ਸਿੱਖਿਆ ਨਾਲ ਹੀ ਸੰਵਰ ਸਕਦਾ ਹੈ ਦੇਸ਼ ਦਾ ਭਵਿੱਖ : ਰਾਜ ਕੁਮਾਰ ਵੇਰਕਾ
ਦੇਸ਼ ਭਗਤ ਯੂਨੀਵਰਸਿਟੀ ਵਿਖੇ ਆਯੁਰਵੇਦ ਸਬੰਧੀ ਕਰਵਾਏ ਸੈਮੀਨਾਰ ਵਿੱਚ ਕੈਬਨਿਟ ਮੰਤਰੀ ਰਾਜ ਕੁਮਾਰ ਵੇਰਕਾ ਨੇ ਕੀਤੀ ਸਿ਼ਰਕਤ
5 Dariya News
ਮੰਡੀ ਗੋਬਿੰਦਗੜ੍ਹ 02-Dec-2021
ਦੇਸ਼ ਭਗਤ ਆਯੁਰਵੇਦਿਕ ਕਾਲਜ਼ ਤੇ ਹਸਪਤਾਲ ਵਿਖੇ ਆਯੁਰਵੇਦ ਸਬੰਧੀ ਦੋ ਰੋਜ਼ਾ ਕੌਮੀ ਸੈਮੀਨਾਰ ਕਰਵਾਇਆ ਗਿਆ, ਜਿਸ ਦਾ ਉਦਘਾਟਨ ਕੈਬਨਿਟ ਮੰਤਰੀ ਪੰਜਾਬ ਰਾਜ ਕੁਮਾਰ ਵੇਰਕਾ ਨੇ ਕਰਦਿਆਂ ਕਿਹਾ ਕਿ ਨਵੀਂ ਪੀੜ੍ਹੀ ਵਾਸਤੇ ਸਿੱਖਿਆ ਬਹੁਤ ਅਹਿਮ ਹੈ। ਉਨ੍ਹਾਂ ਕਿਹਾ ਕਿ ਸਿੱਖਿਆ ਨਾਲ ਹੀ ਦੇਸ਼ ਦਾ ਭਵਿੱਖ ਸਵਾਰਿਆ ਜਾ ਸਕਦਾ ਹੈ। ਸ਼੍ਰੀ ਵੇਰਕਾ ਨੇ ਕਿਹਾ ਕਿ ਗਿਆਨ ਤੋਂ ਬਿਨਾਂ ਅਤੇ ਇਸ ਦੀ ਵਰਤੋਂ ਤੋਂ ਬਿਨਾਂ ਸਮਾਜ ਦਾ ਸੁਧਾਰ ਨਹੀਂ ਹੋ ਸਕਦਾ। ਉਨ੍ਹਾਂ ਨੇ ਸੈਮੀਨਾਰ ਦੇ ਰੂਪ ਵਿੱਚ ਕੀਤੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਸ਼੍ਰੀ ਵੇਰਕਾ ਨੇ ਵਿਦਿਆ ਦੇ ਫੈਲਾਅ ਲਈ ਸ਼ੁਰੂ ਕੀਤੀ ਗ੍ਰਾਮੀਣ ਗਿਆਨ ਲਾਇਬ੍ਰੇਰੀ ਦਾ ਉਦਘਾਟਨ ਵੀ ਕੀਤਾ। ਇਹ ਸੈਮੀਨਾਰ ਕਰਵਾਉਣ ਦਾ ਮੁੱਖ ਮੰਤਵ 21ਵੀਂ ਸਦੀ ਵਿੱਚ ਆਯੁਰਵੇਦ ਅਤੇ ਇਸ ਦੇ ਭਵਿੱਖ ਮੁਖੀ ਪੱਖਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਸੀ।ਸੈਮੀਨਾਰ ਦੇ ਉਦਘਾਟਨੀ ਸੈਸ਼ਨ ਦੌਰਾਨ ਦੇਸ਼ ਭਗਤ ਯੂਨੀਵਰਸਿਟੀ ਦੇ ਚਾਂਸਲਰ ਡਾ: ਜੋਰਾ ਸਿੰਘ ਨੇ ਕੈਬਨਿਟ ਮੰਤਰੀ ਸ਼੍ਰੀ ਰਾਜ ਕੁਮਾਰ ਵੇਰਕਾ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਸ਼੍ਰੀ ਵੇਰਕਾ ਨੇ ਹਮੇਸ਼ਾਂ ਲੋਕਾਂ ਦੇ ਵਿਕਾਸ ਅਤੇ ਭਲਾਈ ਖਾਸ ਕਰਕੇ ਐਸ.ਸੀ., ਐਸ.ਟੀ. ਅਤੇ ਪੱਛੜੀਆਂ ਸ਼ੇ੍ਣੀਆਂ ਲਈ ਵੱਧ ਚੜ੍ਹ ਕੇ ਕੰਮ ਕੀਤਾ ਹੈ। ਇਸ ਮੌਕੇ ਡਾ: ਜ਼ੋਰਾ ਸਿੰਘ, ਸੰਦੀਪ ਸਿੰਘ ਪ੍ਰਧਾਨ ਦੇਸ਼ ਭਗਤ ਯੂਨੀਵਰਸਿਟੀ ਅਤੇ ਸ਼੍ਰੀਮਤੀ ਤੇਜਿੰਦਰ ਕੌਰ ਪ੍ਰੋ: ਚਾਂਸਲਰ ਦੇਸ਼ ਭਗਤ ਯੂਨੀਵਰਸਿਟੀ ਵੱਲੋਂ ਮਮੈਟੋ ਦੇ ਕੇ ਕੈਬਨਿਟ ਮੰਤਰੀ ਦਾ ਸਨਮਾਨ ਵੀ ਕੀਤਾ। ਉਨ੍ਹਾਂ ਨੇ ਇਸ ਸੈਮੀਨਾਰ ਵਿੱਚ ਹਾਜਰੀ ਲਗਵਾਉਣ ਲਈ ਕੈਬਨਿਟ ਮੰਤਰੀ ਦਾ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਵੀ ਕੀਤਾ।
ਇਸ ਮੌਕੇ ਏ.ਐਮ.ਓ. ਫ਼ਤਹਿਗੜ੍ਹ ਸਾਹਿਬ ਡਾ: ਰਾਜਨ ਕੌਸ਼ਲ ਨੇ ਆਯੁਰਵੇਦ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੱਤੀ ਅਤੇ ਕਿਹਾ ਕਿ ਆਯੁਰਵੇਦ ਮਾਨਸਿਕ ਅਤੇ ਸਰੀਰਕ ਸੰਤੁਲਨ ਵੱਲ ਧਿਆਨ ਦਿੰਦਾ ਹੈ ਅਤੇ ਇਸ ਐਲਾਜ ਪ੍ਰਣਾਲੀ ਵਿੱਚ ਸਮੱਸਿਆ ਦੀ ਜੜ੍ਹ ਤੱਕ ਪਹੁੰਚ ਕੀਤੀ ਜਾਂਦੀ ਹੈ। ਸੈਮੀਨਾਰ ਦੇ ਪਹਿਲੇ ਦਿਨ ਦੇ ਤਕਨੀਕੀ ਸੈਸ਼ਨ ਡਾ: ਸ਼ਾਰਦਾ, ਪ੍ਰਿੰਸੀਪਲ ਜੇ.ਆਈ.ਏ. ਐਂਡ ਆਰ ਅਤੇ ਡਾ: ਹਰਬੰਸ ਸਿੰਘ ਐਚ.ਓ.ਡੀ. ਕਾਇਆ ਚਿਕਿਤਸਾ, ਰਿਸਰਚ ਅਫਸਰ ਸੀ.ਏ.ਆਰ.ਆਈ. ਪਟਿਆਲਾ ਵੱਲੋਂ ਕਰਵਾਏ ਗਏ। ਇਸੇ ਤਰ੍ਹਾਂ ਦੂਜੇ ਦਿਨ ਦੇ ਸ਼ੈਸ਼ਨ ਪ੍ਰੋ: ਪੀ.ਕੇ. ਪ੍ਰਜਾਪਤੀ, ਏ.ਆਈ.ਆਈ.ਏ., ਡਾ: ਅਨਿਲ ਸ਼ਰਮਾ ਐਚ.ਓ.ਡੀ. ਦਰਵਿਆ ਗੁਣਾਂ ਵਿਭਾਗ ਐਸ.ਕੇ. ਜੀ.ਸੀ. ਐਂਡ ਐਚ ਕੁਰਕਸ਼ੇਤਰ ਵੱਲੋਂ ਕਰਵਾਏ ਗਏ। ਇਸ ਮੌਕੇ ਵੱਖ-ਵੱਖ ਸਖਸ਼ੀਅਤਾਂ ਵੱਲੋਂ ਆਯੁਰਵੇਦ ਸਬੰਧੀ ਵਿਸਥਾਰ ਵਿੱਚ ਆਪਣੇ ਵਿਚਾਰ ਸਾਂਝੇ ਕੀਤੇ ਗਏ। ਜਿਨ੍ਹਾਂ ਵਿੱਚ ਡਾਕਟਰ ਨਰੇਸ਼ ਕੁਮਾਰ ਭਾਰਗਵ ਐਸ.ਕੇ.ਏ.ਯੂ. ਕੁਰਕਸ਼ੇਤਰ, ਡਾ: ਵਿਵੇਕ ਅਗਰਵਾਲ ਅਤੇ ਡਾ: ਅਨੰਦ ਪ੍ਰਸਾਦ ਐਮ.ਐਸ.ਐਮ. ਇੰਸਟੀਚਿਊਟ ਆਫ ਆਯੁਰਵੇਦ, ਬੀ.ਪੀ.ਐਸ. ਮਹਿਲਾ ਵਿਸ਼ਵ ਵਿਦਿਆਲਿਆ ਸੋਨੀਪਤ ਸ਼ਾਮਲ ਸਨ।ਇਸ ਮੌਕੇ ਸ਼੍ਰੀ ਵੇਰਕਾ ਵੱਲੋਂ ਡਾ: ਰਵੀ ਕੁਮਾਰ, ਡਾ: ਹਰਬਾਣੀ ਸਿੰਘ, ਡਾ: ਰਾਜਨ ਕੌਸ਼ਲ, ਡਾ: ਸ਼ਾਰਦਾ, ਡਾ: ਸੰਦੀਪ, ਡਾ: ਰਵੀ ਕਾਂਤ, ਡਾ: ਅਮਨ ਕੌਸ਼ਲ ਅਤੇ ਡਾ: ਰਾਕੇਸ਼ ਸ਼ਰਮਾ ਦਾ ਸਨਮਾਨ ਵੀ ਕੀਤਾ ਗਿਆ।