ਫਲੌਪ ਰੋਡ ਸ਼ੋ ਨੇ ਕੈਪਟਨ ਨੂੰ ਦੇ ਦਿੱਤਾ ਗੋ ਬੈਕ ਦਾ ਫਤਵਾ – ਕਮਲ ਸ਼ਰਮਾ

ਆਰਾਜ਼ ਹੀ ਫਿੱਕਾ ਤੇ ਅੰਜਾਮ ਕੀ ਹੋਵੇਗਾ, ਕੈਪਟਨ ਦਾ ਰੋਡ ਸ਼ੋ ਖੋਦਿਆ ਪਹਾੜ ਨਿਕਲਿਆ ਚੂਹਾ

5 ਦਰਿਆ ਨਿਊਜ਼

ਅੰਮ੍ਰਿਤਸਰ 28-Mar-2014

ਅੰਮ੍ਰਿਤਸਰ ਦੇ ਕਾਂਗ੍ਰੇਸ ਤੇ ਉਮੀੱਦਵਾਰ ਘੋਸ਼ਿਤ ਹੋਣ ਤੋ ਬਾਅਦ ਪਹਲੀ ਵਾਰ ਗੁਰੂ ਨਗਰੀ ਆਉਣ ਤੇ ਕੈਪਟਨ ਅਮਰਿੰਦਰ ਸਿੰਘ ਵੱਲੋ ਕੱਢੇ ਗਏ ਰੋਡ ਸ਼ੋ ਨੂੰ ਭਾਜਪਾ ਨੇ ਫਲਾਪ ਸ਼ੋ ਕਰਾਰ ਦਿੱਤਾ ਹੈ। ਬੀਜੇਪੀ ਦੇ ਪ੍ਰਦੇਸ਼ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਸ਼ੁਕਰਵਾਰ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਕੈਪਟਨ ਦੇ ਰੋਡ ਸ਼ੋ ਚ ਹਾਜਰੀ ਕਾਫੀ ਘੱਟ ਰਹੀ ਅਤੇ ਜੋ ਹਾਜ਼ਰੀ ਸੀ, ਉਸ ਵਿੱਚ ਵੀ ਅੰਮ੍ਰਿਤਸਰ ਦੀ ਜਨਤਾ ਨਹੀਂ ਬਲਿਕ ਦੂਸਰੇ ਰਾਜਾਂ ਤੋ ਆਏ ਕਾਂਗ੍ਰੇਸ ਵਰਕਰ ਸ਼ਾਮਿਲ ਸੀ। ਇੱਸ ਫਿੱਕੇ ਪਏ ਰੋਡ ਸ਼ੋ ਤੋਂ ਗੁਰੂ ਦੀ ਨਗਰੀ ਦੇ ਲੋਕਾਂ ਵੱਲੋ ਬਣਾਈ ਗਈ ਦੂਰੀ ਨੇ ਸਾਬਿਤ ਕਰ ਦਿੱਤਾ ਹੈ ਕਿ ਆਉਣ ਵਾਲੇ ਦਿਨਾਂ ਚ ਕਾਂਗ੍ਰੇਸ ਉਮੀਦਵਾਰ ਨੂੰ ਗੁਰੂ ਨਗਰੀ ਦੇ ਵੋਟਰਾਂ ਵੱਲੋ ਕੀ ਜਵਾਬ ਮਿਲੇਗਾ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਉਮੀਦਵਾਰ ਘੋਸ਼ਿਤ ਹੋਣ ਤੋ ਬਾਅਦ ਕੈਪਟਨ ਸਾਹਿਬ ਗੁਰੂ ਨਗਰੀ ਚ ਕਾਫੀ ਦਿਨਾਂ ਬਾਅਦ ਆਏ, ਸ਼ਾਇਦ ਇੰਨੇ ਦਿਨਾਂ ਤੋ ਰੋਡ ਸ਼ੋ ਦੀ ਤਿਆਰੀਆਂ ਵਿੱਚ ਲੱਗੇ ਹੋਏ ਸੀ। ਕਾਂਗ੍ਰੇਸ ਵੀ ਦਾਵੇ ਕਰ ਰਹੀ ਸੀ ਕਿ ਰੋਡ ਸ਼ੋ ਏਤਿਹਾਸਿਕ ਹੋਵੇਗਾ, ਲੇਕਿਨ ਰੋਡ ਸ਼ੋ ਖੋਦਿਆ ਪਹਾੜ ਨਿਕਲਿਆ ਚੂਹਾ ਦੀ ਕਹਾਨੀ ਬਿਆਨ ਕਰ ਗਿਆ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਪਿਛਲੇ ਹਫਤੇ ਜਦੋਂ ਸ਼੍ਰੀ ਅਰੂਣ ਜੇਤਲੀ ਜੀ ਨੇ ਰੋਡ ਸ਼ੋ ਕੱਢਿਆ ਸੀ ਤਾਂ ਉਹ ਕੈਪਟਨ ਸਾਹਿਬ ਦੇ ਰੋਡ ਸ਼ੋ ਤੋਂ ਕਈ ਗੁਣਾ ਵੱਡਾ ਸੀ ਅਤੇ ਅੰਮ੍ਰਿਤਸਰ ਦੀ ਜਨਤਾ ਨੇ ਬੜੇ ਉਤਸ਼ਾਹ ਨਾਲ ਇਸ ਵਿੱਚ ਵੱਧ-ਚੜ ਕੇ ਹਿੱਸਾ ਲਿਆ ਸੀ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਦਰਅਸਲ ਜਨਤਾ ਇਸ ਵਾਰ ਕਾਂਗ੍ਰੇਸ ਦੇ ਭਰਿਸ਼ਟਾਚਾਰ ਅਤੇ ਮੰਹਗਾਈ ਦੀ ਦੇਨ ਤੋ ਦੁਖੀ ਹੈ ਅਤੇ ਕਾਂਗ੍ਰੇਸ ਨੂੰ ਉਖਾੜਨ ਦਾ ਮਨ ਬਨਾ ਚੁਕੀ ਹੈ।