ਭਾਜਪਾ ਉਮੀਦਵਾਰ ਸੰਜੀਵ ਵਿਸ਼ਿਸ਼ਟ ਦੇ ਪਰਿਵਾਰ ਨੇ ਘਰ ਘਰ ਜਾ ਕੇ ਚੋਣ ਪ੍ਰਚਾਰ ਕੀਤਾ

5 Dariya News

ਮੋਹਾਲੀ 03-Feb-2022

ਭਾਰਤੀ ਜਨਤਾ ਪਾਰਟੀ ਦੇ ਮੋਹਾਲੀ ਤੋਂ ਉਮੀਦਵਾਰ ਸੰਜੀਵ ਵਿਸ਼ਿਸ਼ਟ ਵੱਲੋਂ ਮੀਹ ਵਿਚ ਹੀ ਜਿੱਥੇ ਲਗਾਤਾਰ ਵੱਖ ਵੱਖ ਸੈਕਟਰਾਂ ਅਤੇ ਕਾਲੋਨੀਆਂ ਵਿਚ ਮੀਟਿੰਗਾਂ ਕੀਤੀਆਂ ਜਾ ਰਹੀਆਂ ਹਨ।  ਉੱਥੇ ਹੀ ਉਨ੍ਹਾਂ ਦਾ ਪਰਿਵਾਰ ਵੀ ਲਗਾਤਾਰ ਚੋਣ ਮੁਹਿੰਮ ਦਾ ਹਿੱਸਾ ਬਣ ਰਿਹਾ ਹੈ। ਸੰਜੀਵ ਵਿਸ਼ਿਸ਼ਟ ਦੀ ਪਤਨੀ ਪੂਜਾ ਵਿਸ਼ਿਸ਼ਟ  ਅਤੇ ਉਨ੍ਹਾਂ ਦੀ ਭੈਣ ਦੀਪਤੀ ਪਰਾਸ਼ਰ ਵੱਲੋਂ ਸੰਜੀਵ ਵਿਸ਼ਿਸ਼ਟ ਦੇ ਹੱਕ ਵਿਚ  ਮੋਹਾਲੀ ਦੇ ਫ਼ੇਜ਼ ਚਾਰ, ਪੰਜ ਅਤੇ ਫ਼ੇਜ਼ ਨੌਂ ਵਿਚ ਡੋਰ ਟੂ ਡੋਰ ਪ੍ਰਚਾਰ ਕੀਤਾ ਗਿਆ।  ਮਹਿਲਾਵਾਂ ਨੇ ਡੋਰ ਟੂ ਡੋਰ ਪ੍ਰਚਾਰ ਕਰਦੇ ਹੋਏ ਭਾਜਪਾ ਦੀ ਨਰਿੰਦਰ ਮੋਦੀ ਸਰਕਾਰ ਵੱਲੋਂ ਹੁਣ ਤੱਕ ਕੀਤੇ ਕਾਰਜਾਂ ਸਬੰਧੀ ਲੋਕਾਂ ਨੂੰ ਜਾਣੁ ਕਰਵਾਇਆ।ਪੂਜਾ ਵਿਸ਼ਿਸ਼ਟ ਨੇ ਕਿਹਾ ਕਿ ਮੋਹਾਲੀ ਵਾਸੀ ਵੀ ਪਿਛਲੇ ਪੰਜ ਸਾਲ ਦੇ ਸਮੇਂ ਦੌਰਾਨ ਕਾਂਗਰਸੀ ਵਿਧਾਇਕ ਵੱਲੋਂ ਮੋਹਾਲੀ ਦਾ ਵਿਕਾਸ ਨਾ ਕਰਨ ਤੇ ਬਹੁਤ ਦੁਖੀ ਹਨ ਅਤੇ ਉਹ ਵੀ ਬਦਲਾਓ ਚਾਹੁੰਦੇ ਹਨ। 

ਲੋਕਾਂ ਨਾਲ ਗੱਲ ਕਰਦੇ ਹੋਏ ਇਹੀ ਮਹਿਸੂਸ ਹੋਇਆ ਕਿ ਉਹ ਪੰਜਾਬ ਵਿਚ ਕਾਂਗਰਸੀ ਭ੍ਰਿਸ਼ਟਾਚਾਰ ਵਾਲੀ ਸਰਕਾਰ ਨੂੰ ਜੜੋ ਪੁੱਟ ਕੇ ਭਾਜਪਾ ਦੀ ਸਰਕਾਰ ਲਿਆਉਣਾ ਚਾਹੁੰਦੇ ਹਨ ਤਾਂ ਕਿ ਆਰਥਿਕ ਪੱਖੋਂ ਪਿਛੜ ਚੁੱਕੇ ਸੂਬੇ ਦਾ ਸਹੀ ਵਿਕਾਸ ਹੋ ਸਕੇ।  ਪੂਜਾ ਨੇ ਕਿਹਾ ਕਿ ਸੰਜੀਵ ਵਿਸ਼ਿਸ਼ਟ ਕਦੀ ਸਮਾਜ ਸੇਵਾ ਤੋਂ ਪਿੱਛੇ ਨਹੀਂ ਹਟੇ ਹਨ। ਮੋਹਾਲੀ ਤੋਂ ਉਮੀਦਵਾਰ ਬਣਨ ਤੋਂ ਪਹਿਲਾਂ ਵੀ ਉਹ ਕਈ ਸਮਾਜ ਸੇਵੀ ਸੰਸਥਾਵਾਂ ਨਾਲ ਜੁੜੇ ਰਹੇ ਹਨ ਅਤੇ ਸਮਾਜ ਦੀ ਸੇਵਾ ਕਰਦੇ ਰਹੇ ਹਨ।  ਸੰਜੀਵ ਵਿਸ਼ਿਸ਼ਟ ਵੱਲੋਂ ਕੀਤੇ ਗਏ ਚੰਗੇ ਕੰਮਾਂ ਅਤੇ ਲੋਕਾਂ ਵਿਚ ਪਿਆਰ ਸਦਕਾ ਉਨ੍ਹਾਂ ਨੂੰ ਡੋਰ-ਟੂ-ਡੋਰ ਚੋਣ ਮੁਹਿੰਮ ਦੌਰਾਨ ਲੋਕਾ ਵੱਲੋਂ ਅਥਾਹ ਸਨੇਹ ਅਤੇ ਪਿਆਰ ਮਿਲ ਰਿਹਾ ਹੈ।  ਇਸ ਮੌਕੇ ਤੇ ਉਨ੍ਹਾਂ ਨਾਲ ਵੰਦਨਾ, ਪੂਨਮ ਅਤੇ  ਬੀ ਜੇ ਪੀ ਮਹਿਲਾ ਮੰਡਲ ਦੇ ਕਈ ਮੈਂਬਰਾਂ  ਨੇ ਡੋਰ ਟੂ ਡੋਰ ਪ੍ਰਚਾਰ ਕੀਤਾ।