ਕਰੋਨਾ ਮਹਾਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਖਰੜ ਪ੍ਰਸਾਸ਼ਨ ਕਿਸੇ ਵੀ ਵਾਰਡ ਚ ਨਹੀ ਕਰ ਰਿਹਾ ਸੈਨੀਟਾਈਜੇਸ਼ਨ : ਨਰਿੰਦਰ ਰਾਣਾ

5 Dariya News

ਖਰੜ 24-Apr-2021

ਕਰੋਨਾ ਮਹਾਮਾਰੀ ਪੂਰੇ ਦੇਸ਼ ਵਿਚ ਕਹਿਰ ਮਚਾ ਰਹੀ ਹੈ ਜਿਸ ਨਾਲ ਹਰ ਰੋਜ਼ ਹਜ਼ਾਰਾਂ ਲੋਕਾਂ ਦੀ ਜਾਨ ਜਾ ਰਹੀ ਹੈ। ਪਰ ਖਰੜ ਪ੍ਰਸ਼ਾਸ਼ਨ ਇਸ ਮਹਾਂਮਾਰੀ ਦੇ ਫੈਲਾਅ ਨੂੰ ਰੋਕਣ ਲਈ ਸ਼ਹਿਰ ਦੇ ਕਿਸੇ ਵਾਰਡ ਵਿੱਚ ਸੈਨੀਟਾਈਜ ਨਹੀ ਕਰਵਾ ਰਿਹਾ। ਇਸ ਸਬੰਧੀ ਲੈਟਸ ਡੂ ਇੱਟ ਇੰਡੀਆ ਐਨ.ਜੀ.ਓ ਦੇ ਪ੍ਰਦੇਸ਼ ਪ੍ਰਧਾਨ ਨਰਿੰਦਰ ਰਾਣਾ ਨੇ ਮੀਡੀਆ ਬਿਆਨ ਜਾਰੀ ਕਰਦਿਆਂ ਆਖਿਆ ਹੈ ਕਿ ਕਰੋਨਾ ਮਹਾਮਾਰੀ ਨੇ ਭਿਆਨਕ ਰੂਪ ਧਾਰਨ ਕੀਤਾ ਹੋਇਆ ਹੈ। ਇਸ ਮਹਾਮਾਰੀ ਦੀ ਚੇਨ ਤੋੜਨੀ ਜਰੂਰੀ ਹੈ ਜਿਸ ਲਈ ਸ਼ਹਿਰ ਅੰਦਰ ਸੈਨੇਟਾਈਜੇਸਨ ਬਹੁਤ ਜਰੂਰੀ ਹੈ। ਪਰ ਅਫਸੋਸ ਦੀ ਗੱਲ ਹੈ ਕਿ ਖਰੜ ਪ੍ਰਸਾਸ਼ਨ, ਖਰੜ ਨਗਰ ਕੌਂਸਲ ਦੇ ਅਧਿਕਾਰੀ ਅਤੇ ਨਵੇਂ ਚੁਣੇ ਗਏ ਕੌਂਸ਼ਲਰ ਆਦਿ ਹੱਥ ਉੱਤੇ ਹੱਥ ਰੱਖ ਕੇ ਬੈਠੇ ਹਨ।ਸ਼ਹਿਰ ਦੇ ਕਿਸੇ ਵੀ ਵਾਰਡ ਦੇ ਘਰਾਂ, ਦੁਕਾਨਾਂ ਆਦਿ ਤੇ ਸੈਨੇਟਾਈਜੇਸ਼ਨ ਦਾ ਕੰਮ ਨਹੀਂ ਹੋ ਰਿਹਾ ਹੈ। ਉਨਾਂ ਕਿਹਾ ਕਿ ਅਹਿਜਾ ਕਰਕੇ ਪ੍ਰਸਾਸ਼ਨ ਵੱਡੇ ਪੱਧਰ ਤੇ ਕਰੋਨਾ ਮਹਾਮਾਰੀ ਦੇ ਫੈਲਣ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਰਾਣਾ ਨੇ ਪੁਲਿਸ ਮਹਿਕਮੇ ਦੀ ਪ੍ਰਸ਼ੰਸ਼ਾ ਕਰਦਿਆਂ ਕਿਹਾ ਕਿ ਕੋਵੀਡ - 19 ਦੇ ਸੰਬੰਧੀ ਦਿਸ਼ਾ ਨਿਰਦੇਸ਼ ਦੀ ਪਾਲਣਾ ਕਰਾਊਣ ਲਈ ਮੋਹਾਲੀ ਪੁਲਿਸ ਵਧੀਆ ਰੋਲ ਨਿਭਾ ਰਿਹਾ ਹੈ। ਉਨਾਂ ਕਿਹਾ ਕਿ ਲੋਕ ਅਫਵਾਹਾਂ ਫੈਲਾਉਣ ਵਾਲਿਆਂ ਤੋਂ ਸਾਵਧਾਨ ਰਹਿਣ ।ਦੇਸ਼ ਦੀ ਜਨਤਾ ਦੇ ਸਹਿਯੋਗ ਨਾਲ ਹੀ ਕਰੋਨਾ ਮਹਾਮਾਰੀ ਦੀ ਚੇਨ ਤੋੜੀ ਜਾ ਸਕਦੀ ਹੈ।ਉਨ੍ਹਾਂ ਕਿਹਾ ਕਿ ਇਹ ਸਮਾਂ ਬਿਨਾਂ ਜਰੂਰਤ ਆਕਸੀਜਨ ਦੇ ਸਲੰਡਰ ਅਤੇ ਦਵਾਈਆਂ ਦਾ ਭੰਡਾਰਨ ਕਰਨ ਦਾ ਨਹੀਂ ਹੈ। ਆਕਸੀਜਨ ਦੀ ਜਮਾਂਖੋਰੀ ਨਾਲ ਜਰੂਰਤਮੰਦ ਮਰੀਜ਼ਾਂ ਦੀ ਜਿੰਦਗੀ ਨਾਲ ਖਿਲਵਾੜ ਨਾ ਕੀਤਾ ਜਾਵੇ।ਰਾਣਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਐਨ.ਜੀ.ਓ ਪੁਰੇ ਪੰਜਾਬ ਵਿੱਚ ਇਕ ਸਾਲ ਤੋਂ ਮੁਫਤ ਮਾਸਕ ਵੰਡ ਰਹੀ ਹੈ।ਉਨਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਵਿਡ ਰੋਕਥਾਮ ਲਈ ਵੈਕਸੀਨ ਜਰੂਰ ਲਗਾਊਣ ਜਿਸ ਦਾ ਕੋਈ ਨੁਕਸਾਨ ਨਹੀ ਹੈ ਜੋ ਸਰਕਾਰ ਵੱਲੋਂ ਕੈਪਾਂ ਅਤੇ ਸਰਕਾਰੀ ਹਸਪਤਾਲਾਂ ਚ ਮੁਫਤ ਲਗਾਈ ਜਾ ਰਹੀ ਹੈ।