ਖਰੜ ਸ਼ਹਿਰ ਵਾਸੀਆਂ ਨੇ ਸਰਬ ਸਾਂਜੇ ਤੌਰ ਤੇ ਪਾਰਟੀ ਬਾਜ਼ੀ ਤੋਂ ਉੱਪਰ ਉੱਠ ਕਿ ਕੱਢਿਆ ਕੈਂਡਲ ਮਾਰਚ, Sidhu Moosewala ਨੂੰ ਦਿੱਤੀ ਸ਼ਰਧਾਂਜਲੀ : ਐਮ ਪੀ ਜੱਸੜ

5 Dariya News

ਖਰੜ 01-Jun-2022

ਖਰੜ ਸ਼ਹਿਰ ਵਿੱਚ ਸਮਾਜ ਸੇਵੀ ਅਮਨਦੀਪ ਅੰਮੂ ਅਤੇ ਸਮਾਜ ਸੇਵੀ ਐਮ ਪੀ ਜੱਸੜ ਜੋ ਕੀ ਯੂਨਾਇਟੇਡ ਬਿਊਰੋ ਆਫ਼ ਹਿਊਮਨ ਰਾਈਟਸ ਐਂਡ ਕ੍ਰਾਈਮ ਕੰਟਰੋਲ ਦੇ ਪੰਜਾਬ ਦੇ ਮੀਤ ਪ੍ਰਧਾਨ ਵੀ ਨੇ ਉਹਨਾਂ ਦੀ ਰਹਿਨੁਮਾਈ ਹੇਠ, ਅੱਜ ਖਰੜ ਹੱਲਕੇ ਵਿੱਚ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਦਿੰਦਿਆਂ ਕੈਂਡਲ ਮਾਰਚ ਕੱਢਿਆ ਗਿਆ । ਇਹ ਕੈਂਡਲ ਮਾਰਚ ਸਿੱਧੂ ਮੂਸੇਵਾਲਾ, ਦੀਪ ਸਿੱਧੂ ਅਤੇ ਸੰਦੀਪ ਨੰਗਲ ਅੰਬੀਆਂ ਦੀ ਮੌਤ ਦੇ ਰੋਸ ਅਤੇ ਇਨਸਾਫ ਦੀ ਉਮੀਦ ਵਿੱਚ ਕੱਢਿਆ ਗਿਆ। ਇਸ ਮੌਕੇ ਐਮ ਪੀ ਜੱਸੜ ਨੇ ਦੱਸਿਆ ਕੀ ਪੰਜਾਬ ਦਾ ਨੌਜਵਾਨ ਅੱਜ ਸੇਫ ਨਹੀਂ। ਪੰਜਾਬ ਵਿੱਚਅਗਰ ਕੋਈ ਵੇਹਲਾ ਘੁੰਮਦਾ ਤਾਂ ਉਸਨੂੰ ਸਮਾਜ ਦੇ ਲੋਕ ਤਾਹਨੇ ਦੇ ਦੇ ਕਿ ਮਾਰ ਦਿੰਦੇ ਨੇ, ਤੇ ਅਗਰ ਕੋਈ ਮਸ਼ਹੂਰ ਹੋ ਜਾਂਦਾ ਤਾਂ ਉਸਨੂੰ ਪਿਸਤੌਲ । ਪੰਜਾਬ ਵਿੱਚ ਅੱਜ ਮਸ਼ਹੂਰ ਹੋਣਾ ਵੀ ਮੌਤ ਨੂੰ ਮਾਸੀ ਆਖਣ ਵਾਲੀ ਗੱਲ ਹੋ ਗਈ ਹੈ । ਪੰਜਾਬ ਦਾ ਨੌਜਵਾਨ ਅੱਜ ਕਿੱਤੇ ਵੀ ਸੇਫ ਨਹੀਂ । ਇਹੀ ਕਾਰਨ ਹੈ ਕੀ ਨੌਜਵਾਨ ਵਿਦੇਸ਼ਾਂ ਵੱਲ ਤੁਰੇ ਹੋਏ ਨੇ । 

ਜੱਸੜ ਨੇ ਇਹ ਵੀ ਕਿਹਾ ਕੀ ਅਗਰ ਪੰਜਾਬ ਵਿੱਚ ਇਹੋ ਜਿਹੇ ਹੀ ਹਲਾਤ ਚੱਲਦੇ ਰਹੇ ਤਾਂ ਉਹ ਦਿਨ ਦੂਰ ਨਹੀਂ ਕੀ ਪੰਜਾਬ ਦੇ ਸਾਰੇ ਹੀ ਨੌਜਵਾਨ ਵੀਦੇਸ਼ਾਂ ਵਿੱਚ ਮਿਲਣਗੇ ।ਅਮਨਦੀਪ ਅੰਮੂ ਨੇ ਕਿਹਾ ਕੀ ਪੰਜਾਬ ਸਰਕਾਰ ਨੇ ਸਕਿਉਰਿਟੀ ਵਾਪਿਸ ਲੈਣ ਤੇ ਜੋ ਰਿਪੋਰਟ ਜਨਤਕ ਕਿਤੀ ਉਹ ਇੱਕ ਯੂਥ ਆਈਕਨ ਦੀ ਮੌਤ ਦਾ ਕਾਰਨ ਬਣ ਗਈ । ਪੰਜਾਬ ਵਿੱਚ ਅੱਜ ਛੋਟੇ ਤੋਂ ਛੋਟਾ ਨੌਜਵਾਨ ਅਤੇ ਵੱਡੇ ਤੋਂ ਵੱਡਾ ਇਨਸਾਨ ਸੋਗ ਦੀ ਲਹਿਰ ਵਿੱਚ ਹੈ।ਐਮ ਸੀ ਪੰਕਜ ਚੱਡਾ ਜੀ ਨੇ ਵੀ ਨੌਜਵਾਨ ਯੂਥ ਆਈਕਨ ਦੀ ਦਰਦ ਭਰੀ ਖੌਫਨਾਕ ਮੌਤ ਦੇ ਇਸ ਭਿਆਨਕ ਮੰਜ਼ਰ ਨੂੰ ਬੋਹਤ ਨਿੰਦਨ ਯੋਗ ਦੱਸਿਆ ਤੇ ਸਰਕਾਰਾਂ ਤੋਂ ਇਨਸਾਫ਼ ਦੀ ਮੰਗ ਰੱਖੀ ।ਇਸ ਮੌਕੇ ਮਨਪ੍ਰੀਤ ਮੰਨਾ ਐਮ ਸੀ ਨੇ ਕਿਹਾ ਕੀ ਅਸੀਂ ਸਰਕਾਰ ਤੋਂ ਮੰਗ ਕਰਦੇ ਹਾਂ ਕਿ ਜਲਦੀ ਤੋਂ ਜਲਦੀ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰੇ ਅਤੇ ਸ਼ੁਭਦੀਪ ਸਿੰਘ ਸਿੱਧੂ ਮੂਸੇਵਾਲਾ ਨੂੰ ਇਨਸਾਫ਼ ਦੇਵੇ।

ਨਾਲ ਹੀ ਐਮ ਸੀ ਕਮਲ ਕੀਸ਼ੋਰ ਤੇ ਰਾਜੀ ਐਮ ਸੀ ਨੇ ਕਿਹਾ ਕੀ ਸਕਿਉਰਟੀ ਸਿਕ੍ਰੇਟ ਨੂੰ ਸਰਕਾਰ ਵਲੋਂ ਜਨਤਕ ਕਰਨਾ ਬੋਹਤ ਹੀ ਮੰਦ ਭਾਗਾ ਹੈ, ਜਿਸ ਕਾਰਨ ਬੋਹਤ ਹੀ ਉੱਚ ਸ਼ਖਸ਼ੀਅਤਾਂ ਦੀ ਜਾਨ ਖ਼ਤਰੇ ਵਿੱਚ ਹੈ ।ਇਸ ਮੌਕੇ ਖਰੜ ਹੱਲਕੇ ਚੋਂ ਸਾਰੇ ਹੀ ਮਾਣਯੋਗ ਸ਼ਖਸ਼ੀਅਤਾਂ ਨੇ ਹਾਜ਼ਰੀ ਲਗਵਾਈ । ਐਮ ਸੀ ਕਮਲ ਕਿਸ਼ੋਰ ਕਾਲਾ, ਹੈਪੀ ਅਮਰੀਕ, ਐਮ ਸੀ ਗੁਰਬਿੰਦਰ ਚੀਮਾ, ਐਮ ਸੀ ਮਨਪ੍ਰੀਤ ਮਨਾ, ਐਮ ਸੀ ਪੰਕਚ ਚੱਡਾ,  ਭੋਲਾ ਐਮ ਸੀ, ਐਮ ਸੀ ਰਾਜਬੀਰ ਰਾਜੀ, ਐਮ ਸੀ ਰਾਜਿੰਦਰ ਨੰਬਰਦਾਰ, ਟਿਵਾਣਾ ਜੀ, ਗੋਲਡੀ ਪੰਡਿਆਲਾ, ਲੋਟੇ ਬ੍ਰਦਰਸ, ਬੱਤਰਾ ਬ੍ਰਦਰਸ ਤੇ ਹੋਰ ਵੀ ਬੋਹਤ ਕਈ ਮਾਣਯੋਗ ਸਮਾਜ ਸੇਵੀ ਅਤੇ ਮਾਣਯੋਗ ਸ਼ਖਸ਼ੀਅਤਾਂ ਨੇ ਸੋਗ ਪ੍ਰਗਤ ਕੀਤਾ । ਅੱਜ ਹਰ ਵਰਗ ਦੇ ਨੌਜਵਾਨਾਂ ਦੇ ਦਿੱਲਾਂ ਵਿੱਚ ਰੋਸ ਸੀ ਤੇ ਮੁੱਖ ਤੇ ਉਦਾਸੀ ।ਇਹ ਕੈਂਡਲ ਮਾਰਚ - ਰੋਸ਼ ਪ੍ਰਦਰਸ਼ਨ ਖਰੜ ਦੁਸ਼ਹਿਰਾ ਗ੍ਰਾਉੰਡ ਤੋਂ ਲੈਕੇ ਖਰੜ ਮੇਨ ਬਜ਼ਾਰ ਵਿੱਚ ਦੀ ਹੋਕੇ ਖਰੜ ਭੂਰੁ ਚੋਂਕ, ਲਾਂਡਰਾ ਰੋਡ ਤੱਕ ਸਮਾਪਤ ਹੋਇਆ । ਤੇ ਭੂਰੁ ਚੌਂਕ ਤੇ ਸੱਬ ਨੇ ਕੈਂਡਲਾ ਜਗਾ ਕਿ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਦਿਤੀ ।