ਨਾਟਕ ਕਲਾ ਨਾਲ ਜੁੜੀਆਂ ਅਹਿਮ ਸ਼ਖਸੀਅਤਾਂ ਵੱਲੋਂ ਭਵਨਦੀਪ ਸਿੰਘ ਪੁਰਬਾ ਦਾ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਲੋਕ ਅਰਪਨ

ਇਹ ਸਮਾਜਿਕ ਨਾਟਕ ਹਰ ਪਿੰਡ ਵਿੱਚ ਫਿਲਮਾਏ ਜਾਣੇ ਚਾਹੀਦੇ ਹਨ : ਸਰਪੰਚ ਵੀਰ ਸਿੰਘ ਖੋਸਾ

5 Dariya News

ਮੋਗਾ 10-Aug-2022

ਮੀਰੀ ਪੀਰੀ ਦੇ ਮਾਲਿਕ ਸ਼੍ਰੀ ਹਰਗੋਬਿੰਦ ਸਾਹਿਬ ਜੀ ਦੀ ਚਰਨਛੋਹ ਪ੍ਰਾਪਤ ਧਰਤੀ ਪਿੰਡ ਖੋਸਾ ਕੋਟਲਾ ਵਿਖੇ ‘ਮਹਿਕ ਵਤਨ ਦੀ ਲਾਈਵ’ ਬਿਓਰੋ ਦੇ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਦਾ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਨਾਟਕ ਕਲਾ ਨਾਲ ਸਬੰਧ ਰੱਖਣ ਵਾਲੀਆਂ ਮਾਣਯੋਗ ਸ਼ਖਸੀਅਤਾਂ ਵੱਲੋਂ ਪਿੰਡ ਖੋਸਾ ਕੋਟਲਾ ਵਿਖੇ ਦਰਸ਼ਕਾਂ ਦੇ ਭਾਰੀ ਇਕੱਠ ਵਿੱਚ ਲੋਕ ਅਰਪਨ ਕੀਤਾ ਗਿਆ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਗਿੱਲ ਕਮਲ ਨੇ ਦੱਸਿਆ ਕਿ ‘ਮਹਿਕ ਵਤਨ ਦੀ ਲਾਈਵ’ ਬਿਓਰੋ ਦੇ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਜਿਨ੍ਹਾਂ ਦਾ ਨਾਟਕ ਕਲਾ ਨਾਲ ਬਹੁੱਤ ਗਹਿਰਾ ਸਬੰਧ ਹੈ ਉਨ੍ਹਾਂ ਦੇ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਨੂੰ ਨਾਟਕ ਕਲਾ ਨਾਲ ਸਬੰਧ ਰੱਖਣ ਵਾਲੀਆਂ ਮਾਣਯੋਗ ਸ਼ਖਸੀਅਤਾ ਥੀਏਟਰ ਦੇ ਪ੍ਰਸਿੱਧ ਨਿਰਮਾਤਾ ਨਿਰਦੇਸ਼ਕ ਸਰਪੰਚ ਵੀਰ ਸਿੰਘ ਖੋਸਾ, ਪ੍ਰਸਿੱਧ ਲੋਕ ਗਾਇਕ ਹਰਮਿਲਾਪ ਸਿੰਘ ਗਿੱਲ, ਫਿਲਮ ਅਦਾਕਾਰ ਮਨਿੰਦਰ ਮੋਗਾ, ਅਦਾਕਾਰ ਇਕਬਾਲ ਸਿੰਘ ਖੋਸਾ, ਪ੍ਰਸਿੱਧ ਅੰਤਰ-ਰਾਸ਼ਟਰੀ ਕਬੱਡੀ ਕੂਮੈਟਰ ਅਮਰੀਕ ਖੋਸਾ, ਨਾਟਕਕਾਰ ਸੁਰਿੰਦਰ ਲੱਧੜ ਜੋ ਨੁਕੜ ਨਾਟਕ ਕਰਦੇ ਹਨ ਆਦਿ ਵੱਲੋਂ ਲੋਕ ਅਰਪਨ ਕੀਤਾ ਗਿਆ।

ਇਸ ਸਮਾਗਮ ਮੌਕੇ ਬੋਲਦਿਆਂ ਥੀਏਟਰ ਦੇ ਪ੍ਰਸਿੱਧ ਨਿਰਮਾਤਾ ਨਿਰਦੇਸ਼ਕ ਸਰਪੰਚ ਵੀਰ ਸਿੰਘ ਖੋਸਾ ਨੇ ਕਿਹਾ ਕਿ ਭਵਨਦੀਪ ਸਿੰਘ ਪੁਰਬਾ ਵੱਲੋਂ ਲਿਿਖਆ ਗਿਆ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਵਿੱਚ ਸਮਾਜਿਕ ਮੁੱਦਿਆਂ ਦੇ ਨਾਟਕ ਹਨ ਜੋ ਹਰ ਪਿੰਡ ਵਿੱਚ ਫਿਲਮਾਏ ਜਾਣੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਥੀਏਟਰ ਨਾਲ ਸਬੰਧ ਰੱਖਣ ਵਾਲੇ ਕਲਾਕਾਰਾਂ ਨੂੰ ਸੌਖੇ ਢੰਗ ਨਾਲ ਨਾਟਕ ਫਿਲਮਾਉਣ ਲਈ ਉਨ੍ਹਾਂ ਨੂੰ ਚੰਗੀ ਸੇਧ ਦੇਵੇਗਾ।

ਫਿਲਮ ਅਦਾਕਾਰ ਮਨਿੰਦਰ ਮੋਗਾ, ਗਾਇਕ ਹਰਮਿਲਾਪ ਸਿੰਘ ਗਿੱਲ, ਅਦਾਕਾਰ ਇਕਬਾਲ ਸਿੰਘ ਖੋਸਾ ਨੇ ਨਾਟਕ ਸੰਗ੍ਰਿਹ ‘ਖੰਭਾਂ ਦੀਆਂ ਡਾਰਾਂ’ ਬਾਰੇ ਚਾਨਣਾ ਪਾਇਆ ਅਤੇ ਇਸ ਨਾਟਕ ਸੰਗ੍ਰਿਹ ਦੇ ਲੋਕ ਅਰਪਨ ਹੋਣ ਤੇ ਭਵਨਦੀਪ ਸਿੰਘ ਪੁਰਬਾ ਨੂੰ ਮੁਬਾਰਕਵਾਦ ਦਿੱਤੀ। ਅੰਤ ਵਿੱਚ ਭਵਨਦੀਪ ਸਿੰਘ ਪੁਰਬਾ ਨੇ ਇਸ ਮੌਕੇ ਹਾਜਰ ਹੋਈਆਂ ਨਾਟਕ ਕਲਾ ਨਾਲ ਸਬੰਧ ਰੱਖਣ ਵਾਲੀਆਂ ਮਾਣਯੋਗ ਸ਼ਖਸੀਅਤਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ।