ਨਿਰਮਾਤਾਵਾਂ ਨੇ ਇਸ ਦਾ ਦੂਜਾ ਗੀਤ 'ਐਤਬਾਰ' ਰਿਲੀਜ਼ ਕੀਤਾ ਹੈ, ਜਿਸ ਵਿੱਚ ਪਿਆਰ ਦੇ ਰਿਸ਼ਤਿਆਂ ਦੇ ਤੱਤਾਂ ਨੂੰ ਦਰਸ਼ਾਇਆ ਗਿਆ ਹੈ। ਮੇਨਲੈਂਡ ਫਿਲਮਾਂ (ਕੈਨੇਡਾ) ਅਤੇ ਮੇਨਸਾਈਟ ਪਿਕਚਰਜ਼ (ਇੰਡੀਆ) ਨੇ ਫਿਲਮ ਪੇਸ਼ ਕੀਤੀ ਹੈ; ਪਰਮ ਸਿੱਧੂ, ਗੁਰੀ ਪੰਧੇਰ ਅਤੇ ਸੁੱਖੀ ਢਿੱਲੋਂ ਦੁਆਰਾ ਨਿਰਮਿਤ ਕੀਤੀ ਗਈ ਹੈ। 

ਗੀਤ ਰਾਹੀਂ ਵਿਆਹ ਦੇ ਬੰਧਨ ਦੀ ਭਾਵਨਾਤਮਕ ਪ੍ਰਫੁੱਲਤਾ ਨੂੰ ਦਰਸ਼ਾਇਆ ਗਿਆ ਹੈ, ਜੋ ਤੁਹਾਨੂੰ ਪਿਆਰ ਦੇ ਉਤਰਾਅ-ਚੜ੍ਹਾਅ ਦੀ ਇੱਕ ਸਫਰ ਤੇ ਲੈ ਜਾਵੇਗਾ, ਜੋ ਕਿ ਰਜ਼ਾ ਹੀਰ ਦੁਆਰਾ ਗਾਇਆ ਗਿਆ ਹੈ। ਇਸ ਤੋਂ ਇਲਾਵਾ, ਗੀਤ ਦਾ ਵੀਡੀਓ ਦਰਸ਼ਕਾਂ ਨੂੰ ਵਿਆਹ ਦੀ ਅਸਲੀਅਤ ਨਾਲ ਜਜ਼ਬਾਤੀ ਤੌਰ 'ਤੇ ਜੋੜਦਾ ਹੈ। ਗੀਤ ਦੇ ਬੋਲ ਕੁਲਦੀਪ ਕੰਡਿਆਰਾ ਨੇ ਲਿਖੇ ਹਨ ਅਤੇ ਮਿਊਜ਼ਿਕ ਡੇਵੀ ਸਿੰਘ ਨੇ ਦਿੱਤਾ ਹੈ। 

ਫਿਲਮ ਵਿੱਚ ਰਾਜ ਸਿੰਘ ਝਿੰਜਰ, ਵਿਕਰਮ ਚੌਹਾਨ, ਮੋਲੀਨਾ ਸੋਢੀ, ਹਰਸ਼ਜੋਤ ਕੌਰ, ਨਿਰਮਲ ਰਿਸ਼ੀ, ਮਹਾਬੀਰ ਭੁੱਲਰ, ਰੁਪਿੰਦਰ ਰੂਪੀ, ਪ੍ਰਕਾਸ਼ ਗਾਧੂ, ਰਾਜ ਧਾਲੀਵਾਲ, ਪਰਮਿੰਦਰ ਬਰਨਾਲਾ, ਅਮਨ ਸੁਤਧਰ, ਗੁਰਪ੍ਰੀਤ ਤੋਤੀ, ਦਿਲਰਾਜ ਉਦੈ, ਵਿਕਰਮ ਰਾਜ ਸਮੇਤ ਨਾਮਵਰ ਸਟਾਰ ਕਾਸਟ ਹਨ। ਫਿਲਮ ਨੂੰ ਭਾਰਤ ਭਰ ਵਿੱਚ ਓਮਜੀ ਸਟਾਰ ਸਟੂਡੀਓਜ਼ ਦੁਆਰਾ ਵੰਡਿਆ ਜਾਵੇਗਾ। ਫਿਲਮ "ਬੱਲੇ ਓ ਚਲਾਕ ਸੱਜਣਾ" 4 ਅਗਸਤ 2023 ਨੂੰ ਰਿਲੀਜ਼ ਹੋਵੇਗੀ।