ਐਲਪੀਯੂ ਨੇ ਅੰਤਰਰਾਸ਼ਟਰੀ ਆਈ ਟੀ ਸੇਵਾਵਾਂ ਕੰਪਨੀ ਵਰਚੁਸਾ ਨਾਲ ਸਮਝੌਤਾ ਕੀਤਾ
ਐਲਪੀਯੂ ਦੇ ਸਕੂਲ ਆਫ਼ ਕੰਪਿਊਟਰ ਇੰਜਨੀਅਰਿੰਗ ਵਿੱਚ ਵਰਟੂਸਾ ਸੈਂਟਰ ਆਫ਼ ਐਕਸੀਲੈਂਸ ਦਾ ਉਦਘਾਟਨ ਵੀ ਕੀਤਾ ਗਿਆ
5 Dariya News
ਜਲੰਧਰ 06-Jul-2022
ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐਲਪੀਯੂ ) ਨੇ ਅਮਰੀਕਾ ਦੇ ਹੈੱਡਕੁਆਰਟਰ ਵਾਲੀ ਵਰਚੂਸਾ ਕਮ੍ਪਨੀ ਦੇ ਨਾਲ ਇੱਕ ਮਹੱਤਵਪੂਰਨ 'ਸਮਝੌਤੇ' 'ਤੇ ਹਸਤਾਖਰ ਕੀਤੇ ਹਨ। ਇਸ ਮੌਕੇ ਯੂਨੀਵਰਸਿਟੀ ਵਿੱਚ ਐਲਪੀਯੂ ਦੇ ਸਕੂਲ ਆਫ਼ ਕੰਪਿਊਟਰ ਇੰਜਨੀਅਰਿੰਗ ਵਿੱਚ ‘ਵਰਟੂਸਾ ਸੈਂਟਰ ਆਫ਼ ਐਕਸੀਲੈਂਸ’ ਦਾ ਉਦਘਾਟਨ ਵੀ ਕੀਤਾ ਗਿਆ।
ਇਹ ਸਮਝੌਤਾ ਐਲਪੀਯੂ ਦੇ ਅਕਾਦਮਿਕ-ਉਦਯੋਗ ਕਨੈਕਸ਼ਨ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰੇਗਾ, ਖਾਸ ਤੌਰ 'ਤੇ 'ਗੂਗਲ ਕਲਾਉਡ ਪਲੇਟਫਾਰਮ' ਸਮੇਤ ਸੂਚਨਾ ਤਕਨਾਲੋਜੀ ਦੇ ਨਵੇਂ ਡੋਮੇਨ ਵਿੱਚ। ਵਰਚੂਸਾ ਦੀ ਤਰਫੋਂ, ਇਸ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਅਤੇ ਗਲੋਬਲ ਡਿਸਟ੍ਰੀ ਬਿਊਸ਼ਨ ਦੇ ਮੁਖੀ ਮੋਹਿਤ ਸ਼ਰਮਾ ਦੁਆਰਾ ਸਹਿਮਤੀ ਪੱਤਰ 'ਤੇ ਦਸਤਖਤ ਕੀਤੇ ਗਏ ।
ਯੂਨੀਵਰਸਿਟੀ ਦੇ ਸ਼ਾਂਤੀ ਦੇਵੀ ਮਿੱਤਲ ਆਡੀਟੋਰੀਅਮ ਵਿਖੇ ਐਲਪੀਯੂ ਦੇ ਵਿਦਿਆਰਥੀਆਂ ਨਾਲ ਗੱਲਬਾਤ ਕਰਦੇ ਹੋਏ, ਸ਼੍ਰੀ ਸ਼ਰਮਾ ਨੇ ਸਾਂਝਾ ਕੀਤਾ ਕਿ ਵਰਚੂਸਾ ਨਵੀਨਤਾ ਨੂੰ ਉਤਸ਼ਾਹਿਤ ਕਰਦੀ ਹੈ, ਅਤੇ ਵਿਸ਼ਵ ਪੱਧਰ 'ਤੇ ਮਾਹਿਰਾਂ ਦੇ ਐਗਜ਼ੀਕਿਊਸ਼ਨ ਦੇ ਨਾਲ ਬਦਲਾਅ ਲਿਆਉਣ ਵਿੱਚ ਮਦਦ ਕਰਦੀ ਹੈ।
ਉਨ੍ਹਾਂ ਨੇ 'ਵਰਚੂਸਾ ਸਟੂਡੈਂਟ ਅੰਬੈਸਡਰ ਪ੍ਰੋਗਰਾਮ' ਬਾਰੇ ਵੀ ਵਿਦਿਆਰਥੀਆਂ ਦਾ ਮਾਰਗਦਰਸ਼ਨ ਕੀਤਾ, ਅਤੇ ਉਨ੍ਹਾਂ ਨੂੰ ਦੱਸਿਆ ਕਿ ਵਿਦਿਆਰਥੀਆਂ ਲਈ ਵਰਚੂਸਾ ਨਾਲ ਲੰਬੇ ਸਮੇਂ ਲਈ ਰਿਸ਼ਤਾ ਸ਼ੁਰੂ ਕਰਨ ਦਾ ਇਹ ਇੱਕ ਵਿਲੱਖਣ ਮੌਕਾ ਹੈ। ਵਰਚੂਸਾ ਗਲੋਬਲ ਸਟ੍ਰੈਟਜੀ ਐਂਡ ਐਂਗੇਜਮੈਂਟ ਹੈੱਡ ਕ੍ਰਿਤੀਵਾਸਨ ਐਸ; ਅਤੇ, ਗ੍ਰੈਜੂਏਟ ਟੇਲੈਂਟ ਪ੍ਰੋਗਰਾਮ ਦੀ ਪ੍ਰਤੀਨਿਧੀ ਗੀਤਾਂਜਲੀ ਐੱਸ, ਅਤੇ ਇੰਦੂਮਤੀ ਡੀ ਸ਼੍ਰੀ ਸ਼ਰਮਾ ਦੇ ਨਾਲ ਸਨ। ਉਨ੍ਹਾਂ ਸਾਰਿਆਂ ਨੇ ਕੈਂਪਸ ਦਾ ਦੌਰਾ ਵੀ ਕੀਤਾ ਅਤੇ ਨਵੀਨਤਾਵਾਂ ਅਤੇ ਖੋਜ ਲਈ ਕੈਂਪਸ ਵਿੱਚ ਅੰਤਰਰਾਸ਼ਟਰੀ ਬੁਨਿਆਦੀ ਢਾਂਚੇ ਦੀ ਸ਼ਲਾਘਾ ਕੀਤੀ।