ਆਰਿਆ ਸਮਾਜ ਖਰੜ ਦੁਆਰਾ ਆਜ਼ਾਦੀ ਦੇ ਮਹਾਂਉਤਸਵ ਦੇ ਤਹਿਤ ਇਕ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਗਈ

5 Dariya News

ਖਰੜ 02-Feb-2023

ਆਰਿਆ ਸਮਾਜ ਖਰੜ ਦੁਆਰਾ ਨਗਰ ਦੀ ਸਾਰੀ ਸਮਾਜ ਸੇਵੀ ਸੰਸਥਾਵਾਂ ਦੇ ਸਹਿਯੋਗ ਨਾਲ ਆਜ਼ਾਦੀ ਦਾ ਮਹਾਂਉਤਸਵ ਦੇ ਤਹਿਤ ਇਕ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਗਈ ।ਇਸ ਬਾਰੇ ਇਕ ਪ੍ਰੈਸ ਨੋਟ ਜਾਰੀ ਕਰਦੇ ਹੋਏ ਆਰਿਆ ਸਮਾਜ ਖਰੜ ਪ੍ਰੈਸ ਮੁਖੀ ਰੋਹਿਤ ਮਿਸ਼ਰਾ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਹ ਸ਼ੋਭਾ ਯਾਤਰਾ ਸ਼ਹੀਦਾਂ ਨੂੰ ਸਮਰਪਿਤ ਆਜ਼ਾਦੀ ਦਾ ਮਹਾਂਉਤਸਵ ਦੇ ਤਹਿਤ ਸ਼੍ਰੀ ਰਾਮ ਭਵਨ ਖਰੜ ਤੋਂ ਸ਼ੁਰੂ ਹੋ ਕੇ ਨਗਰ ਦੇ ਅਲਗ ਅਲਗ ਹਿੱਸੇ ਤੋਂ ਗੁਜ਼ਰਦੇ ਹੋਏ ਸ਼੍ਰੀ ਰਾਮ ਭਵਨ ਵਿਖੇ ਸਮਾਪਤ ਹੋਈ।

ਇਸ ਸ਼ੋਭਾ ਯਾਤਰਾ ਦੇ ਸੰਯੋਜਕ ਸ਼੍ਰੀ ਅਰਵਿੰਦ ਕੈਥਵਾਲ ਰਹੇ ਇਸ ਸ਼ੋਭਾ ਯਾਤਰਾ ਨੂੰ ਮਿਊਂਸਪਲ ਕੌਂਸਲ ਖਰੜ ਦੀ ਪ੍ਰਧਾਨ ਜਸਪ੍ਰੀਤ ਕੌਰ ਲੌਂਗੀਆ ਨੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਸ਼ੋਭਾ ਯਾਤਰਾ ਵਿੱਚ ਖਰੜ, ਮੋਰਿੰਡਾ, ਡੇਰਾਬਸੀ ਅਤੇ ਮੋਹਾਲੀ ਦੇ 15 ਸਕੂਲਾਂ ਦੇ ਕਰੀਬ 2000 ਬੱਚਿਆਂ ਨੇ ਹਿੱਸਾ ਲਿਆ ਅਤੇ ਨਗਰ ਦੀ ਸਾਰੀ ਸੰਸਥਾਨ ਦੇ ਮੈਂਬਰ ਅਤੇ ਖਰੜ ਨਗਰ ਨਿਵਾਸੀਆਂ ਨੇ ਭਾਰੀ ਸੰਖਿਆ ਵਿੱਚ ਹਿੱਸਾ ਲਿਆ। ਨਗਰ ਵਿੱਚ ਹਰ ਪਾਸੇ ਉਤਸਵ ਦਾ ਮਾਹੌਲ ਬਣਿਆ ਹੋਇਆ ਸੀ।

ਹਰ ਜਗ੍ਹਾ ਦੇਸ਼ ਭਗਤੀ ਦੇ ਗੀਤ ਗੂੰਜ ਰਹੇ ਸਨ। ਲੋਕਾਂ ਨੇ ਜਗ੍ਹਾ ਜਗ੍ਹਾ ਜਲ ਸੇਵਾ ਦਾ ਇੰਤਜਾਮ ਕੀਤਾ ਹੋਇਆ ਸੀ ਅਤੇ ਫੁੱਲਾਂ ਦੀ ਵਰਖਾ ਹੋ ਰਹੀ ਸੀ। ਲੋਕ ਕੇਸਰੀ ਅਤੇ ਤਿਰੰਗੇ ਰੰਗ ਦੀਆਂ ਦਸਤਾਰਾਂ ਬੰਨ ਕੇ ਮਾਣ ਮਹਿਸੂਸ ਕਰ ਰਹੇ ਸਨ। ਸਾਰੇ ਆਜ਼ਾਦੀ ਦੇ ਅੰਮ੍ਰਿਤ ਮਹਾਂਉਤਸਵ ਦੀ ਖੁਸ਼ੀ ਵਿਚ ਝੂਮ ਝੂਮ ਕੇ ਨੱਚ ਰਹੇ ਸਨ। ਇਸ ਸ਼ੋਭਾ ਯਾਤਰਾ ਨਾਲ ਨਗਰ ਵਿੱਚ ਸਕਾਰਾਤਮਕ ਊਰਜਾ ਫੈਲੀ।

ਸ਼ੋਭਾ ਯਾਤਰਾ ਦੀ ਸਮਾਪਤੀ ਤੇ ਅਗਰਵਾਲ ਸਭਾ ਵਲੋਂ ਸ਼ੋਭਾ ਯਾਰਤੀਆਂ ਲਈ ਚਾਹ ਪਕੌੜਿਆਂ ਦਾ ਲੰਗਰ ਲਗਾਇਆ ਗਿਆ। ਆਰਿਆ ਸਮਾਜ ਦੀ ਪ੍ਰਧਾਨ ਸ਼੍ਰੀ ਵਿਸ਼ਵਬੰਧੂ ਆਰਿਆ ਨੇ ਕਿਹਾ ਕਿ ਅਜ ਇਸ ਆਜ਼ਾਦੀ ਦੇ ਮਹਾਂਉਤਸਵ ਦਾ ਚੌਥਾ ਦਿਨ ਹੈ ਅਤੇ ਇਹ ਸੱਤ ਦਿਨ ਚਲੇਗਾ। ਇਸ ਵਿਚ ਕਿਸ਼ੋਰ ਸੰਮੇਲਨ, ਅਦੀਵਕਤਾ ਸੰਮੇਲਨ, ਮਹਾਂ ਖੂਨਦਾਨ ਸ਼ਿਵਰ, ਆਰਿਆ ਨੌਜਵਾਨ ਸੰਮੇਲਨ ਅਤੇ ਸਮਾਪਤੀ ਸਮਾਗਮ ਵਿੱਚ 101 ਕੁੰਡੀਏ ਮਹਾਯੱਗ ਰਹਿਣ ਵਾਲੇ ਹਨ। ਅਤੇ ਸਮਾਪਤੀ ਸਮਾਗਮ ਦੇ ਮੁੱਖ ਮਹਿਮਾਨ ਗੁਜਰਾਤ ਦੇ ਰਾਜਪਾਲ ਸ਼੍ਰੀ ਆਚਾਰਿਆ ਦੇਵਵਰਤ ਹੋਣਗੇ।