ਪਦਮ ਸ਼੍ਰੀ ਵਿਕਰਮਜੀਤ ਸਿੰਘ ਸਾਹਨੀ ਨੇ ਜਯੋਤੀ ਨੂਰਾ ਦੇ ਨਾਲ ਅਪਣੀ ਧੁਨ "ਤੂ ਹੀ ਇੱਕ ਤੂ" ਨੂੰ ਪ੍ਰਕਾਸ਼ਿਤ ਕੀਤਾ

5 Dariya News

ਚੰਡੀਗੜ੍ਹ 18-Sep-2021

ਕਰੋਨਾ ਵਾਇਰਸ ਨੇ ਜਿੱਥੇ ਪੂਰੀ ਦੁਨੀਆ ਵਿੱਚ ਅਪਣਾ ਕਹਿਰ ਵਰਤਾਇਆ ਹੈ, ਓਥੇ ਹੀ ਸਾਡੇ ਸਾਰਿਆਂ ਦੇ ਵਿੱਚ ਲੁਕੇ ਹੋਏ ਸੂਪਰਹੀਰੋਜ਼ ਨੂੰ ਵੀ ਬਾਹਰ ਕੱਢਿਆ ਹੈ, ਜਿਹੜੇ ਕਿ ਇਸ ਮਹਾਮਾਰੀ ਦੌਰਾਨ ਵੀ ਪੂਰੀ ਦੁਨੀਆ ਨੂੰ ਉਜਾਗਰ ਕਰਨ ਦੀ ਕੋਸ਼ਿਸ਼ ਵਿੱਚ ਲੱਗੇ ਹੋਏ ਹਨ। ਹਾਲ ਹੀ ਵਿੱਚ ਪਦਮ ਸ਼੍ਰੀ ਨਾਲ ਸਨਮਾਨਿਤ ਹੋਏ ਵਿਕਰਮਜੀਤ ਸਿੰਘ ਸਾਹਨੀ ਸਾਡੇ ਵਿੱਚ ਅਜਿਹੇ ਹੀ ਇੱਕ ਸੂਪਰਹੀਰੋ ਸਾਬਿਤ ਹੋਏ ਹਨ ਜੀਹਨਾਂ ਨੇ ਕੁਝ ਅਜਿਹੇ ਹੀ ਕੰਮ ਕੀਤੇ ਹਨ ਜੋ ਕਿ ਅਸੀਂ ਸ਼ਬਦਾਂ ਨਾਲ ਨਹੀਂ ਬਿਆਨ ਕਰ ਸਕਦੇ । ਆਪਣੇ ਵਿਚਾਰਾਂ ਅਤੇ ਗੱਲਾਂ'ਤੇ ਕਾਇਮ ਰਹਿੰਦੇ ਹੋਏ ਇਹਨਾਂ ਨੇ ਮਨੁੱਖੀ ਕਦਰਾਂ-ਕੀਮਤਾਂ ਅਤੇ ਸਮਾਜ ਦੀ ਤਰੱਕੀ ਲਈ ਇੱਕ ਕਰੋਨਾ ਯੋਧਾ ਬਣ ਕੇ ਲੋਕਾਂ ਤੇ ਕਰੋਨਾ ਪੀੜਿਤਾਂ ਲਈ ਔਕਸੀਜ਼ਨ ਕੰਸੰਟਰੇਟਰ, ਸਿਲੰਡਰ ਅਤੇ ਪੌਦਿਆਂ ਦਾ ਪੂਰਾ ਪਰਬੰਧ ਕੀਤਾ, ਇਸ ਦੇ ਨਾਲ ਨਾਲ ਅਫ਼ਗਾਨੀ ਸ਼ਰਨਾਰਥੀਆਂ ਦਾ ਮੁੜ ਵਸੇਬਾ ਤੇ ਪੰਜਾਬੀ ਨੌਜਵਾਨਾਂ ਦੇ ਹੁਨਰ ਵਧਾਉਣ ਲਈ ਮੁਫ਼ਤ ਸੇਵਾਵਾਂ ਕਰਦੇ ਹੋਏ ਬਾਖ਼ੂਬੀ ਆਪਣੀ ਸੇਵਾ ਨਿਭਾਈ।ਮਨੁੱਖਤਾ ਦੀ ਸੇਵਾ ਕਰਨ ਦੇ ਉਦੇਸ਼ ਨਾਲ, ਚਿੰਤਾ ਅਤੇ ਉਦਾਸੀ ਤੋਂ ਪੀੜਿਤ ਲੋਕਾਂ ਲਈ ਇਹ ਸਮਾਜ ਨੂੰ ਇੱਕ ਨਵੇਂ ਢੰਗ ਨਾਲ ਮਸ਼ਹੂਰ ਸੂਫ਼ੀ ਗਾਇਕਾ ਜਯੋਤੀ ਨੂਰਾ ਦੀ ਬੁਲੰਦ ਆਵਾਜ਼ ਰਾਹੀਂ ਇੱਕ ਨਵੇਂ ਗੀਤ 'ਤੂ ਹੀ ਇੱਕ ਤੂ' ਨਾਲ ਰਾਹਤ ਦੇਣ ਆ ਰਹੇ ਨੇ।ਟੀਮ ਬਾਰੇ ਗੱਲ ਕਰੀਏ ਤਾਂ ਜਤਿੰਦਰ ਸ਼ਾਹ ਨੇ ਇਸ ਗਾਣੇ ਦਾ ਸੰਗੀਤ ਤਿਆਰ ਕੀਤਾ ਹੈ।ਜਤਿੰਦਰ ਸ਼ਾਹ ਇੱਕ ਮਸ਼ਹੂਰ ਸੰਗੀਤ ਨਿਰਮਾਤਾ ਅਤੇ ਨਿਰਦੇਸ਼ਕ ਹਨ ਜੋ ਪੰਜਾਬੀ ਸੰਗੀਤ ਅਤੇ ਫ਼ਿਲਮ ਉਦਯੋਗ ਵਿੱਚ ਆਪਣੀ ਸੰਗੀਤ ਰਚਨਾ ਲਈ ਮਸ਼ਹੂਰ ਹਨ। 

ਗਾਣੇ ਦੇ ਬੋਲ ਬਾਬੂ ਸਿੰਘ ਮਾਨ ਨੇ ਲਿਖੇ ਹਨ। 'ਤੂ ਹੀ ਇੱਕ ਤੂ' ਦੇ ਵੀਡੀਓ ਦਾ ਨਿਰਦੇਸ਼ਨ ਪੂਜਾ ਗੁਜਰਾਲ ਨੇ ਕੀਤਾ ਹੈ, ਜੋ ਕਿ ਸੰਗੀਤ ਉਦਯੋਗ ਵਿੱਚ ਇੱਕ ਮਸ਼ਹੂਰ ਨਿਰਮਾਤਾ, ਨਿਰਦੇਸ਼ਕ ਅਤੇ ਰਚਨਾਤਮਕ ਮੁਖੀ ਹੈ।ਇਹ ਗੀਤ ਵਿਕਰਮਜੀਤ ਸਿੰਘ ਸਾਹਨੀ ਦੇ ਆਪਣੇ ਸੰਗੀਤ ਲੇਬਲ 'ਵੀ ਪੰਜਾਬੀ ਰੇਕੌਰਡਜ਼' ਦੇ ਤਹਿਤ ਪਹਿਲੇ ਗਾਣੇ ਵੱਜੋਂ ਰਿਲੀਜ਼ ਕੀਤਾ ਜਾਵੇਗਾ। ਸੰਗੀਤ ਦੀ ਧੁਨ ਵਾਲਾ ਇਹ ਗਾਣਾ ਸਰੋਤਿਆਂ ਵਿੱਚ ਚੰਗੀਆਂ ਭਾਵਨਾਵਾਂ ਪ੍ਰਗਟ ਕਰਨ ਲਈ ਸਕਾਰਾਤਮਕ ਊਰਜਾ ਪੈਦਾ ਕਰੇਗਾ।ਜਯੋਤੀ ਨੂਰਾ ਨੇ ਕਿਹਾ, "ਮੈਂ ਆਪਣੇ ਅਤੀਤ ਵਿੱਚ ਬਹੁਤ ਸਾਰੇ ਪ੍ਰੋਜੈਕਟ ਕੀਤੇ ਹਨ ਪਰ ਇਹ ਸੱਚੀ ਵਿੱਚ ਵਿਸ਼ੇਸ਼ ਹੈ ਕਿਉਂਕਿ ਮੈਨੂੰ ਕੋਵਿਡ ਯੋਧੇ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ ਜੋ ਰੱਬ ਦਾ ਦੂਤ ਹੈ।"ਵੀ ਪੰਜਾਬੀ ਰਿਕਾਰਡਜ਼ ਦੇ ਮਾਲਕ ਵਿਕਰਮਜੀਤ ਸਿੰਘ ਸਾਹਨੀ ਨੇ ਕਿਹਾ, "ਮੈਂ ਆਪਣੀ ਜ਼ਿੰਦਗੀ ਦੇ ਇਸ ਨਵੇਂ ਉੱਦਮ ਲਈ ਪਰਮਾਤਮਾ ਦਾ ਬਹੁਤ ਧੰਨਵਾਦ ਕਰਦਾ ਹਾਂ। ਮੈਂ ਬਹੁਤ ਸਾਰੇ ਗਾਣੇ ਕੀਤੇ ਹਨ ਪਰ ਇਹ ਮੇਰੇ ਦਿਲ ਦੇ ਬਹੁਤ ਨੇੜੇ ਹੈ ਕਿਉਂਕਿ ਮੈਂ ਇਸ ਨੂੰ ਆਪਣੇ ਵੀ ਪੰਜਾਬੀ ਰਿਕੌਰਡਜ਼ ਸੰਗੀਤ ਲੇਬਲ'ਤੇ ਪਹਿਲੇ ਗਾਣੇ ਵੱਜੋਂ ਲੌਂਚ ਕਰ ਰਿਹਾ ਹਾਂ, ਨਾਲ ਹੀ ਮੈਂ ਜਯੋਤੀ ਨੂਰਾ, ਜਤਿੰਦਰ ਸ਼ਾਹ ਅਤੇ ਮੇਰੀ ਸਾਰੀ ਟੀਮ ਦਾ ਉਨ੍ਹਾਂ ਦੇ ਵਿਸ਼ਵਾਸ ਲਈ ਸੱਚੀ ਧੰਨਵਾਦ ਕਰਦਾ ਹਾਂ।"ਪੂਜਾ ਗੁਜਰਾਲ ਨੇ ਕਿਹਾ, "ਮੈਂ ਵਿਕਰਮਜੀਤ ਸਿੰਘ ਸਾਹਨੀ ਜੀ ਦੇ ਨਾਲ ਕੰਮ ਕਰਨ ਵਿੱਚ ਮਾਣ ਮਹਿਸੂਸ ਕਰਦੀ ਹਾਂ। ਮੈਨੂੰ ਉਮੀਦ ਹੈ ਕਿ ਪਰਮਾਤਮਾ ਓਹਨਾਂ ਨੂੰ ਇਸ ਨਵੀਂ ਸ਼ੁਰੂਆਤ ਵਿੱਚ ਓਹਨਾਂ ਦਾ ਸਹਾਰਾ ਬਨਣਗੇ।"ਜਤਿੰਦਰ ਸ਼ਾਹ ਨੇ ਕਿਹਾ, "ਮੈਂ ਵਿਕਰਮਜੀਤ ਸਾਹਨੀ ਵਰਗੇ ਮਹਾਨ ਕਲਾਕਾਰ ਦੇ ਨਾਲ ਕੰਮ ਕਰਨ ਦਾ ਸੁਭਾਗ ਮਹਿਸੂਸ ਕੀਤਾ ਕਿਉਂਕਿ ਓਹਨਾਂ ਨੇ ਮਨੱਖਤਾ ਦੀ ਸੇਵਾ ਲਈ ਮਹਾਂਮਾਰੀ ਦੇ ਦੌਰਾਨ ਬਹੁਤ ਕੁਝ ਕੀਤਾ ਹੈ।""ਤੂੰ ਹੀ ਇੱਕ ਤੂੰ" ਗੀਤ ਦਾ ਵੀਡੀਓ ਪਹਿਲਾਂ ਹੀ ਵੀ ਪੰਜਾਬੀ ਰਿਕੌਰਡਜ਼ ਦੇ ਅਧਿਕਾਰਤ ਯੂਟਿਊਬ ਚੈਨਲ'ਤੇ 18 ਸਤੰਬਰ 2021 ਨੂੰ ਜਾਰੀ ਕੀਤਾ ਜਾ ਚੁੱਕਾ ਹੈ।