ਮੋਹਾਲੀ ਦੇ ਦੋਵੇਂ ਪ੍ਰੈਸ ਕਲੱਬ ਇਕ ਹੋਏ

5 ਦਰਿਆ ਨਿਊਜ਼

ਐਸ.ਏ.ਐਸ ਨਗਰ 08-Jan-2014

ਪੱਤਰਕਾਰ ਭਾਈਚਾਰੇ ਦੀ ਬੇਹਤਰੀ ਨੂੰ ਮੁੱਖ ਰੱਖਦੇ  ਹੋਏ ਪ੍ਰੈਸ ਕਲੱਬ ਐਸ.ਏ.ਐਸ ਨਗਰ ਅਤੇ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਏਕਤਾ ਕਰਦੇ ਹੇਂਏ ਸਰਬਸੰਮਤੀ ਨਾਲ ਆਪਸੀ ਰਲੇਵੇਂ ਦਾ ਫੈਸਲਾ ਕਰ ਲਿਆ ਹੈ। ਦੋਹਾਂ  ਕਲੱਬਾਂ  ਦੇ ਆਹੁਦੇਦਾਰਾਂ ਅਤੇ ਮੈਂਬਰਾਂ ਵੱਲੋ ਏਕਤਾ ਨੂੰ ਸਹਿਮਤੀ ਵੀ ਦੇ ਦਿਤੀ ਗਈ। ਅੱਜ ਪ੍ਰੈਸ ਕੱਲਬ ਐਸ.ਏਸ ਨਗਰ ਦੀ ਜਨਰਲ ਬਾਡੀ ਦੀ ਮੀਟਿੰਗ ਕੇਵਲ ਸਿੰਘ ਰਾਣਾ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਸਰਬਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ ਮੋਹਾਲੀ ਪ੍ਰੈਸ ਕਲੱਬ ਦੇ ਬੈਨਰ ਹੇਠ ਦੋਵੇਂ ਕਲੱਬਾਂ ਦੀ ਸਾਂਝੀ ਟੀਮ ਦਾ ਗਠਨ ਕੀਤਾ ਜਾਵੇ, ਕਲੱਬ ਦਾ ਦਫਤਰ ਕੋਠੀ ਨੰਬਰ 384 ਫੇਜ਼ 4 ਵਿੱਚ ਹੋਵੇਗਾ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਫੈਸਲਾ ਕੀਤਾ ਕਿ ਨਵੀਂ ਗਠਨ ਟੀਮ ਦੇ ਪ੍ਰਧਾਨ ਦਰਸ਼ਨ ਸਿੰਘ ਸੋਢੀ ਅਤੇ ਚੇਅਰਮੈਨ ਕੇਵਲ ਸਿੰਘ ਰਾਣਾ ਹੋਣਗੇ । ਸਾਝੀ ਟੀਮ ਵਿੱਚ ਪ੍ਰੈਸ ਕਲੱਬ ਐਸ.ਏ.ਨਗਰ  ਦੇ ਬਾਕੀ ਆਹੁਦੇਦਾਰ ਨਾਮਜਦ ਕਰਨ ਦੇ ਅਧਿਕਾਰ ਵੀ ਇਨ੍ਹਾਂ ਨੂੰ ਦਿਤੇ ਗਏ।  ਇਸ ਤੋਂ ਬਾਅਦ ਮੋਹਾਲੀ ਪ੍ਰੈਸ ਕਲੱਬ ਅਤੇ ਪ੍ਰੈਸ ਕਲੱਬ ਐਸ.ਏ.ਐਸ ਨਗਰ ਦੇ ਆਹੁਦੇਦਾਰਾਂ ਦੀ ਵਿਸੇਸ ਮੀਟਿੰਗ ਹੋਈ ਜਿਸ ਵਿੱਚ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ ਗੁਰਮੀਤ ਸਿੰਘ ਸ਼ਾਹੀ, ਸੁਖਦੇਵ ਸਿੰਘ ਪਟਵਾਰੀ, ਗੁਰਜੀਤ ਸਿੰਘ ਬਿੱਲਾ,ਨਾਹਰ ਸਿੰਘ ਧਾਲੀਵਾਲ, ਬਲਜੀਤ ਮਰਵਾਹਾ, ਜਸਵਿਦਰ ਸਿੰਘ ਅਤੇ ਕੇਵਲ ਸਿੰਘ ਰਾਣਾ, ਦਰਸ਼ਨ ਸਿੰਘ ਸੋਢੀ, ਸਤਵਿੰਦਰ ਸਿੰਘ ਧੜਾਕ, ਪ੍ਰਭਮੀਤ ਲੁਥਰਾ, ਰਣਜੀਤ ਰਾਣਾ , ਹਰਬੰਸ ਸਿੰਘ ਬਾਗੜੀ , ਕੁਲਦੀਪ ਸਿੰਘ, ਭੁਪਿੱਦਰ ਬੱਬਰ, ਲਲਿਤਾ ਜਾਮਵਾਲ, ਡਾ. ਭੁਪਿੰਦਰ ਅਭੇਪੁਰੀਆ, ਸੁਖਦੀਪ ਸਿੰਘ, ਨਰਿੰਦਰ ਸਿੰਘ ਝਾਂਮਪੁਰ,ਅਮਰਜੀਤ ਸਿੰਘ, ਬਲਜਿੰਦਰ ਢਿਲੋਂ, ਸ਼ੁਸੀਲ ਗਰਚਾ , ਡਾ ਅਤੇ ਜਸਬੀਰ ਜੱਸੀ ਨੇ ਮੀਟਿੰਗ ਕੀਤੀ ਅਤੇ ਫੈਸਲਾ ਕੀਤਾ ਕੱਲ ਮੋਹਾਲੀ ਪ੍ਰੈਸ ਕਲੱਬ ਵੱਲੋਂ  9 ਜਨਵਰੀ ਨੂੰ ਆਯੋਜਤ ਕੀਤੇ ਜਾ ਰਹੇ ਧੀਆਂ ਦੀ ਲੋਹੜੀ ਮੇਲੇ ਵਿੱਚ ਸਾਝੀ ਟੀਮ ਦਾ ਐਲਾਨ ਕੀਤਾ ਜਾਵੇਗਾ।