150 ਖੁਨਦਾਨਿਆਂ ਨੇ ਕੀਤਾ ਖੂਨ ਦਾਨ

5 ਦਰਿਆ ਨਿਊਜ਼

ਐਸ.ਏ.ਐਸ.ਨਗਰ 26-Feb-2014

ਸਥਾਨਕ ਵਿਸ਼ਵਾਸ ਫਾਉਂਡੇਸ਼ਨ ਵੱਲੋਂ ਮੋਹਾਲੀ ਦੇ ਫੇਜ਼ 3ਬੀ2 ਦੀ ਮਾਰਕਿਟ ਵਿੱਚ ਡੋਮੀਨੋਜ਼ ਪਿਜ਼ਜ਼ਾ ਦੇ ਸਾਹਮਣੇ ਮਾਰਕਿਟ ਵੇਲਫੈਅਰ ਐਸੋਸੀਏਸ਼ਨ ਦੇ ਸਹਿਯੋਗ ਨਾਲ ਖੂਨਦਾਨ ਕੈਂਪ ਲਗਾਇਆ |ਵਿਸ਼ਵਾਸ ਫਾਉਂਡੇਸ਼ਨ ਦੀ ਮੋਹਾਲੀ ਬ੍ਰਾਂਚ ਤੋਂ ਰਿਸ਼ੀ ਸਰਲ ਵਿਸ਼ਵਾਸ, ਰਿਸ਼ੀ ਰਚਿਤ ਵਿਸ਼ਵਾਸ, ਰਿਸ਼ੀ ਅਕਸ਼ੈ ਵਿਸ਼ਵਾਸ ਅਤੇ ਰਿਸ਼ੀ ਗੋਤਮ ਦੇ ਮਾਰਗ ਦਰਸ਼ਨ ਤੋਂ ਇਸ ਕੈਂਪ ਵਿੱਚ 150 ਲੋਕਾਂ ਨੇ ਖੂਨਦਾਨ ਕੀਤਾ| ਕੈਂਪ ਦਾ ਸੰਚਾਲਨ ਪੀਜੀਆਈ ਅਤੇ ਜਨਰਲ ਹਸਪਤਾਲ ਸੈਕਟਰ 16 ਚੰਡੀਗੜ੍ਹ ਦੀ ਬਲੱਡ ਬੈਂਕ ਦੀ ਟੀਮਾਂ ਨੇ ਸੰਯੁਕਤ ਰੂਪ ਵਿੱਚ ਕੀਤਾ| ਕੈਂਪ ਦਾ ਉਦਘਾਟਨ ਮਾਰਕੀਟ ਵੇਲਫੈਅਰ ਦੇ ਪ੍ਰਧਾਨ ਜਤਿੰਦਰਪਾਲ ਸਿੰਘ ਜੇਪੀ ਅਤੇ ਹੋਰ ਮੈਂਬਰਾ ਦੀ ਮੋਜੂਦਗੀ ਵਿੱਚ ਮੋਹਾਲੀ ਜਿਲਾ ਯੋਜਨਾ ਬੋਰਡ ਦੀ ਚੇਅਰਪਰਸਨ ਬੀਬੀ ਅਮਨਜੋਤ ਕੌਰ ਰਾਮੂਵਾਲੀਆ ਅਤੇ ਸਿਮਰਨ ਜੀਤ ਸਿੰਘ ਚੰਦੂਮਾਜਰਾ ਐਡਵੋਕੇਟ ਅਤੇ ਨਗਰ ਨਿਗਮ ਦੇ ਐਡੀਸ਼ਨਲ ਕਮਿਸ਼ਨਰ ਬੀ.ਡੀ. ਸਿੰਗਲਾ ਨੇ ਜੋਤ ਜਲਾਕੇ ਕੀਤਾ|ਕੈਂਪ ਦਾ ਸੰਚਾਲਨ ਪੀਜੀਆਈ ਦੀ ਟੀਮ ਦੇ ਡਾ. ਪੁਨੀਤ ਸਚਦੇਵਾ ਅਤੇ ਜਨਰਲ ਹਸਪਤਾਲ ਦੀ ਟੀਮ ਤੋਂ ਡਾ. ਸਿਮਰਜੀਤ ਕੌਰ ਨੇ ਕੀਤਾ|

ਖੂਨਦਾਨ ਕੈਂਪ ਵਿੱਚ ਸਥਾਨਕ ਦੁਕਾਨਦਾਰ ਅਤੇ ਡੋਮੀਨੋਜ਼ ਪਿਜ਼ਜ਼ਾ ਦੇ ਕਰਮਚਾਰੀਆਂ ਨੇ ਵੱਡੇ ਉਤਸਾਹ ਦੇ ਨਾਲ ਹਿੱਸਾ ਲਿਆ | ਸਾਰੇ ਖੂਨਦਾਨੀਆਂ ਨੂੰ ਡਾਕਟਰਾਂ ਦੁਆਰਾ ਦੱਸੀ ਗਈ ਹੇਲਦੀ ਰਿਫਰੇਸ਼ਮੈਂਟ ਵੀ ਦਿਤੀ ਗਈ ਅਤੇ ਵਿਸ਼ਵਾਸ ਫਾਉਂਡੇਸ਼ਨ ਦੀ ਜਨਰਲ ਸਕੱਤਰ ਸਾਧਵੀ ਨਿਲੀਮਾ ਵਿਸ਼ਵਾਸ ਨੇ ਮੇਡਲ ਅਤੇ ਸਰਟੀਫਿਕੇਟ ਦੇਕੇ ਪ੍ਰੋਤਸਾਹਿਤ ਕੀਤਾ| ਮਾਰਕੀਟ ਦੇ ਪ੍ਰਧਾਨ ਜਤਿੰਦਰਪਾਲ ਸਿੰਘ ਜੇਪੀ ਨੇ ਦਸਿਆ ਕਿ ਅਸੀਂ ਸਾਰਿਆਂ ਨੂੰ ਵੱਧ ਤੋਂ ਵੱਧ ਖੂਨਦਾਨ ਕਰਨਾ ਚਾਹੀਦਾ ਹੈ ਤਾਕਿ ਜ਼ਰੂਰਤਮੰਦ ਜਾਨਾਂ ਨੂੰ ਬਚਾਉਣ ਵਿੱਚ ਸਹਿਯੋਗ ਦਿੱਤਾ ਜਾ ਸਕੇ ਅਤੇ ਨਾਲ ਹੀ ਉਨ੍ਹਾਂ ਨੇ ਆਯੋਜਨ ਲਈ ਵਿਸ਼ਵਾਸ ਫਾਉਂਡੇਸ਼ਨ ਦੇ ਪਰਿਯਾਸ ਨੂੰ ਸਰਾਇਆ ਅਤੇ ਵਿਸ਼ਵਾਸ ਦਿੱਤਾ ਕੀ ਭਵਿੱਖ ਵਿੱਚ ਇਸ ਤਰ੍ਹਾਂ ਦੇ ਕੈਂਪਾ ਨੂੰ ਹਰ ਸੰਭਵ ਸਹਿਯੋਗ ਦਿੱਤਾ ਜਾਵੇਗਾ|  ਅੱਜ ਮੋਹਾਲੀ ਦੇ ਕੈਂਪ ਵਿੱਚ ਮਾਰਕਿਟ ਐਸੋਸਿਐਸ਼ਨ ਤੋਂ ਆਤਮਾਰਾਮ ਅਗਰਵਾਲ, ਹਰਨੇਕ ਸਿੰਘ ਕਟਾਨੀ, ਅਜੈਬ ਸਿੰਘ ਤੁੰਗ, ਵਰੁਣ ਗੁਪਤਾ ਅਤੇ ਅਸ਼ੋਕ ਬੰਸਲ ਹਾਜ਼ਰ ਸਨ|