ਕੋਵਿਡ ਸੈਸ ਦਾ ਪੈਸਾ ਸਿਹਤ ਸੇਵਾਵਾਂ ਤੇ ਖਰਚ ਹੋਵੇਗਾ: ਰਵੀਕਾਂਤ ਸ਼ਰਮਾ

ਸੈਸ ਵਿੱਚ ਆਏ 28 ਕਰੋੜ ਚੋੰ 10 ਕਰੋੜ ਸਿਹਤ ਵਿਭਾਗ ਨੂੰ ਹੋਣਗੇ ਜਾਰੀ

5 Dariya News

ਚੰਡੀਗੜ੍ਹ 12-Dec-2021

ਚੰਡੀਗੜ੍ਹ ਨਗਰ ਨਿਗਮ ਦੇ ਮੇਅਰ ਰਵੀਕਾਂਤ ਸ਼ਰਮਾ ਨੇ ਵਿਰੋਧੀਆਂ ਤੇ ਪਲਟਵਾਰ ਕਰਦੇ ਹੋਏ ਕਿਹਾ ਹੈ ਕਿ ਨਿਗਮ ਨੂੰ ਕੋਵਿਡ ਸੈਸ ਦੇ ਰੂਪ ਵਿੱਚ ਮਿਲਿਆ ਪੈਸਾ ਕਰੋਨਾ ਰਾਹਤ ਅਤੇ ਸਿਹਤ ਸਹੂਲਤਾਂ ਨੂੰ ਮਜਬੂਤ ਕਰਨ ਤੇ ਖਰਚ ਕੀਤਾ ਜਾਵੇਗਾ। ਇਸ ਮੁੱਦੇ ਤੇ ਭਾਜਪਾ ਨੂੰ ਘੇਰਨ ਵਾਲੇ ਕਾਂਗਰਸੀ ਇੱਕ ਵਾਰ ਸ਼ਹਿਰ ਵਾਸੀਆਂ ਨੂੰ ਦੱਸਣ ਕਿ ਉਨ੍ਹਾਂ ਕਰੋਨਾ ਕਾਲ ਵਿੱਚ ਕੀ ਕੀਤਾ ਹੈ। ਸ਼ਹਿਰ ਵਾਸੀ ਇਸ ਬਾਰੇ ਵਿੱਚ ਜਾਣਨਾ ਚਾਹੁੰਦੇ ਹਨ।ਵੀਕਾਂਤ ਸ਼ਰਮਾ ਨੇ ਅੱਜ ਪਾਰਟੀ ਦਫਤਰ ਵਿੱਚ ਆਯੋਜਿਤ ਪ੍ਰੈਸ ਬ੍ਰੀਫਿੰਗ ਦੌਰਾਨ ਦੱਸਿਆ ਕਿ ਨਿਗਮ ਨੂੰ ਕੋਵਿਡ ਸੈਸ ਦੇ ਰੂਪ ਵਿੱਚ ਕੁੱਲ 28 ਕਰੋੜ ਮਿਲੇ ਹਨ। ਇਹ ਪੈਸਾ ਕਰੋਨਾ ਰਾਹਤ ਅਤੇ ਸਿਹਤ ਸੇਵਾਵਾਂ ਤੇ ਖਰਚ ਕੀਤਾ ਜਾ ਰਿਹਾ ਹੈ। ਮੀਡੀਆ ਬ੍ਰੀਫਿੰਗ ਦੌਰਾਨ ਪਾਰਟੀ ਦੇ ਬੁਲਾਰੇ ਕੈਲਾਸ਼ ਜੈਨ, ਦਫਤਰੀ ਸਕੱਤਰ ਦੀਪਕ ਮਲਹੋਤਰਾ ਵੀ ਮੌਜੂਦ ਸਨ। ਸ਼ਰਮਾ ਨੇ ਦੱਸਿਆ ਕਿ 28 ਕਰੋੜ ਚੋ 10 ਕਰੋੜ ਰੁਪਏ ਸਿਹਤ ਵਿਭਾਗ ਨੂੰ ਦਿੱਤੇ ਜਾ ਰਹੇ ਹਨ। ਇਸਦੀ ਸਾਰੀ ਕਾਰਵਾਈ ਪੂਰੀ ਹੋ ਚੁੱਕੀ ਹੈ। ਇਸ ਤੋੰ ਇਲਾਵਾ ਨਿਗਮ ਅਧੀਨ ਆਉੂੰਦੀ ਡਿਸਪੈ਼ਸਰੀ ਅਤੇ ਚੰਡੀਗੜ੍ਹ ਨੂੰ ਰੇਬੀਜ ਫ੍ਰੀ ਬਣਾਉਣ ਤੇ ਕੋਵਿਡ ਸੈਸ ਖਰਚ ਕੀਤਾ ਜਾਵੇਗਾ। ਮੇਅਰ ਨੇ ਦੱਸਿਆ ਕਿ ਚੰਡੀਗੜ੍ਹ ਨਿਗਮ ਵਲੋਂ ਗੋਆ ਦੀ ਤਰਜ ’ਤੇ ਚੰਡੀਗੜ੍ਹ ਨੂੰ ਵੀ ਰੇਬੀਜ਼ ਫਰੀ ਬਣਾਇਆ ਜਾ ਰਿਹਾ ਹੈ। ਇਹ ਪੈਸਾ ਇਸ ਪ੍ਰਾਜੈਕਟ ’ਤੇ ਵੀ ਖਰਚ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੇ ਕਾਰਜਕਾਲ ਵਿਚ ਵਿੱਤੀ ਸੰਕਟ ਦਾ ਹਵਾਲਾ ਦੇ ਕੇ ਨਿਗਮ ਵਿਚ ਜਿੰਦਾ ਲਗਾਉਣ ਦੀ ਗੱਲ ਕੀਤੀ ਜਾਂਦੀ ਹੈ, ਉਥੇ ਹੀ ਭਾਜਪਾ ਦੇ ਕਾਰਜਕਾਲ ਵਿਚ ਬਿਨ੍ਹਾ ਕੋਈ ਟੈਕਸ ਲਗਾਏ ਵਿੱਤੀ ਸਥਿਤੀ ਨੂੰ ਮਜਬੂਤ ਕੀਤਾ ਗਿਆ ਹੈ। 

ਐਤਵਾਰ ਨੂੰ ਭਾਜਪਾ ਦਫ਼ਤਰ ਵਿਚ ਰਵੀਕਾਂਤ ਸ਼ਰਮਾ ਅਤੇ ਭਾਜਪਾ ਬੁਲਾਰੇ ਕੈਲਾਸ਼ ਜੈਨ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੋਰੋਨਾ ਕਾਲ ਦੌਰਾਨ ਪਹਿਲੇ ਲਾਕਡਾਊਨ ਵਿਚ ਭਾਜਪਾ ਦੇ 2400 ਤੋਂ ਵੱਧ ਵਰਕਰਾਂ ਨੇ ਸੇਵਾ ਹੀ ਸੰਗਠਨ ਦੇ ਜਰੀਏ ਕੰਮ ਕੀਤਾ। ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਵਿਚ ਵੱਖ ਵੱਖ ਥਾਵਾਂ ’ਤੇ 52 ਰਸੋਈਆਂ ਚਲਾ ਕੇ 75,000 ਪੈਕੇਟ ਰੋਜ਼ਾਨਾ ਵੰਡੇ ਗਏ। ਕੋਰੋਨਾ ਕਾਲ ਵਿਚ ਕੁੱਲ 32 ਲੱਖ 99 ਹਜ਼ਾਰ 515 ਭੋਜਨ ਪੈਕੇਟ ਅਤੇ 11 ਹਜ਼ਾਰ 652 ਸੁੱਕੇ ਰਾਸ਼ਟ ਦੇ ਪੈਕਟ ਵੰਡੇ ਗਏ। ਇਸਤੋਂ ਇਲਾਵਾ ਵਰਕਰਾਂ ਨੇ 5 ਲੱਖ 50 ਹਜ਼ਾਰ ਮਾਸਕ ਵੀ ਵੰਡੇ ਹਨ। ਉਨ੍ਹਾਂ ਦੱਸਿਆ ਕਿ ਪ੍ਰਧਾਨ ਮੰਤਰੀ ਰਾਹਤ ਫੰਡ ਵਿਚ ਯੋਗਦਾਨ ਲਈ 23 ਹਜ਼ਾਰ 710 ਚੰਡੀਗੜ੍ਹ ਵਾਸੀਆਂ ਦੀ ਮਦਦ ਨਾਲ ਦੋ ਕਰੋੜ 27 ਲੱਖ 46 ਹਜ਼ਾਰ 872 ਰੁਪਏ ਦਿੱਤੇ ਗਏ। ਇਥੇ ਹੀ ਬੱਸ ਨਹੀਠ ਪਾਰਟੀ ਦੇ 110 ਵਰਕਰਾਂ ਨੇ ਆਪਣੀ ਜਾਨ ’ਤੇ ਖੇਡ ਕੇ ਕੋਰੋਨਾ ਮਰੀਜ਼ਾਂ ਨਾਲ ਰਹਿ ਕੇ ਉਨ੍ਹਾਂ ਦੀ ਜਾਨ ਬਚਾਉਣ ਦਾ ਕੰਮ ਕੀਤਾ। 2291 ਅਹੁਦੇਦਾਰਾਂ ਨੇ ਵੱਖ ਵੱਖ ਥਾਵਾਂ ’ਤੇ ਸਮਾਗਮ ਚਲਾ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ। ਸ਼ਹਿਰ ਵਿਚ 3 ਲੱਖ 34 ਹਜ਼ਾਰ ਲੋਕਾਂ ਤੋਂ ਅਰੌਗਿਆ ਸੇਤੂ ਐਪ ਡਾਊਨਲੋਡ ਕਰਵਾਇਆ ਗਿਆ। ਸ਼ਰਮਾ ਨੇ ਦੱਸਿਆ ਕਿ ਸ਼ਹਿਰ ਵਿਚ ਕੋਰਨਾ ਕਾਲ ਦੌਰਾਨ ਭਾਜਪਾ ਵੱਖ ਵੱਖ ਥਾਵਾਂ ’ਤੇ ਹੈਲਪ ਲਾਈਨ ਕਾਊਟਰ ਬਣਾਏ ਗਏ। ਜਿਸ ਵਿਚ 2280 ਲੋਕਾਂ ਨੇ ਹੈਲਕ ਲਈ। ਕੋਰੋਨਾ ਦੌਰਾਨ ਜਦੋਂ ਖੂਨ ਦਾ ਸੰਕਟ ਆਇਆ ਤਾਂ ਭਾਜਪਾ ਵਲੋਂ 697 ਯੂਨਿਟ ਇਕੱਤਰ ਕੀਤਾ ਗਿਆ। 7150 ਪ੍ਰਵਾਸੀਆਂ ਨੂੰ ਲੋੜ ਦਾ ਸਾਮਾਨ ਮੁਹੱਈਆ ਕਰਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਲਹਿਰ ਦੌਰਾਨ ਭਾਜਪਾ ਵਰਕਰਾਂ ਨੇ ਜਿਸ ਤਰ੍ਹਾਂ ਨਾਲ ਪ੍ਰਸ਼ਾਸਨ ਦੇ ਨਾਲ ਮਿਲ ਕੇ ਸ਼ਹਿਰ ਵਾਸੀਆਂ ਦੀ ਮਦਦ ਕੀਤੀ ਤਾਂ ਦੂਸਰੀ ਲਹਿਰ ਦੌਰਾਨ ਸ਼ਹਿਰ ਵਿਚ ਕੋਈ ਆਕਸੀਜਨ ਦਾ ਸੰਕਟ ਨਹੀਂ ਆਇਆ। ਦਿੱਲੀ ਸਮੇਤ ਗੁਆਂਢੀ ਸੂਬਿਆਂ ਦੇ ਮਰੀਜ਼ਾਂ ਦਾ ਇਲਾਜ ਵੀ ਚੰਡੀਗੜ੍ਹ ਵਿਚ ਹੀ ਹੋਇਆ।

ਕੋਰੋਨਾ ਵਿਚ ਕੀਤੇ ਕੰਮਾਂ ’ਤੇ ਸ਼ਹਿਰ ਵਾਸੀਆਂ ਨੂੰ ਰਿਪੋਰਟ ਦੇਵੇ ਕਾਂਗਰਸ

ਨਿਗਮ ਦੇ ਮੇਅਰ ਰਵੀਕਾਂਤ ਸ਼ਰਮਾ ਨੇ ਕੋਰੋਨਾ ਕਾਰਜਾਂ ਨੂੰ ਲੈ ਕੇ ਕਾਂਗਰਸ ਨੂੰ ਘੇਰਦਿਆਂ ਕਿਹਾ ਕਿ ਭਾਜਪਾ ਤੋਂ ਸਵਾਲ ਕਰਨ ਵਾਲੀ ਕਾਂਗਰਸ ਪਹਿਲਾਂ ਆਪਣੇ ਪੀੜੇ ਥੱਲੇ ਸੋਟਾ ਫੇਰੇ। ਕਾਂਗਰਸ ਸ਼ਹਿਰ ਵਾਸੀਆਂ ਨੂੰ ਰਿਪੋਰਟ ਜਾਰੀ ਕਰੇ ਅਤੇ ਦੱਸੇ ਕਿ ਉਨ੍ਹਾਂ ਨੇ ਕੋਰੋਨਾ ਕਾਲ ਵਿਚ ਕੀ ਕੀ ਕੀਤਾ ਹੈ।