ਦਿਲ ਥਾਮ ਕੇ ਬੈਠ ਜਾਓ ਕਿਉਂਕਿ ਜ਼ੀ ਪੰਜਾਬੀ, ਸੁਪਰ-ਡੁਪਰ ਹਿੱਟ ਫਿਲਮ "ਗੋਲਗੱਪੇ" ਪੇਸ਼ ਕਰਨ ਜਾ ਰਿਹਾ ਹੈ

5 Dariya News

ਚੰਡੀਗੜ੍ਹ 28-Apr-2023

ਜ਼ੀ ਪੰਜਾਬੀ ਦਾ ਮੁੱਖ ਮਕਸਦ ਦਰਸ਼ਕਾਂ ਦਾ ਪੂਰੀ ਤਰ੍ਹਾਂ ਨਾਲ ਮਨੋਰੰਜਨ ਕਰਨਾ ਹੈ, ਇਸੇ ਮਕਸਦ ਨੂੰ ਪੂਰਾ ਕਰਨ ਜ਼ੀ ਪੰਜਾਬੀ, ਪੰਜਾਬੀ ਸਿਨੇਮਾ ਦੀ ਸੁਪਰਹਿੱਟ ਫਿਲਮ "ਗੋਲਗੱਪੇ" ਤੁਹਾਡੀਆਂ ਟੀਵੀ ਸਕਰੀਨਾਂ ਉੱਤੇ ਜਲਦ ਹੀ ਪੇਸ਼ ਕਰਨ ਜਾ ਰਿਹਾ ਹੈ।ਤਿਆਰ ਹੋ ਜਾਓ ਆਪਣੇ ਮਜ਼ੇ ਨੂੰ ਡਬਲ ਕਰਨ ਲਈ ਕਿਉਂਕਿ ਪੰਜਾਬੀ ਸਿਨੇਮਾ ਦੇ ਕਾਮੇਡੀ ਕਿੰਗ "ਬਿੰਨੂ ਢਿੱਲੋਂ, ਰਜਤ ਬੇਦੀ ਤੇ ਬੀ.ਐੱਨ. ਸ਼ਰਮਾ ਇੱਕੋਂ ਪਲਾਟ ਤੇ ਨਜ਼ਰ ਆਉਣਗੇ, ਇਹਨਾਂ ਦੇ ਨਾਲ ਨਵਨੀਤ ਢਿੱਲੋਂ ਤੇ ਇਹਾਨਾ ਢਿੱਲੋਂ ਮੁੱਖ ਭੂਮਿਕਾ ਵਿੱਚ ਦਿਖਾਈ ਦੇਣਗੇ। 

ਫਿਲਮ ਸਮੀਪ ਕੰਗ ਦੁਆਰਾ ਨਿਰਦੇਸ਼ਿਤ, ਸਰਬਜੀਤ ਸਿੰਘ ਦੁਆਰਾ ਲਿਖੀ ਗਈ ਹੈ। ਫਿਲਮ ਦੀ ਕਹਾਣੀ ਹਾਸੇ-ਮਜ਼ਾਕ, ਕਾਮੇਡੀ ਤੇ ਰੋਮਾਂਸ ਨਾਲ ਭਰਪੂਰ ਹੈ, ਜਿੱਥੇ ਤਿੰਨ ਦੋਸਤ ਜੱਗੀ, ਪਾਲੀ ਅਤੇ ਨੱਥੂਰਾਮ ਫਾਸਟ ਫੂਡ ਦੀ ਦੁਕਾਨ ਚਲਾਉਂਦੇ ਹਨ।ਇਹਨਾਂ ਦੀ ਕਹਾਣੀ ਕਿਵੇਂ ਤੇ ਕਿੱਥੇ ਬਦਲਦੀ ਹੈ, ਇਹ ਫਿਲਮ ਦੇਖਣ ਤੋਂ ਬਾਅਦ ਪਤਾ ਲੱਗੇਗੀ। ਖੈਰ! ਇਹ ਹੀ ਹੈ ਜੋ ਹਾਸੇ ਦੇ ਗੈਗਸ ਤੁਹਾਡੇ ਟੈਲੀਵਿਜ਼ਨ ਸਕ੍ਰੀਨਾਂ 'ਤੇ ਜਲਦੀ ਹੀ ਇਸ ਵਰਲਡ ਟੈਲੀਵਿਜ਼ਨ ਪ੍ਰੀਮੀਅਰ ਦੇ ਨਾਲ ਤੁਹਾਡੇ ਲਈ ਇੱਕ ਅਨੰਦਦਾਇਕ ਵੀਕਐਂਡ ਲਿਆਉਣ ਵਾਲੇ ਹਨ।