ਫਾਜ਼ਿਲਕਾ ਦੇ 18 ਸਕੂਲਾਂ `ਚ ਵਿਜੈ ਮਸ਼ਾਲ ਦੀ ਕੀਤੀ ਗਈ ਪ੍ਰਦਰਸ਼ਨੀ

5 Dariya News

ਫਾਜ਼ਿਲਕਾ 27-Feb-2021

ਦੇਸ਼ ਭਰ ਵਿਚ ਆਪਣੀ ਯਾਤਰਾ ਦੌਰਾਨ ਵਿਜੇ ਮਸ਼ਾਲ ਨੂੰ ਵੱਖ-ਵੱਖ ਸਕੂਲਾਂ ਵਿਚ ਪ੍ਰਦਰਸ਼ਿਤ ਕੀਤਾ ਗਿਆ ਤਾਂ ਜ਼ੋ ਵਿਦਿਆਰਥੀਆਂ ਨੂੰ ਇਸ ਦੇ ਬਾਰੇ ਪਤਾ ਹੋਏ ਅਤੇ ਪੂਰੇ ਜੋਸ਼ ਤੇ ਜਨੂੰਨ ਨਾਲ ਇਸ ਦੀ ਮਹੱਤਤਾ ਬਾਰੇ ਹੋਰਾਂ ਨੂੰ ਜਾਣੂੰ ਕਰਵਾਇਆ ਜਾ ਸਕੇ। ਵਿਜੇ ਮਸ਼ਾਲ ਨੂੰ ਫਾਜ਼ਿਲਕਾ ਦੇ 18 ਸਕੂਲਾਂ ਵਿਚ 25, 26 ਅਤੇ 27 ਫਰਵਰੀ ਨੂੰ ਲਗਾਤਾਰ ਤਿੰਨ ਦਿਨ ਪ੍ਰਦਰਸ਼ਿਤ ਕੀਤਾ ਗਿਆ ਜਿੱਥੇ ਸਭ ਤੋਂ ਵੱਧ ਸੂਰਬੀਰ ਔਰਤਾਂ ਅਤੇ ਸੇਵਾਮੁਕਤ ਸਿਪਾਹੀ ਰਹਿੰਦੇ ਹਨ।ਵਿਜੇ ਮਸ਼ਾਲ ਨੂੰ ਭਾਰਤੀ ਸਕੂਲ ਦੀ ਮਹਾਨ ਰਸਮੀ ਵਰਦੀ ਵਾਲੀ ਹੋਸਟੈਸ ਦੁਆਰਾ ਹਰ ਸਕੂਲ ਵਿਚ ਲਿਜਾਇਆ ਗਿਆ। ਵਿਜੇ ਮਸ਼ਾਲ ਦੇ ਹਰੇਕ ਸਕੂਲ ਵਿਚ ਦਾਖਲ ਹੋਣ ਤੋਂ ਬਾਅਦ ਇਸ ਦੀ ਇਤਿਹਾਸਕ ਮਹੱਤਤਾ ਨੂੰ ਪੇਸ਼ ਕੀਤਾ ਗਿਆ ਅਤੇ ਹਰੇਕ ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਰਾਸ਼ਟਰੀ ਝੰਡਾ ਲਹਿਰਾਇਆ ਗਿਆ ਤੇ ਰਾਸ਼ਟਰੀ ਗੀਤ ਵੀ ਗਾਇਆ ਗਿਆ। ਇਨ੍ਹਾਂ ਸਾਰੇ ਸਮਾਗਮਾਂ ਵਿਚ ਬਹਾਦਰ ਨਾਇਕਾਂ ਤੋਂ ਇਲਾਵਾ ਸੇਵਾਮੁਕਤ ਸਿਪਾਹੀ, ਪਿੰਡ ਦੇ ਸਰਪੰਚ ਸ਼ਾਮਲ ਹੋਏ। ਸਕੂਲ, ਪ੍ਰਿੰਸੀਪਲ ਅਤੇ ਵਿਦਿਆਰਥੀਆਂ ਨੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ।ਸਮਾਗਮ ਦੇ ਅੰਤ ਵਿੱਚ ਸਭ ਨੂੰ ਮਠਿਆਈਆਂ ਵੰਡੀਆਂ ਗਈਆਂ।ਵਿਜੈ ਮਸ਼ਾਲ ਨੂੰ ਦੇਖਦਿਆਂ ਬੱਚਿਆਂ ਵਿਚ ਫੌਜ਼ ਵਿਚ ਭਰਤੀ ਹੋਣ ਦਾ ਭਰਵਾਂ ਉਤਸ਼ਾਹ ਸੀ ਤੇ ਸੈਨਾ ਵਿਚ ਸ਼ਾਮਲ ਹੋਣ ਦੀ ਹੌੜ ਨਜਰ ਆ ਰਹੀ ਸੀ।ਇਸ ਮੌਕੇ ਵਿਦਿਆਰਥੀਆਂ ਨੇ ਵਿਜੈ ਮਸ਼ਾਲ ਨੂੰ ਲੈ ਕੇ ਅਧਿਕਾਰੀਆਂ ਕੋਲੋਂ ਪ੍ਰਸ਼ਨ ਵੀ ਪੁੱਛੇ ਅਤੇ ਜਾਣਕਾਰੀ ਵੀ ਹਾਸਲ ਕੀਤੀ।ਵਿਜੇ ਮਸ਼ਾਲ ਨੇ ਸਾਰੇ ਹਾਜ਼ਰੀਨ ਵਿਚ ਦੇਸ਼ ਭਗਤੀ ਦੀ ਡੂੰਘੀ ਭਾਵਨਾ ਨੂੰ ਮੁੜ ਜੀਵਿਤ ਕੀਤਾ।ਫੌਜ ਦਾ ਮੇਲਾ 1 ਮਾਰਚ 2021 ਨੂੰ ਫਾਜ਼ਿਲਕਾ ਮਿਲਟਰੀ ਸਟੇਸ਼ਨ ਵਿਖੇ ਲਗਾਇਆ ਜਾਵੇਗਾ।ਇਸ ਦਿਨ ਅਤਿ-ਆਧੁਨਿਕ ਹਥਿਆਰਾਂ ਦੀ ਪ੍ਰਦਰਸ਼ਨੀ ਵੀ ਲਗਾਈ ਜਾਵੇਗੀ।ਫੌਜ ਦੇ ਪ੍ਰਤਿਭਾਸ਼ਾਲੀ ਮਾਰਚ ਕਰਨ ਵਾਲੇ ਬੈਂਡ ਦੀ ਮੁਹਾਰਤ ਦਾ ਪ੍ਰਦਰਸ਼ਨ ਵੀ ਕੀਤਾ ਜਾਵੇਗਾ।