ਗੋਪਾਲ ਸਿੰਘ ਪੁੱਤਰ ਪੂਰਨ ਸਿੰਘ ਨਿਵਾਸੀ ਜੰਡਿਆਲਾ ਰੋਡ ਗਹਿਰੀ ਮੰਡੀ ਨੇ ਦੱਸਿਆ ਕਿ ਕਲ ਮੈਂ ਤੇ ਮੇਰਾ ਲੜਕਾ ਘਰ ਨੂੰ ਤਾਲੇ ਮਾਰ ਕੇ ਰਾਤ ਨੂੰ ਅਸੀਂ ਕਿਸੇ ਰਿਸ਼ਤੇਦਾਰ ਦੇ ਘਰ ਠਹਿਰੇ ਹੋਏ ਸੀ।ਅਸੀਂ ਜਦੋ ਸਵੇਰੇ ਘਰ ਵਾਪਿਸ ਆਏ ਤਾਂ ਦੇਖਿਆ ਕਿ ਸਾਡੇ ਘਰ ਦੇ ਤਾਲੇ ਟੁੱਟੇ ਹੋਏ ਸਨ।ਅਤੇ ਘਰ ਵਿੱਚ ਲੱਗੇ ਹੋਏ ਸੀ ਸੀ ਟੀ ਵੀ ਦੇ ਕੈਮਰਿਆਂ ਨਾਲ ਵੀ ਛੇੜਖਾਨੀ ਕੀਤੀ ਹੋਈ ਸੀ।ਇਸ ਤੋਂ ਇਲਾਵਾ ਘਰ ਦੇ ਨਾਲ ਦੁਕਾਨ ਵਿੱਚ ਵੀ ਚੋਰ ਗੱਲੇ ਵਿੱਚੋ 4 ਹਜ਼ਾਰ ਰੁਪਏ ਨਗਦੀ ਲੈ ਗਏ ।ਪੀੜਤ ਵੱਲੋਂ ਇਸਦੀ ਸ਼ਿਕਾਇਤ ਪੁਲਿਸ ਚੌਕੀਂ ਗਹਿਰੀ ਮੰਡੀ ਵਿੱਖੇ ਦੇ ਦਿੱਤੀ ਗਈ ਹੈ।ਚੋਰੀ ਦੀਆਂ ਘਟਨਾਵਾਂ ਵਿੱਚ ਲਗਾਤਾਰ ਹੋ ਵਾਧਾ :ਸਰਪੰਚ ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹੋਇਆਂ ਆਖਿਆ ਕਿ ਪਿਛਲੇ ਕੁੱਝ ਸਮੇ ਤੋ ਗਹਿਰੀ ਮੰਡੀ ਦੇ ਇਲਾਕੇ ਵਿੱਚ ਲਗਾਤਾਰ ਚੋਰੀ ਦੀਆਂ ਘਟਨਾਵਾਂ ਹੋਣਾ ਚਿੰਤਾ ਦਾ ਵਿਸ਼ਾ ਹੈ ।ਹਾਲਾਤ ਇਹ ਹੋ ਗਏ ਹਨ ਕਿ ਅੱਜ ਕਿਸੇ ਦਾ ਘਰ ਸੁਰੱਖਿਅਤ ਨਹੀਂ ਹੈ ।ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਅਜਿਹੇ ਚੋਰਾਂ ਨੂੰ ਪੁਲਿਸ ਲੱਭ ਕੇ ਨੱਥ ਪਾਵੇ ਤਾਂ ਜੋ ਲੋਕਾਂ ਨੂੰ ਰਾਹਤ ਮਿਲ ਸਕੇ ਅਤੇ ਉਹ ਆਪਣੇ ਆਪ ਨੂੰ ਸੁਰੱਖਿਅਤ ਮਹਿਸੂਸ ਕਰ ਸਕਣ।