ਇਹਨਾਂ ਪ੍ਰੋਗਰਾਮਾਂ ਨੇ ਬਣਾਇਆ ਜ਼ੀ ਪੰਜਾਬੀ ਦੇ ਸਾਲ 2022 ਨੂੰ ਸ਼ਾਨਦਾਰ

5 Dariya News

ਚੰਡੀਗੜ੍ਹ 31-Dec-2022

ਜ਼ੀ ਪੰਜਾਬੀ ਦੇ ਪ੍ਰੋਗਰਾਮਾਂ ਨੇ ਆਪਣੀਆਂ ਵੱਖਰੀਆਂ ਅਤੇ ਦਿਲਚਸਪ ਕਹਾਣੀਆਂ ਦੇ ਰਾਹੀਂ ਦਰਸ਼ਕਾਂ ਦੇ ਦਿਲ ਵਿੱਚ ਇੱਕ ਵਿਸ਼ੇਸ਼ ਜਗ੍ਹਾ ਬਣਾਈ ਹੈ, ਚਾਹੇ 'ਗੀਤ ਢੋਲੀ’ ਹੋਵੇ, 'ਨਯਨ-ਜੋ ਵੇਖੇ ਅਣਵੇਖਾ' ਹੋਵੇ। ਜ਼ੀ ਪੰਜਾਬੀ ਦੇ ਨਵੇਂ ਸ਼ੋਅ ‘ਸਾਂਝਾ ਸੁਫ਼ਨਾ’, ‘ਦਿਲਦਾਰੀਆਂ’ ਅਤੇ ‘ਦਿਲ ਦੀਆ ਗੱਲਾਂ ਵਿਦ ਸੋਨਮ ਬਾਜਵਾ ਸੀਜ਼ਨ 2’ ਨੇ ਵੀ ਦਰਸ਼ਕਾਂ ਵਲੋਂ ਖੂਬ ਵਾਹ-ਵਾਹੀ ਬਟੋਰੀ ਹੈ।ਸ਼ੋਅ "ਗੀਤ ਢੋਲੀ" ਇੱਕ ਇਕੱਲੀ ਕੁੜੀ ਦੀ ਕਹਾਣੀ ਹੈ ਜੋ ਇੱਕ ਢੋਲੀ ਬਣਨ ਦੀ ਚਾਹ ਰੱਖਦੀ ਹੈ। 

ਉਸਦੇ ਰਾਸਤੇ ਵਿੱਚ ਜੋ ਵੀ ਮੁਸ਼ਕਲਾਂ ਆਈਆਂ ਉਸਨੂੰ ਪਾਰ ਕਰਕੇ ਉਹ ਇੱਕ ਢੋਲੀ ਦੇ ਰੂਪ ਵਿੱਚ ਆਪਣੇ ਸੁਪਨੇ ਨੂੰ ਪੂਰਾ ਕਰੇਗੀ। ਗੀਤ ਭਾਵੇਂ ਢੋਲੀ ਬਣਨ ਦੇ ਸੁਪਨੇ ਵਿੱਚ ਇਕੱਲੀ ਸੀ ਪਰ ਬਾਅਦ ਵਿਚ ਉਸਦੇ ਇਸ ਸੁਪਨੇ ਨੂੰ ਪੂਰਾ ਕਰਨ ਵਿੱਚ ਉਸਦੇ ਪਤੀ ਮਲਹਾਰ ਅਤੇ ਉਸਦੇ ਸੁਹਰੇ ਪਰਿਵਾਰ ਵੱਲੋਂ ਵੀ ਭਰਪੂਰ ਸਾਥ ਦਿੱਤਾ ਗਿਆ ਹੈ। ਦਰਸ਼ਕਾਂ ਨੂੰ ਇਹਨਾਂ ਦੀ ਜੋੜੀ ਅਤੇ ਕਹਾਣੀ ਨੂੰ ਬੇਹੱਦ ਪਿਆਰ ਦਿੱਤਾ ਗਿਆ ਹੈ।

ਸ਼ੋਅ "ਨਯਨ- ਜੋ ਵੇਖੇ ਅਣਵੇਖਾ" ਦੀ ਕਹਾਣੀ ਇੱਕ ਅਦਭੁਤ ਅਤੇ ਅਨੋਖੀ ਕੁੜੀ ਨਯਨ ਦੇ ਦੁਆਲੇ ਘੁੰਮਦੀ ਹੈ ਜਿਸਨੂੰ ਅਨੋਖੀ ਸ਼ਕਤੀਆਂ ਵਰਦਾਨ ਦੇ ਰੂਪ ਵਿੱਚ ਪ੍ਰਾਪਤ ਹਨ। ਆਪਣੇ ਇਸ ਵਰਦਾਨ ਦੇ ਰਾਹੀਂ ਉਹ ਆਪਣੇ ਪਤੀ ਦੇਵਾਂਸ਼ ਦੀ ਹਰ ਮੁਸ਼ਕਿਲ ਤੋਂ ਰੱਖਿਆ ਕਰਦੀ ਹੈ ਅਤੇ ਉਸ ਉੱਪਰ ਹੋਣ ਵਾਲੇ ਹਰ ਹਮਲੇ ਦੀ ਜਾਣਕਾਰੀ ਪਹਿਲਾ ਤੋਂ ਭਾਂਪ ਲੈਂਦੀ ਹੈ ਅਤੇ ਉਸਦੀ ਰੱਖਿਆ ਕਰਦੀ ਹੈ। 

ਨਯਨ ਨੇ ਆਪਣੀ ਜਿੰਦਗੀ ਆਪਣੇ ਪਤੀ ਦੇਵਾਂਸ਼ ਦੇ ਨਾਮ ਕੀਤੀ ਹੈ, ਭਾਵੇਂ ਉਸਨੂੰ ਇੱਕ ਪਤਨੀ ਹੋਣ ਦਾ ਦਰਜ ਨਹੀਂ ਦਿੱਤਾ ਗਿਆ ਪਰ ਫਿਰ ਵੀ ਉਸਨੇ ਆਪਣੇ ਪਤੀ ਅਤੇ ਸੁਹਰੇ-ਘਰ ਵਿੱਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਅੱਗੇ-ਅੱਗੇ ਇਹਨਾਂ ਦੀ ਕਹਾਣੀ ਵਿੱਚ ਬੇਹੱਦ ਹੀ ਦਿਲਚਸਪ ਮੋੜ ਆਉਂਦੇ ਹਨ ਜੋ ਇਹਨਾਂ ਦੋਨਾਂ ਨੂੰ ਕਰੀਬ ਲੈ ਕੇ ਆਉਂਦੇ ਹਨ। ਨਵਾਂ ਸ਼ੋਅ "ਸਾਂਝਾ ਸੁਫ਼ਨਾ" ਦੀ ਵਿਲੱਖਣ ਕਹਾਣੀ ਨੇ ਦਰਸ਼ਕਾਂ ਦਾ ਬਹੁਤ ਧਿਆਨ ਖਿੱਚਿਆ ਹੈ ਜੋ ਇੱਕ ਨੂੰਹ ਵਜੋਂ ਆਪਣੇ ਸੁਪਨਿਆਂ ਅਤੇ ਫਰਜ਼ਾਂ ਨੂੰ ਸੰਤੁਲਿਤ ਕਰਨ ਲਈ ਇੱਕ ਲੜਕੀ ਦੇ ਜਨੂੰਨ ਨੂੰ ਦਰਸਾਉਂਦੀ ਹੈ। 

ਅਰਜ ਦੀਆ ਦੇ ਕੋਚ ਦੇ ਰੂਪ ਵਿੱਚ ਉਸਦਾ ਸਾਥ ਦਿੰਦਾ ਹੈ ਪਰ ਬਾਅਦ ਵਿੱਚ ਮੁਸ਼ਕਿਲ ਦੇ ਕਾਰਨ ਦੀਆ ਦੇ ਹਮਸਫਰ ਦੇ ਰੂਪ ਵਿੱਚ ਉਸਦੇ ਨਾਲ ਖੜਦਾ ਹੈ। ਕੋਈ ਵੀ ਸਥਿਤੀ ਅਤੇ ਮੁਸ਼ਕਲ ਹੋਵੇ ਅਰਜ ਦੀਆ ਦਾ ਹਰ ਮੁਸ਼ਕਿਲ ਮੋੜ ਤੇ ਸਾਥ ਦਿੰਦਾ ਹੈ। ਇੱਕ ਪਤਨੀ ਦੇ ਰੂਪ ਵਿੱਚ ਘਰ ਦੀਆਂ ਜਿੰਮੇਵਾਰੀਆਂ ਪੂਰੀਆਂ ਕਰਨਾ ਅਤੇ ਸੁਪਨਿਆਂ ਨੂੰ ਪੂਰਾ ਕਰਨ ਦੀ ਕਹਾਣੀ "ਸਾਂਝਾ ਸੁਫ਼ਨਾ" ਅਤੇ ਅਰਜ ਦੇ ਆਪਣੇ ਪਤਨੀ ਲਈ ਇੰਨਾ ਆਦਰ ਅਤੇ ਮਾਨ ਦਰਸ਼ਕਾਂ ਵੱਲੋਂ ਬੇਹੱਦ ਪਸੰਦ ਕੀਤਾ ਗਿਆ ਹੈ।

ਦਰਸ਼ਕਾਂ ਦਾ ਨਵਾਂ ਮਨਪਸੰਦ ਸ਼ੋਅ "ਦਿਲਦਾਰੀਆਂ" ਬਿਲਕੁਲ ਇੱਕ ਨਵੀਂ ਕਹਾਣੀ ਹੈ ਜੋ ਪਿਆਰ ਅਤੇ ਤਕਰਾਰ ਦੇ ਰਿਸ਼ਤੇ ਨੂੰ ਦਰਸਾਉਂਦੀ ਹੈ। ਅੰਬਰ ਤੇ ਅਵਨੀ ਦੀ ਅਨੋਖੀ ਪ੍ਰੇਮ ਕਹਾਣੀ ਦੀ ਸ਼ੁਰੁਆਤ ਇੱਕ ਟਕਰਾਅ ਤੋਂ ਸ਼ੁਰੂ ਹੁੰਦੀ ਹੈ। ਇਹਨਾਂ ਦੋਨਾਂ ਦੇ ਵੱਖਰੇ ਸੁਭਾਅ ਅਤੇ ਸ਼ਖਸ਼ੀਅਤ ਹੈ, ਜੋ ਇੱਕ ਦੂਜੇ ਤੋਂ ਬਿਲਕੁਲ ਉਲਟ ਹਨ। ਅੰਬਰ ਇੱਕ ਸਫਲ ਮਿਹਨਤੀ-ਅਨੁਸ਼ਾਸਿਤ ਕਾਰੋਬਾਰੀ ਸੋਚ ਵਾਲਾ ਲੜਕਾ ਹੈ ਅਤੇ ਜੋ ਔਰਤਾਂ ਨੂੰ ਇੱਕ ਮੁਸੀਬਤ ਅਤੇ ਸਫਲਤਾ ਦੀ ਰਾਹ ਵਿੱਚ ਰੁਕਾਵਟ ਸਮਝਦਾ ਹੈ। 

ਦੂੱਜੇ ਪਾਸੇ ਇਸਦੇ ਉਲਟ ਸਪਸ਼ਟ ਬੋਲਣ ਵਾਲੀ ਕੁੜੀ ਅਵਨੀ ਹੈ ਜੋ ਇੱਕ ਆਜ਼ਾਦ ਜੀਵਨ ਜਿਉਣ ਵਿੱਚ ਵਿਸ਼ਵਾਸ਼ ਰੱਖਦੀ ਹੈ। ਕਿਸਮਤ ਇਹਨਾਂ ਨੂੰ ਵੱਖੋ ਵੱਖਰੇ ਰਸਤਿਆਂ ਤੇ ਇੱਕ-ਦੂਜੇ ਦੇ ਸਾਹਮਣੇ ਲਿਆਉਂਦੀ ਹੈ। ਦਰਸ਼ਕ ਇਹਨਾਂ ਦੀ ਵੱਖਰੀ ਕਹਾਣੀ ਨੂੰ ਬਹੁਤ ਪਸੰਦ ਕਰ ਰਹੇ ਹਨ ਤੇ ਉਤਸੁਕ ਹਨ ਕਿ ਇਹ ਦੋਨੋਂ ਆਪਣੇ ਝਗੜੇ ਤੋਂ ਬਿਨਾਂ ਇੱਕ-ਦੂਜੇ ਲਈ ਪਿਆਰ ਮਹਿਸੂਸ ਕਰਨ। 

ਪਿਛਲੇ ਸਾਲ ਦਿਲ ਦੀਆਂ ਗੱਲਾਂ 1 ਦੇ ਸੀਜ਼ਨ ਨੇ ਦਰਸ਼ਕਾਂ ਦਾ ਬਹੁਤ ਧਿਆਨ ਖਿੱਚਿਆ ਸੀ। ਇਸ ਲਈ ਦਰਸ਼ਕਾਂ ਦੀ ਮੰਗ ਉੱਤੇ ਦਿਲ ਦੀਆ ਗੱਲਾਂ ਵਿਦ ਸੋਨਮ ਬਾਜਵਾ ਸੀਜ਼ਨ 2 ਪੇਸ਼ ਕੀਤਾ ਗਿਆ ਹੈ। ਸੋਨਮ ਬਾਜਵਾ ਜਿਹਨਾਂ ਨੇ ਮੇਜ਼ਬਾਨ ਵਜੋਂ ਆਪਣਾ ਵਿਸ਼ੇਸ਼ ਕਿਰਦਾਰ ਨਿਭਾਇਆ ਅਤੇ ਮਹਿਮਾਨ ਕਲਾਕਾਰ ਦਾ ਨਿੱਘਾ ਸਵਾਗਤ ਕੀਤਾ ਹੈ। ਇਸ ਸ਼ੋਅ ਨੇ ਦਰਸ਼ਕਾਂ ਨੂੰ ਆਪਣੇ ਮਨਪਸੰਦ ਕਲਾਕਾਰਾਂ ਦੀ ਨਿਜ਼ੀ ਜ਼ਿੰਦਗੀ ਬਾਰੇ ਜਾਨਣ ਦਾ ਮੌਕਾ ਦਿੱਤਾ ਹੈ, ਜੋ ਆਪਣੀਆਂ ਮਿੱਠੀਆਂ ਯਾਦਾਂ ਇਸ ਮੰਚ ਦੇ ਰਾਹੀਂ ਬਿਆਨ ਕਰਦੇ ਹਨ।