ਦੂਜੇ ਹਫ਼ਤੇ ਵੀ ਫਿਲਮ "ਏਸ ਜਹਾਨੋਂ ਦੂਰ ਕਿਤੇ-ਚੱਲ ਜਿੰਦੀਏ" ਨੂੰ ਮਿਲ ਰਿਹਾ ਭਰਵਾਂ ਹੁੰਗਾਰਾ

5 Dariya News

ਚੰਡੀਗੜ੍ਹ 15-Apr-2023

ਫਿਲਮ "ਏਸ ਜਹਾਨੋਂ ਦੂਰ ਕਿਤੇ-ਚੱਲ ਜਿੰਦੀਏ" ਦਾ ਵੱਖਰਾ ਟੌਪਿਕ ਹੀ ਫਿਲਮ ਨੂੰ ਹੋਰ ਖਾਸ ਬਣਾਉਂਦਾ ਹੈ ਅਤੇ ਫਿਲਮ ਦੀ ਕਹਾਣੀ ਦਰਸ਼ਕਾਂ ਨੂੰ ਪੂਰੀ ਤਰ੍ਹਾਂ ਪ੍ਰਭਾਵਿਤ ਕਰ ਰਹੀ ਹੈ। ਫਿਲਮ ਵਿੱਚ ਬਹੁਤ ਸਾਰੇ ਡਾਈਲੌਗਸ ਨੇ ਜੋ ਦਰਸ਼ਕਾਂ ਨੂੰ ਬੇਹੱਦ ਪਸੰਦ ਆ ਰਹੇ ਹਨ। ਫਿਲਮ ਦੇ ਡਾਈਲੌਗਸ ਰਾਈਟਿੰਗ ਤੋਂ ਇਲਾਵਾ ਫਿਲਮ ਦਾ ਬੈਕਗਰਾਉਂਡ ਮਿਊਜ਼ਿਕ ਵੀ ਫਿਲਮ ਨੂੰ ਹੋਰ ਖਾਸ ਬਣਾਉਂਦਾ ਹੈ।

ਘੈਂਟ ਬੁਆਏਜ਼ ਐਂਟਰਟੇਨਮੈਂਟ ਅਤੇ ਨੀਰੂ ਬਾਜਵਾ ਐਂਟਰਟੇਨਮੈਂਟ ਦੁਆਰਾ ਪੇਸ਼ ਫਿਲਮ "ਏਸ ਜਹਾਨੋਂ ਦੂਰ ਕਿਤੇ-ਚੱਲ ਜਿੰਦੀਏ" ਕੁਲਵਿੰਦਰ ਬਿੱਲਾ, ਨੀਰੂ ਬਾਜਵਾ, ਗੁਰਪ੍ਰੀਤ ਘੁੱਗੀ, ਜੱਸ ਬਾਜਵਾ, ਅਦਿਤੀ ਸ਼ਰਮਾ ਤੇ ਰੁਪਿੰਦਰ ਰੂਪੀ ਨੇ ਪੰਜਾਬੀ ਫਿਲਮਾਂ ਦੇ ਪਲਾਟ ਨੂੰ ਵਿਕਸਿਤ ਕਰਨ ਵਿੱਚ ਇੱਕ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।ਫਿਲਮ ਰਿਲੀਜ਼ ਹੁੰਦੇ ਸਾਰ ਸਾਰੇ ਸਿਨੇਮਾ ਘਰ ਹਾਊਸ ਫੁੱਲ ਚੱਲ ਰਹੇ ਹਨ ਜਿਸਦੇ ਨਾਲ ਅਸੀਂ ਦਰਸ਼ਕਾਂ ਦੀ ਫਿਲਮ ਨੂੰ ਦੇਖਣ ਦੀ ਉਤਸੁਕਤਾ ਦੇਖ ਸਕਦੇ ਹਾਂ। 

ਫਿਲਮ ਜਗਦੀਪ ਵੜਿੰਗ ਦੁਆਰਾ ਲਿਖੀ ਤੇ ਉਦੈ ਪ੍ਰਤਾਪ ਸਿੰਘ ਦੁਆਰਾ ਡਾਇਰੈਕਟ ਕੀਤੀ ਗਈ ਹੈ, ਜੋ ਦੇਸ਼ਾਂ-ਪ੍ਰਦੇਸਾਂ ਵਿੱਚ ਰਹਿੰਦੇ ਹਰ ਲੋਕਾਂ ਦੀਆਂ ਭਾਵਨਾਵਾਂ ਤੇ ਆਪਣੇ ਪਿੰਡ ਆਉਣ ਦੀ ਇੱਛਾਂ ਨੂੰ ਦਰਸਾਉਂਦੀ ਹੈ। ਫਿਲਮ ਹੈਰੀ ਕਾਹਲੋਂ, ਕੁਲਵਿੰਦਰ ਬਿੱਲਾ, ਅਤੇ ਸੰਤੋਸ਼ ਸੁਭਾਸ਼ ਥੀਟੇ ਨਿਰਮਿਤ ਕੀਤੀ ਗਈ ਹੈ।ਤਾਰੀਫ਼ ਇੱਥੇ ਹੀ ਖ਼ਤਮ ਨਹੀਂ ਹੁੰਦੀ; ਦਰਸ਼ਕ ਚਾਹੇ ਉਹ ਪੰਜਾਬ ਦੇ ਵਸਨੀਕ ਹੋਣ ਜਾਂ ਪ੍ਰਦੇਸਾਂ ਵਿੱਚ ਵੱਸ ਰਹੇ ਹਨ, ਹਰ ਕੋਈ ਇਸ ਫਿਲਮ ਨੂੰ ਇੰਨਾ ਜਿਆਦਾ ਪਸੰਦ ਕਰ ਰਹੇ ਹਨ ਕਿ ਇਸਨੂੰ ਇੱਕ "ਮਾਸਟਰਪੀਸ," "ਸ਼ਾਨਦਾਰ ਨਿਰਦੇਸ਼ਨ" ਜਾਂ "ਦਿਲ ਨੂੰ ਛੂਹਣ ਵਾਲੀ ਸਿਨੇਮੈਟਿਕ ਪ੍ਰਦਰਸ਼ਨ" ਵਜੋਂ ਦਰਸਾਉਂਦੇ ਹਨ। 

ਫਿਲਮ ਦੀ ਕਹਾਣੀ ਇੰਨੀ ਜਿਆਦਾ ਭਾਵਨਾਤਮਕ ਹੈ ਕਿ ਇਸਨੇ ਦਰਸ਼ਕਾਂ ਨੂੰ ਸੀਟਾਂ ਨਾਲ ਜੋੜ ਕੇ ਰੱਖਣ ਤੇ ਮਜ਼ਬੂਰ ਕਰ ਦਿੱਤਾ ਸੀ।ਫ਼ਿਲਮ ਦੇ ਨਿਰਦੇਸ਼ਨ, ਬੈਕਗ੍ਰਾਊਂਡ ਸੰਗੀਤ, ਗੀਤ ਜਾਂ ਡਾਇਲੌਗ ਦੇ ਨਾਲ-ਨਾਲ ਇਸ ਵਿੱਚ ਦਰਸਾਉਂਦੀਆਂ ਪੰਜ ਜ਼ਿੰਦਗੀਆਂ ਫਿਲਮ ਦੀ ਕਹਾਣੀ ਨੂੰ ਅਸਲ ਮੋੜ ਪ੍ਰਦਾਨ ਕਰਦੀਆਂ ਹਨ। ਦਰਸ਼ਕ ਫਿਲਮ ਦੇ ਛੋਟੇ ਤੋਂ ਛੋਟੇ ਹਿੱਸੇ ਵਿੱਚ ਵੀ ਦਿਖਾਈਆਂ ਗਈਆਂ ਪਾਤਰਾਂ ਦੀਆਂ ਅੰਦਰੂਨੀ ਭਾਵਨਾਵਾਂ ਦੀ ਕਦਰ ਕਰ ਰਹੇ ਹਨ। 

ਇਹ ਫਿਲਮ ਦੁਨੀਆ ਅਤੇ ਇਸ ਸਮਾਜ ਦੀ ਅਸਲ ਸਚਾਈ ਦੇ ਨਾਲ ਜਾਣੂ ਵੀ ਕਰਵਾਉਂਦੀ ਹੈ। ਫ਼ਿਲਮ ਦਾ ਸੰਗੀਤ ਵਿਹਲੀ ਜਨਤਾ ਰਿਕਾਰਡਜ਼ ਦੇ ਲੇਬਲ ਹੇਠ ਪੇਸ਼ ਕੀਤਾ ਗਿਆ ਹੈ ਅਤੇ ਫ਼ਿਲਮ ਦਾ ਬੈਕਗ੍ਰਾਊਂਡ ਸਕੋਰ ਰਾਜੂ ਸਿੰਘ ਨੇ ਦਿੱਤਾ ਹੈ। ਫਿਲਮ ਨੂੰ ਓਮਜੀ ਸਟਾਰ ਸਟੂਡੀਓਜ਼ ਦੁਆਰਾ ਵਿਸ਼ਵ ਭਰ ਵਿੱਚ ਡਿਸਟ੍ਰਿਬਿਊਟ ਕੀਤਾ ਗਿਆ ਹੈ।