ਕੀ ਗੀਤ ਇਸ ਵਾਰ ਮਨੋਰਮਾ ਅਤੇ ਜੇ.ਕੇ. ਦੀ ਸਾਰੀ ਸੱਚਾਈ ਜਾਣ ਪਾਵੇਗੀ?

5 Dariya News

ਚੰਡੀਗੜ੍ਹ 02-Jan-2023

ਹੁਣ ਤੱਕ ਅਸੀਂ ਦੇਖਿਆ ਕਿ ਭੈਰਵੀ ਦੁਆਰਾ ਦੱਸੀ ਸੱਚਾਈ ਗੀਤ ਨੂੰ ਪ੍ਰੇਸ਼ਾਨ ਕਰ ਰਹੀ ਹੈ ਅਤੇ ਅੱਜ ਜੇ. ਕੇ. ਅਤੇ ਭੈਰਵੀ ਦੀ ਮਾਂ ਮਨੋਰਮਾ ਦਾ ਅਸਲ ਰਿਸ਼ਤਾ ਸਭ ਦੇ ਸਾਹਮਣੇ ਆਵੇਗਾ ਜੋ ਸਭ ਨੂੰ ਹੈਰਾਨ ਕਰ ਦੇਵੇਗਾ।ਜਿਵੇਂ ਕਿ ਸਭ ਨੂੰ ਪਤਾ ਹੀ ਹੈ ਕਿ ਗੀਤ ਭੈਰਵੀ ਦੀ ਮਾਂ ਨੂੰ ਮੈਂਟਲ ਹਸਪਤਾਲ ਵਿੱਚ ਦੇਖਦੀ ਹੈ ਅਤੇ ਭੈਰਵੀ ਗੀਤ ਨੂੰ ਜੇ.ਕੇ. ਅਤੇ ਜਸਲੀਨ ਦੀ ਸਾਰੀ ਸੱਚਾਈ ਦੱਸਦੀ ਹੈ। 

ਅੱਜ ਅਸੀਂ ਦੇਖਾਂਗੇ ਕਿ ਗੀਤ ਨੂੰ ਘਰ ਵਿੱਚ ਜਾਂਚ ਕਰਦੇ ਹੋਏ ਇੱਕ ਵਿਆਹ ਦਾ ਕਾਰਡ ਮਿਲੇਗਾ ਜੋ ਗੀਤ ਨੂੰ ਹੋਰ ਵੀ ਪ੍ਰੇਸ਼ਾਨ ਕਰਦਾ ਹੈ ਕਿਉਂਕਿ ਉਸ ਕਾਰਡ ਉੱਪਰ ਜੇ.ਕੇ. ਅਤੇ ਭੈਰਵੀ ਦੀ ਮਾਂ ਮਨੋਰਮਾ ਦਾ ਨਾਮ ਲਿਖਿਆ ਹੋਇਆ ਹੈ। ਜੇ.ਕੇ ਅਤੇ ਮਨੋਰਮਾ ਦੇ ਵਿਚਲੇ ਪੁਰਾਣੇ ਰਿਸ਼ਤੇ ਨੂੰ ਪਤਾ ਕਰਨ ਲਈ ਉਹ ਇੱਕ ਵਾਰ ਫਿਰ ਮਨੋਰਮਾ ਨੂੰ ਮਿਲਣ ਮੈਂਟਲ ਹਸਪਤਾਲ ਜਾਵੇਗੀ।

ਜੇ.ਕੇ ਅਤੇ ਮਨੋਰਮਾ ਦੇ ਇਸ ਰਿਸ਼ਤੇ ਨੂੰ ਦੇਖ ਕੇ ਗੀਤ ਦੀ ਕੀ ਪ੍ਰਤੀਕਿਰਿਆ ਹੋਵੇਗੀ ਜਾਂ ਕੀ ਗੀਤ ਅੱਜ ਮਨੋਰਮਾ ਨੂੰ ਮਿਲ ਪਾਵੇਗੀ ਅਤੇ ਸਾਰੀ ਸੱਚਾਈ ਜਾਣ ਪਾਵੇਗੀ? ਇਸ ਲਈ ਜਾਨਣ ਲਈ ਕਿ ਗੀਤ ਢੋਲੀ ਦੀ ਕਹਾਣੀ ਵਿੱਚ ਕੀ ਹੋ ਰਿਹਾ ਹੈ, ਦੇਖਦੇ ਰਹੋ 'ਗੀਤ-ਢੋਲੀ' ਦਾ ਦਿਲਚਸਪ ਐਪੀਸੋਡ ਅੱਜ ਰਾਤ 8 ਵਜੇ ਸਿਰਫ਼ ਜ਼ੀ ਪੰਜਾਬੀ ਤੇ।