ਜ਼ੀ ਪੰਜਾਬੀ ਦਾ ਵਰਲਡ ਟੈਲੀਵਿਜ਼ਨ ਪ੍ਰੀਮਿਅਰ ਗਿੱਪੀ ਗਰੇਵਾਲ, ਜੈਸਮੀਨ ਭਸੀਨ ਦੀ ਹਿੱਟ ਫਿਲਮ "ਹਨੀਮੂਨ" 16 ਅਪ੍ਰੈਲ ਦੁਪਹਿਰ 1 ਵਜੇ ਹੋਵੇਗੀ ਪ੍ਰਸਾਰਿਤ

5 Dariya News

ਚੰਡੀਗੜ੍ਹ 05-Apr-2023

ਜ਼ੀ ਪੰਜਾਬੀ ਦੇ ਵਰਲਡ ਟੈਲੀਵਿਜ਼ਨ ਪ੍ਰੀਮਿਅਰ ਮਨੋਰੰਜਕ ਫ਼ਿਲਮਾਂ ਦੇ ਪਿਟਾਰੇ ਵਿੱਚ ਗਿੱਪੀ ਗਰੇਵਾਲ ਅਤੇ ਜੈਸਮੀਨ ਭਸੀਨ ਸਟਾਰਰ ਫਿਲਮ "ਹਨੀਮੂਨ" ਜੁੜਨ ਜਾ ਰਹੀ ਹੈ ਜੋ 16 ਅਪ੍ਰੈਲ ਦੁਪਹਿਰ 1 ਵਜੇ ਤੁਹਾਡੀਆਂ ਟੀ.ਵੀ. ਸਕਰੀਨਾਂ ਉੱਤੇ ਪ੍ਰਸਾਰਿਤ ਹੋਵੇਗੀ। ਫਿਲਮ ਨਰੇਸ਼ ਕਥੂਰੀਆ ਦੁਆਰਾ ਲਿਖਿਤ ਅਤੇ ਅਮਰਪ੍ਰੀਤ ਛਾਬੜਾ ਦੁਆਰਾ ਡਾਇਰੈਕਟ ਕੀਤੀ ਗਈ ਹੈ।ਜ਼ੀ ਪੰਜਾਬੀ ਵਰਲਡ ਟੈਲੀਵਿਜ਼ਨ ਪ੍ਰੀਮਿਅਰ, ਕਾਮੇਡੀ-ਰੋਮਾਂਸ ਡਰਾਮੇ ਨਾਲ ਭਰਪੂਰ ਇਹ ਫਿਲਮ ਜਿਸ ਵਿੱਚ ਗਿੱਪੀ ਅਤੇ ਜੈਸਮੀਨ ਦੀ ਜੋੜੀ ਇਸਨੂੰ ਹੋਰ ਵੀ ਖਾਸ ਬਣਾਵੇਗੀ। 

ਫਿਲਮ ਦੀ ਕਹਾਣੀ ਪਿਆਰ-ਮੁਹੱਬਤ ਤੇ ਪਰਿਵਾਰਿਕ ਰਿਸ਼ਤੇ ਦੀ ਅਹਿਮੀਅਤ ਨੂੰ ਦਰਸਾਉਂਦੀ ਹੈ, ਜਿੱਥੇ ਗਿੱਪੀ ਆਪਣੇ ਪਿਆਰ ਨੂੰ ਮਨਾ ਉਸਦੇ ਨਾਲ ਵਿਆਹ ਕਰਵਾਉਂਦਾ ਹੈ, ਵਿਆਹ ਤੋਂ ਬਾਅਦ ਉਹ ਆਪਣੀ ਪਤਨੀ ਨੂੰ ਵਿਦੇਸ਼ ਘੁਮਾਉਣ ਦਾ ਵਾਅਦਾ ਕਰਦਾ ਹੈ ਪਰ ਇਹਨਾਂ ਦੀ ਸਾਰੀ ਆਸ ਉਦੋਂ ਮੁੱਕ ਜਾਂਦੀ ਹੈ ਜਦੋਂ ਇਹਨਾਂ ਦੇ ਨਾਲ ਪੂਰਾ ਪਰਿਵਾਰ ਵੀ ਜਾਣ ਦੀ ਜਿੱਦ ਕਰਨ ਲੱਗ ਜਾਂਦਾ ਹੈ।ਅਦਾਕਾਰ ਗਿੱਪੀ ਗਰੇਵਾਲ ਨੇ ਉਤਸ਼ਾਹ ਸਾਂਝਾ ਕਰਦਿਆਂ ਕਿਹਾ, "ਫਿਲਮ ਮੇਰੇ ਦਿੱਲ ਦੇ ਬਹੁਤ ਕਰੀਬ ਹੈ ਇਸਦੀ ਕਹਾਣੀ ਨੇ ਮੈਨੂੰ ਬਹੁਤ ਪ੍ਰਭਾਵਿਤ ਕੀਤੀ ਕਿਉਂਕਿ ਅਸੀਂ ਆਪਣੀ ਖੁਸ਼ੀ ਦੇ ਲਈ ਆਪਣੇ ਪਰਿਵਾਰ ਨੂੰ ਭੁੱਲ ਜਾਂਦੇ ਹਾਂ। 

ਇਹ ਫਿਲਮ ਤੁਹਾਨੂੰ ਪਰਿਵਾਰ ਦੀ ਅਹਿਮੀਅਤ ਦੱਸੇਗੀ ਕਿ ਪਰਿਵਾਰ ਦੀ ਏਕਤਾ ਹੀ ਹਰ ਇੱਕ ਮੁਸੀਬਤ ਨੂੰ ਲੜਨ ਵਿੱਚ ਸਾਥ ਦੇਵੇਗੀ। ਮੈਂ ਉਮੀਦ ਕਰਦਾ ਹਾਂ ਕਿ ਦਰਸ਼ਕ ਮੇਰੀ ਫਿਲਮ ਨੂੰ ਟੀ.ਵੀ. ਉੱਤੇ ਦੇਖ ਸਕਾਰਤਮਕ ਫੀਡਬੈਕ ਦੇਣਗੇ।"ਅਦਾਕਾਰਾ ਜੈਸਮੀਨ ਭਸੀਨ ਦਾ ਕਹਿਣਾ ਹੈ, "ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਇਸ ਫਿਲਮ ਦੇ ਰਾਹੀਂ ਕੁਝ ਵੱਖਰਾ ਕਰਨ ਦਾ ਮੌਕਾ ਮਿਲਿਆ। ਫਿਲਮ ਦੀ ਕਹਾਣੀ ਬੇਹੱਦ ਦਿਲਚਸਪ ਹੈ ਜੋ ਕਾਮੇਡੀ ਮੋੜਾਂ ਦੇ ਨਾਲ ਦਰਸ਼ਕਾਂ ਦਾ ਦਿਲ ਛੂਹ ਲਵੇਗੀ। 

ਗਿੱਪੀ ਗਰੇਵਾਲ ਜੀ ਨਾਲ ਇਹ ਮੇਰਾ ਪਹਿਲਾ ਪ੍ਰਾਜੈਕਟ ਹੈ ਅਤੇ ਮੇਰਾ ਉਹਨਾਂ ਨਾਲ ਫਿਲਮ ਦੀ ਸ਼ੂਟਿੰਗ ਕਰਨ ਦਾ ਅਨੁਭਵ ਬਹੁਤ ਵਧੀਆ ਰਿਹਾ।"ਫਿਲਮ ਵਿਚਲੀ ਅਸਲੀ ਕਹਾਣੀ ਫਿਲਮ ਦੇਖਣ ਤੋਂ ਬਾਅਦ ਪਤਾ ਲਗੇਗੀ, ਇਸ ਲਈ ਜੇਕਰ ਤੁਸੀਂ ਇਹ ਪਿਆਰੀ ਤੇ ਕਾਮੇਡੀ  ਫਿਲਮ ਦੇਖਣ ਚਾਹੁੰਦੇ ਹੋ, ਦੇਖੋ 16 ਅਪ੍ਰੈਲ ਨੂੰ ਦੁਪਹਿਰ 1 ਵਜੇ ਸਿਰਫ ਜ਼ੀ ਪੰਜਾਬੀ ਤੇ।