ਕਿਵੇਂ ਲਵੇਗੀ ਅਵਨੀ ਆਪਣੀ ਮਾਂ ਦੇ ਮਾਰੇ ਗਏ ਥੱਪੜ ਦਾ ਬਦਲਾ?

5 Dariya News

ਚੰਡੀਗੜ੍ਹ 07-Mar-2023

ਹੁਣ ਤੱਕ ਅਸੀਂ ਦੇਖਿਆ ਕਿ ਮਾਇਆ ਆਪਣੇ ਭਰਾ ਟਿੱਕਾ ਨੂੰ, ਅੰਗਦ ਦੀ ਪ੍ਰੇਮਿਕਾ ਨੂੰ ਹਮੇਸ਼ਾਂ ਲਈ ਮਾਰਨ ਦੇ ਹੁਕਮ ਦਿੰਦੀ ਹੈ ਪਰ ਇਸਦੇ ਉਲਟ ਇੱਕ ਹੋਰ ਮੁਸੀਬਤ ਆ ਖੜੀ ਹੋਈ ਹੈ, ਜੋ ਅਵਨੀ ਅਤੇ ਉਸਦੇ ਪਰਿਵਾਰ ਨੂੰ ਮੁਸ਼ਕਿਲ ਵਿੱਚ ਪਾ ਦੇਵੇਗਾ। ਸ਼ੋਅ 'ਦਿਲਦਾਰੀਆਂ' ਵਿੱਚ ਅੱਜ ਅਸੀਂ ਦੇਖਾਂਗਾ ਕਿ ਅਵਨੀ ਅਤੇ ਉਸਦੇ ਪਰਿਵਾਰ ਵਾਲੇ ਇੱਕ ਵਾਰ ਫਿਰ ਮੁਸੀਬਤ ਵਿੱਚ ਹਨ, ਆਤਿਸ਼ਾ ਦੀ ਮਹਿੰਦੀ ਦੀ ਰਸਮ ਦੌਰਾਨ ਇੱਕ ਬਹੁਤ ਵੱਡਾ ਹਾਦਸਾ ਵਾਪਰਨ ਵਾਲਾ ਹੈ। 

ਅੰਬਰ ਦਾ ਪੂਰਾ ਪਰਿਵਾਰ ਇਸ ਫੰਕਸ਼ਨ ਵਿੱਚ ਸ਼ਾਮਿਲ ਹੈ, ਜਿੱਥੇ ਚਾਹਤ, ਮਾਇਆ ਦੀ ਬਹੂ ਚਾਰਮੀ ਤੋਂ ਬਦਲਾ ਲੈਣ ਲਈ ਉਸਨੂੰ ਜਾਂਬੁਜਕੇ ਗਿਰਾ ਦਿੰਦੀ ਹੈ ਜਿਸਦੇ ਕਾਰਨ ਉਸਦਾ ਬੱਚਾ ਇਸ ਦੁਨੀਆ ਵਿੱਚ ਆਉਣ ਤੋਂ ਪਹਿਲਾ ਹੀ ਮਰ ਜਾਂਦਾ ਹੈ। ਮਾਇਆ ਇਸ ਗ਼ਲਤੀ ਦਾ ਇਲਜ਼ਾਮ ਅਵਨੀ ਦੀ ਮਾਂ ਉੱਪਰ ਲਗਾ ਦਿੰਦੀ ਹੈ ਅਤੇ ਉਸਦੇ ਥੱਪੜ ਮਾਰਦੀ ਹੈ। 

ਦਿਲਦਾਰੀਆਂ ਦਾ ਇਹ ਹੈਰਾਨੀਜਨਕ ਮੋੜ ਦੋਨਾਂ ਪਰਿਵਾਰਾਂ ਵਿੱਚ ਦੁਸ਼ਮਣੀ ਪੈਦਾ ਕਰ ਦੇਵੇਗਾ। ਅੰਬਰ ਤੇ ਅਵਨੀ ਦੇ ਰਿਸ਼ਤੇ ਉੱਤੇ ਇਸਦਾ ਬਹੁਤ ਪ੍ਰਭਾਵ ਪਵੇਗਾ। ਇਹ ਦੇਖਣ ਲਈ ਕਿ ਅੱਗੇ ਅੰਬਰ ਅਤੇ ਅਵਨੀ ਦੀ ਜਿੰਦਗੀ ਵਿੱਚ ਕੀ ਹੋਵੇਗਾ, ਦੇਖੋ 'ਦਿਲਦਾਰੀਆਂ' ਸ਼ਾਮ 7:30 ਵਜੇ ਸਿਰਫ ਜ਼ੀ ਪੰਜਾਬੀ ਤੇ।