ਗੀਤ ਢੋਲੀ ਦੇ ਸ਼ੋਅ ਵਿੱਚ ਹੋ ਗਈ ਹੈ ਇਕ ਅਣਜਾਣ ਸ਼ਕਸੀਅਤ ਦੀ ਦਸਤਕ

5 Dariya News

ਚੰਡੀਗੜ੍ਹ 03-Oct-2022

ਪਿਛਲੇ ਐਪੀਸੋਡ ਵਿੱਚ ਅਸੀਂ ਦੇਖਿਆ ਕਿ ਗੀਤ ਆਪਣੀ ਪ੍ਰਤੀਯੋਗਿਤਾ ਦੀ ਦਿਲੋਂ ਜਾਨ ਨਾਲ ਤਿਆਰੀ ਕਰ ਰਹੀ ਹੈ  ਪਰ ਇਸ ਵਿੱਚ ਇੱਕ ਪਾਸੇ ਸਿਮੌਨ ਉਸਦੀ ਹਿੰਮਤ ਨੂੰ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਤੇ ਦੂਜੇ ਪਾਸੇ ਭੈਰਵੀ ਦੀ ਅਣਜਾਣ ਅਸਲੀਅਤ ਉਸਨੂੰ ਪ੍ਰੇਸ਼ਾਨ ਕਰ ਰਹੀ ਹੈ। ਅੱਜ ਦੇ ਐਪੀਸੋਡ ਵਿੱਚ ਅਸੀਂ ਦੇਖਾਂਗਾ ਜੇ. ਕੇ. ਅਤੇ ਜਸਲੀਨ ਦੋਨੋਂ ਢੋਲ ਮੁਕਾਬਲੇ ਦੀ ਨਵੀਂ ਪ੍ਰਤੀਯੋਗੀ ਭੈਰਵੀ ਬਾਰੇ ਗੱਲ ਕਰਦੇ ਹਨ ਅਤੇ ਅਚਾਨਕ ਗੀਤ ਨੂੰ ਦੇਖ ਕੇ ਚੁੱਪ ਕਰ ਜਾਂਦੇ ਹਨ।  ਉਹ ਦੋਨੋਂ ਗੀਤ ਨੂੰ ਕੋਈ ਟੈਨਸ਼ਨ ਨਹੀਂ ਦੇਣਾ ਚਾਹੁੰਦੇ, ਇਸ ਲਈ ਉਸ ਤੋਂ ਇਹ ਗੱਲ ਛੁਪਾ ਲੈਂਦੇ ਹਨ। 

ਦੂਜੇ ਪਾਸੇ ਸਿਮੌਨ ਗੀਤ ਨੂੰ ਫੋਨ ਕਰ ਕੇ ਭੈਰਵੀ ਦੇ ਜ਼ਰੀਏ ਆਪਣਾ ਬਦਲਾ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ, ਜਿਸ ਤੋਂ ਗੀਤ ਨੂੰ ਇਹ ਯਕੀਨ ਹੋ ਗਿਆ ਹੈ ਭੈਰਵੀ ਅਤੇ ਸਿਮੌਨ ਦੋਨੋਂ ਉਸ ਖਿਲਾਫ ਸਾਜਿਸ਼ ਰਚ ਰਹੀਆਂ ਹਨ। ਕੀ ਇਹਨਾਂ ਦੋਨਾਂ ਦੀ ਮਿਲੀ ਭਗਤ ਗੀਤ ਦੇ ਮੁੱਕਬਲੇ ਨੂੰ ਖ਼ਰਾਬ ਕਰ ਸਕਦੀ ਹੈ? ਕੌਣ ਹੈ ਭੈਰਵੀ ਕੀ ਹੈ ਉਸਦੀ ਅਣਜਾਣ ਸਚਾਈ ਜੋ ਸਭ ਨੂੰ ਹੈਰਾਨ ਕਰ ਦੇਵੇਗੀ? ਜਾਨਣ ਲਈ ਦੇਖੋ ਗੀਤ ਢੋਲੀ ਦੇ ਅੱਜ ਦੇ ਨਾਟਕੀ ਐਪੀਸੋਡ ਨੂੰ ਜ਼ੀ ਪੰਜਾਬੀ 'ਤੇ ਰਾਤ 8:00 ਵਜੇ।