ਮਾਨਵਤਾ ਦੀ ਸੇਵਾ ਲਈ ਜੁੱਟੀਆਂ ਸੰਸਥਾਵਾਂ ਲਈ ਹਮੇਸ਼ਾ ਹਾਜ਼ਰ ਹਾਂ : ਵਿਧਾਇਕ ਅੰਗਦ ਸਿੰਘ

ਆਵਾਜ਼ ਸੁਸਾਇਟੀ ਨੂੰ ਐਂਬੂਲੈਂਸ ਲਈ ਇਕ ਲੱਖ ਰੁਪਏ ਦਾ ਦਿੱਤਾ ਯੋਗਦਾਨ

5 Dariya News

ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ) 07-Nov-2020

ਮਾਨਵਤਾ ਦੀ ਸੇਵਾ ਵਿਚ ਲੱਗੀਆਂ ਸਮੂਹ ਸੰਸਥਾਵਾਂ ਲਈ ਮੈਂ ਹਮੇਸ਼ਾ ਹਾਜ਼ਰ ਹਾਂ ਅਤੇ ਉਨਾਂ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰਾਂਗਾ। ਇਹ ਪ੍ਰਗਟਾਵਾ ਵਿਧਾਇਕ ਅੰਗਦ ਸਿੰਘ ਨੇ ਆਵਾਜ਼ ਸੁਸਾਇਟੀ ਦੀ ਐਂਬੂਲੈਂਸ ਨੂੰ ਲੋਕ ਅਰਪਿਤ ਕਰਨ ਮੌਕੇ ਕੀਤਾ, ਜਿਸ ਲਈ ਉਨਾਂ ਵੱਲੋਂ ਇਕ ਲੱਖ ਰੁਪਏ ਦੀ ਸਹਾਇਤਾ ਰਾਸ਼ੀ ਦਾ ਯੋਗਦਾਨ ਵੀ ਪਾਇਆ ਗਿਆ। ਉਨਾਂ ਆਵਾਜ਼ ਸੁਸਾਇਟੀ ਵੱਲੋਂ ਸਮਾਜ ਸੇਵਾ ਲਈ ਕੀਤੇ ਜਾ ਰਹੇ ਬਿਹਤਰੀਨ ਕਾਰਜਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਮੌਜੂਦਾ ਸਮੇਂ ਵਿਚ ਅਜਿਹੀਆਂ ਸੰਸਥਾਵਾਂ ਦੀ ਬੇਹੱਦ ਲੋੜ ਹੈ, ਜਿਹੜੀਆਂ ਬਿਨਾਂ ਕਿਸੇ ਭੇਦਭਾਵ ਦੇ ਦੀਨ-ਦੁਖੀਆਂ ਦੀ ਮਦਦ ਲਈ ਹਮੇਸ਼ਾ ਤੱਤਪਰ ਰਹਿੰਦੀਆਂ ਹਨ। ਉਨਾਂ ਕਿਹਾ ਕਿ ਨਿਸ਼ਕਾਮ ਸੇਵਾ ਕਰਨ ਵਾਲੀਆਂ ਅਜਿਹੀਆਂ ਸੰਸਥਾਵਾਂ ਦਾ ਉਹ ਹਰੇਕ ਤਰਾਂ ਨਾਲ ਸਹਿਯੋਗ ਕਰਨ ਲਈ ਹਮੇਸ਼ਾ ਤਿਆਰ ਹਨ। ਇਸ ਮੌਕੇ ਡੀ. ਐਸ. ਪੀ ਰਾਜ ਕੁਮਾਰ, ਬਨਾਰਸੀ ਦਾਸ, ਵਿਨੋਦ ਭਾਰਦਵਾਜ, ਸਤਨਾਮ ਚੇਚੀ, ਮਦਨ ਲਾਲ ਚੇਚੀ, ਨਰੇਸ਼ ਪੁਰੀ, ਸੁਰਜੀਤ ਸਿੰਘ, ਰਾਮਧਨ ਖੇਪੜ, ਸੁਰਿੰਦਰ ਖੇਪੜ, ਰਤਨ ਜੈਨ, ਨਵੀਨ ਪੁਰੀ, ਰਮਨਦੀਪ ਥਿਆੜਾ ਅਸ਼ੋਕ ਚੌਧਰੀ, ਅਨੀਕੇਤ ਅਰੋੜਾ, ਵਿਸ਼ਾਲ ਵਿਜ, ਵਨੀਤ ਜਾਡਲਾ, ਧਰਮਵੀਰ ਹਕਲਾ, ਹਰਿੰਦਰ ਬਜਾੜ, ਹਰਸ਼ ਸ਼ਰਮਾ, ਸ਼ਿਵ ਕੌੜਾ, ਰਾਜ ਬਜਾੜ, ਕਰਨ, ਰਾਜਵਿੰਦਰ ਹੀਰ, ਰਾਜੇਸ਼ ਗਾਬਾ, ਰਚਨਾ ਛਾਬੜਾ ਬਲਵਿੰਦਰ ਭੂੰਬਲਾ, ਰਾਮ ਜੀ ਦਾਸ ਤੇ ਹੋਰ ਹਾਜ਼ਰ ਸਨ।