ਬਿੱਟੂ ਨੇ ਜਿਸ ਤਰਾਂ ਆਨੰਦਪੁਰ ਛੱਡਿਆ ਉਸੇ ਤਰਾਂ ਲੁਧਿਆਣਾ ਵੀ ਛੱਡ ਜਾਣਗੇ - ਬੈਂਸ
ਇਆਲੀ ਕਲਾਂ 'ਚੋ ਮਿਲੇ ਭਰਵੇਂ ਸਮਰਥਨ ਨੇ ਵਿਰੋਧੀ ਭਜਾਏ
5 ਦਰਿਆ ਨਿਊਜ਼ (ਅਜੈ ਪਾਹਵਾ)
ਲੁਧਿਆਣਾ 11-Apr-2014
ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਸਿਮਰਜੀਤ ਸਿੰਘ ਬੈਂਸ ਨੇ ਇੰਨ੍ਹੀ ਦਿਨੀ ਚੋਣ ਪ੍ਰਚਾਰ ਸ਼ਿਖਰਾਂ ਤੇ ਵਧਾਇਆ ਹੋਇਆ ਹੈ। ਅੱਜ ਸ. ਬੈਂਸ ਨੇ ਹਲਕਾ ਦਾਖਾ ਦੇ ਪਿੰਡ ਇਆਲੀ ਕਲਾਂ ਅਤੇ ਲਾਗਲੇ ਇਲਾਕਿਆਂ ਵਿੱਚ ਚੋਣ ਮੀਟਿੰਗਾਂ ਕਰਕੇ ਚੋਣ ਪ੍ਰਚਾਰ ਕੀਤਾ। ਇਕੱਠ ਨੂੰ ਸੰਬੋਧਨ ਕਰਦਿਆਂ ਪਿੰਡ ਇਆਲੀ ਕਲਾਂ ਵਿਖੇ ਸ. ਬੈਂਸ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਬਾਹਰੀ ਉਮੀਦਵਾਰ ਨੂੰ ਲੋਕ ਸਭਾ ਟਿਕਟ ਦੇ ਕੇ ਇਹ ਸਾਬਿਤ ਕਰ ਦਿੱਤਾ ਹੈ ਕਿ ਪਾਰਟੀ ਨੂੰ ਲੁਧਿਆਣਾ ਸ਼ਹਿਰ ਅੰਦਰੋ ਕੋਈ ਵੀ ਯੋਗ ਉਮੀਦਵਾਰ ਨਹੀ ਲੱਭਿਆ ਅਤੇ ਇਸੇ ਕਰਕੇ ਪਾਰਟੀ ਨੇ ਬਾਹਰੀ ਉਮੀਦਵਾਰ ਰਵਨੀਤ ਬਿੱਟੂ ਨੂੰ ਟਿਕਟ ਦੇ ਦਿੱਤੀ ਜਿੰਨ੍ਹਾਂ ਨੇ ਚੋਣਾਂ ਬਾਅਦ ਲੁਧਿਆਣਾ ਵਾਸੀਆਂ ਦੀ ਸਾਰ ਵੀ ਨਹੀਂ ਪੁੱਛਣੀ। ਸ. ਬੈਂਸ ਨੇ ਕਿਹਾ ਕਿ ਜਿਸ ਤਰਾਂ੍ਹ ਬਿੱਟੂ ਹਲਕਾ ਆਨੰਦਪੁਰ ਨੂੰ ਅੱਧ ਵਿਚਕਾਰ ਛੱਡ ਕੇ ਭੱਜ ਆਏ ਉਸੇ ਤਰਾਂ੍ਹ ਇਹਨਾਂ ਲੁਧਿਆਣਾ ਵੀ ਛੱਡ ਦੇਣਾ। ਉਹਨਾਂ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕਰਦਿਆਂ ਵੱਧ ਤੋ ਵੱਧ ਵੋਟਾਂ ਦੇ ਫਰਕ ਨਾਲ ਜਿਤਾਉਣ ਲਈ ਕਿਹਾ। ਮੀਟਿੰਗ ਵਿੱਚ ਹੋਰਨਾਂ ਤੋ ਇਲਾਵਾ ਕੁਲਵਿੰਦਰ ਸਿੰਘ, ਜਸਵਿੰਦਰ ਸਿੰਘ, ਪ੍ਰਦੀਪ ਸਿੰਘ ਗਿੱਲ, ਕਰਮਜੀਤ ਸਿੰਘ ਬੰਗਾ, ਗੁਰਿੰਦਰ ਸਿੰਘ, ਲਵਿੰਦਰ ਸਿੰਘ, ਸੰਦੀਪ ਸਿੰਘ, ਜਗਬੀਰ ਸਿੰਘ, ਹਰਪ੍ਰੀਤ ਸਿੰਘ, ਰਣਧੀਰ ਸਿੰਘ, ਮਨਜਿੰਦਰ ਸਿੰਘ, ਤਿਰਲੋਚਣ ਸਿੰਘ, ਅਜੀਤ ਸਿੰਘ, ਗੋਗਾ, ਨਰਿੰਦਰ ਸਿੰਘ ਮਾਨਕ, ਹਰਪ੍ਰੀਤ ਸਿੰਘ, ਅਰਵਿੰਦਰ ਸਿੰਘ, ਲਖਵੀਰ ਸਿੰਘ ਬਿਹਾਰਾ, ਜਗਦੀਪ ਸਿੰਘ, ਬਲਦੰਵ ਸਿੰਘ ਸਵੱਦੀ, ਜਗਦੇਵ ਸਿੰਘ, ਹਰਮਨਦੀਪ ਸਿੰਘ, ਨਿਰਭੈ ਸਿੰਘ, ਸੁੱਖਾ ਸਿੰਘ, ਰਾਜੂ ਸਿੰਘ, ਜਗਮੋਹਣ ਸਿੰਘ, ਭਜਨ ਸਿੰਘ, ਨਿਰਮਲ ਸਿੰਘ, ਲਾਲਾ ਸਿੰਘ, ਗਿਆਨ ਸਿੰਘ, ਪ੍ਰਿਤਪਾਲ ਸਿੰਘ, ਜਗੀਰ ਸਿੰਘ ਪੰਚ ਆਦਿ ਤੋ ਇਲਾਵਾ ਵੱਡੀ ਗਿਣਤੀ 'ਚ ਇਲਾਕਾ ਨਿਵਾਸੀ ਤੇ ਪਤਵੰਤੇ ਸੱਜਣ ਹਾਜ਼ਿਰ ਸਨ।