ਫਾਜ਼ਿਲਕਾ ਜ਼ਿਲੇ ਦੀ 5117 ਕਰੋੜ ਦੀ ਕਰਜਾ ਯੋਜਨਾ ਜਾਰੀ

ਡਿਪਟੀ ਕਮਿਸ਼ਨਰ ਵੱਲੋਂ ਬੈਂਕਾਂ ਦੇ ਕੰਮਕਾਜ ਦੀ ਤਿਮਾਹੀ ਸਮੀਖਿਆ

5 Dariya News

ਫਾਜ਼ਿਲਕਾ 25-Mar-2021

ਜ਼ਿਲੇ ਦੇ ਡਿਪਟੀ ਕਮਿਸ਼ਨਰ ਅਰਵਿੰਦ ਪਾਲ ਸਿੰਘ ਸੰਧੂ ਨੇ ਅੱਜ ਫਾਜ਼ਿਲਕਾ ਜ਼ਿਲੇ ਦਾ ਸਲਾਨਾ ਕ੍ਰੈਡਿਟ ਪਲਾਨ ਅਤੇ ਸਲਾਨਾ ਕਰਜਾ ਯੋਜਨਾ 2021 22 ਜਾਰੀ ਕੀਤੀ ਗਈ ਹੈ। ਇਹ ਕ੍ਰੈਡਿਟ ਪਲਾਨ ਨਾਬਾਰਡ ਵੱਲੋਂ ਤਿਆਰ ਕੀਤਾ ਗਿਆ ਹੈ ਜਿਸ ਤੋਂ ਬਾਅਦ ਜ਼ਿਲਾ ਲੀਡ ਬੈਂਕ ਵੱਲੋਂ ਇਹ ਸਲਾਨਾ ਕਰਜਾ ਯੋਜਨਾ ਜਾਰੀ ਕੀਤੀ ਗਈ ਹੈ।ਇਸ ਮੌਕੇ ਜ਼ਿਲੇ ਦੇ ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਅਗਲੇ ਵਿੱਤੀ ਸਾਲ ਲਈ ਜ਼ਿਲੇ ਦੀ 511771 ਲੱਖ ਰੁਪਏ ਦੀ ਕਰਜਾ ਯੋਜਨਾ ਪ੍ਰਵਾਨ ਕੀਤੀ ਗਈ ਹੈ। ਇਸ ਵਿਚ ਖੇਤੀਬਾੜੀ ਸੈਕਟਰ ਲਈ 411016 ਲੱਖ ਰੁਪਏ ਦੇ ਕਰਜ ਦੇਣ ਦੀ ਯੋਜਨਾ ਉਲੀਕੀ ਗਈ ਹੈ।ਇਸ ਮੌਕੇ ਡਿਪਟੀ ਕਮਿਸ਼ਨਰ ਨੇ ਬੈਂਕਾਂ ਦੀ ਤੀਜੀ ਤਿਮਾਹੀ ਦੇ ਕੰਮਕਾਜ ਦੀ ਸਮੀਖਿਆ ਕੀਤੀ। ਉਨਾਂ ਨੇ ਇਸ ਮੌਕੇ ਬੈਂਕ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਉਹ ਪ੍ਰਾਥਮਿਕ ਸੈਕਟਰ, ਗਰੀਬਾਂ, ਔਰਤਾਂ ਆਦਿ ਨੂੰ ਪਹਿਲ ਦੇ ਅਧਾਰ ਤੇ ਵਿੱਤੀ ਸਹੁਲਤਾਂ ਮੁਹਈਆ ਕਰਵਾਉਣ। ਉਨਾਂ ਨੇ ਕਿਹਾ ਕਿ ਨੌਜਵਾਨਾਂ ਨੂੰ ਸਵੈ ਰੋਜਗਾਰ ਲਈ ਵੀ ਬੈਂਕਾਂ ਨੂੰ ਫਾਇਨੈਂਸ ਕਰਨ ਲਈ ਕਿਹਾ।ਇਸ ਮੌਕੇ ਜ਼ਿਲਾ ਲੀਡ ਮੈਨੇਜਰ ਸ੍ਰੀ ਰਾਜੇਸ ਕੁਮਾਰ ਚੌਧਰੀ ਨੇ ਬੈਂਕਾਂ ਦੀ ਕਾਰਗੁਜਾਰੀ ਦੱਸਦਿਆਂ ਕਿਹਾ ਕਿ ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਤੱਕ ਜ਼ਿਲਾ ਫਾਜ਼ਿਲਕਾ ਵਿਚ ਬੈਂਕਾਂ ਵੱਲੋਂ ਖੇਤੀਬਾੜੀ ਅਤੇ ਸਹਾਇਕ ਕਿੱਤਿਆਂ ਲਈ 2428 ਕਰੋੜ ਦੇ ਕਰਜ ਦਿੱਤੇ ਗਏ ਹਨ। ਜਦ ਕਿ ਪ੍ਰਾਥਮਿਕ ਸੈਕਟਰ ਲਈ ਬੈਂਕਾਂ ਨੇ ਜ਼ਿਲੇ ਵਿਚ 2950 ਕਰੋੜ ਦੇ ਕਰਜ ਦਿੱਤੇ ਗਏ ਹਨ।ਇਸ ਮੌਕੇ ਡੀਡੀਐਮ ਨਾਬਾਰਡ ਸ੍ਰੀ ਅਸ਼ਵਨੀ ਕੁਮਾਰ ਨੇ ਫਾਰਮਰ ਉਤਪਾਦਕ ਸੰਗਠਨ ਬਣਾਉਣ ਦੀ ਜਾਣਕਾਰੀ ਦਿੰਦਿਆਂ ਕਿਸਾਨਾਂ ਨੂੰ ਨਾਬਾਰਡ ਨਾਲ ਮਿਲ ਕੇ ਕਿਸਾਨ ਸਮੂਹਾਂ ਨੂੰ ਰਜਿਸਟਰਡ ਕਰਵਾਉਣ ਦੀ ਅਪੀਲ ਕੀਤੀ ਕਿਉਂਕਿ ਇਸ ਤਰਾਂ ਦੇ ਕਿਸਾਨ ਸਮੂਹਾਂ ਨੂੰ ਨਾਬਾਰਡ ਵੱਲੋਂ ਵਿੱਤੀ ਮਦਦ ਅਤੇ ਹੋਰ ਮਾਰਗਦਰਸ਼ਨ ਮੁਹਈਆ ਕਰਵਾਇਆ ਜਾਂਦਾ ਹੈ। ਇਸ ਮੌਕੇ ਵਧੀਕ ਡਿਪਟੀ ਕਮਮਿਸ਼ਨਰ ਵਿਕਾਸ ਸ੍ਰੀ ਨਵਲ ਰਾਮ ਵੀ ਹਾਜਰ ਸਨ।