ਸ਼ਾਨਦਾਰ ਵੀਕਐਂਡ ਦਿਲ ਦੀਆਂ ਗੱਲਾਂ ਸੀਜ਼ਨ 2 ਮੇਜ਼ਬਾਨ ਸੋਨਮ ਬਾਜਵਾ ਨਾਲ

ਗੁਲਾਬੀ ਕੁਈਨ ਜੈਸਮੀਨ ਸੈਂਡਲੇਸ ਅਤੇ ਪੰਜਾਬੀ ਗਾਇਕ ਇੰਦਰਜੀਤ ਨਿੱਕੂ ਨਾਲ

5 Dariya News

ਚੰਡੀਗੜ੍ਹ 12-Nov-2022

ਜ਼ੀ ਪੰਜਾਬੀ ਦਾ ਚੈਟ ਸ਼ੋਅ "ਦਿਲ ਦੀਆਂ ਗੱਲਾਂ ਸੀਜ਼ਨ-2" ਆਪਣੇ ਪਿਆਰੇ ਦਰਸ਼ਕਾਂ ਲਈ ਇੱਕ ਖਾਸ ਵੀਕਐਂਡ ਲੈ ਕੇ ਆ ਰਿਹਾ ਹੈ, ਜਿਸ ਵਿੱਚ ਗੁਲਾਬੀ ਕੁਈਨ, ਜੈਸਮੀਨ ਸੈਂਡਲਾਸ ਅਤੇ ਪ੍ਰਸਿੱਧ ਪੰਜਾਬੀ ਗਾਇਕ ਇੰਦਰਜੀਤ ਨਿੱਕੂ ਸੋਨਮ ਬਾਜਵਾ ਨਾਲ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕਰਨ ਆ ਰਹੇ ਹਨ।

ਇਸ ਸ਼ਨੀਵਾਰ, ਸੋਨਮ ਬਾਜਵਾ ਅਤੇ ਜੈਸਮੀਨ ਸੈਂਡਲਾਸ, ਗੁਲਾਬੀ ਕੁਈਨ, ਸ਼ੋਅ 'ਤੇ ਕੁਝ ਬਹੁਤ ਹੀ ਯਾਦਗਾਰ ਅਨੁਭਵ ਸਾਂਝੇ ਕਰੇਗੀ ਅਤੇ ਆਪਣੇ ਜ਼ਿੰਦਗੀ ਦੇ ਕੁਝ ਖਾਸ ਪਲ ਜੋ ਉਸਨੇ ਆਪਣਿਆਂ ਨਾਲ ਬਿਤਾਏ ਹਨ ਇਸ ਮੰਚ ਉੱਤੇ ਬਿਆਨ ਕਰੇਗੀ। ਇਹ ਦਰਸ਼ਕਾਂ ਲਈ ਮਨੋਰੰਜਨ, ਸੰਗੀਤ ਅਤੇ ਭਾਵਨਾਵਾਂ ਨਾਲ ਭਰੀ ਇੱਕ ਅਨੰਦਮਈ ਸ਼ਾਮ ਹੋਵੇਗੀ। ਇੱਕ ਖਾਸ ਪਲ ਜਦੋਂ ਜੈਸਮੀਨ ਆਪਣੀ ਜ਼ਿੰਦਗੀ ਦੀ ਤਜ਼ੁਰਬੇ ਅਤੇ ਪੰਜਾਬੀ ਗਾਇਕੀ ਵਿੱਚ ਆਪਣਾ ਨਾਮ ਕਮਾਉਣ ਦੀ ਭਾਵੁਕ ਕਹਾਣੀ ਆਪਣੇ ਦਰਸ਼ਕਾਂ ਅੱਗੇ ਪੇਸ਼ ਕਰੇਗੀ।

ਇੰਦਰਜੀਤ ਨਿੱਕੂ, ਇੱਕ ਗਾਇਕ ਜਿਸਦੀ ਪ੍ਰਤਿਭਾ ਹੀ ਉਸਦੀ ਪਛਾਣ ਹੈ, ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਆਪਣੇ ਲੰਬੇ ਅਤੇ ਸਫਲ ਕੈਰੀਅਰ ਬਾਰੇ ਦੱਸਣਗੇ, ਐਤਵਾਰ ਨੂੰ ਦਿਲ ਦੀਆਂ ਗੱਲਾਂ ਸੀਜ਼ਨ 2 ਦੇ ਆਗਾਮੀ ਐਪੀਸੋਡ ਵਿੱਚ ਆਪਣੇ ਖੂਬਸੂਰਤ ਅੰਦਾਜ਼ ਵਿਚ ਆਉਣਗੇ। ਕਿਉਂਕਿ ਨਿੱਕੂ ਨੇ ਆਪਣੀ ਬੇਮਿਸਾਲ ਪ੍ਰਤਿਭਾ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਲਿਆ ਹੈ, ਅਸੀਂ ਉਸਦੀ ਜੀਵਨ ਕਹਾਣੀ ਅਤੇ ਯਤਨਾਂ 'ਤੇ ਇੱਕ ਝਾਤ ਪਾਵਾਂਗੇ। 

ਜੇਕਰ ਤੁਸੀਂ ਇਸ ਸ਼ਾਨਦਾਰ ਵੀਕਐਂਡ ਨੂੰ ਮਿਸ ਨਹੀਂ ਕਰਨਾ ਚਾਹੁੰਦੇ ਤਾਂ ਸ਼ਨੀਵਾਰ ਅਤੇ ਐਤਵਾਰ ਨੂੰ ਸ਼ਾਮ 7 ਵਜੇ ਜ਼ੀ ਪੰਜਾਬੀ 'ਤੇ "ਦਿਲ ਦੀਆਂ ਗੱਲਾਂ ਵਿਦ ਸੋਨਮ ਬਾਜਵਾ ਸੀਜ਼ਨ 2" ਦੇਖੋ।